كنت الليله مسيّر على معارض السيارات با الشفا - الرياض - وكان ودي اشوف اسعار اليوكون الامريكي المستورد .. مريت على كم محل .. وعرفت ان اكثرهم يشري سياراتة الامريكيه المستوردة عن طريق مندوب له هناك .. ولكني وجدت اكثر من واحد يشري عن طريق موقع الاي باي - ebay - ماهيب مشكله، لكن لاحظت ان اسعار سياراتهم مبالغ فيها، بالخصوص اذا اخذنا بعين الاعتبار الانخفاض الشديد في الطلب على سيارات SUV بسبب ارتفاع اسعار البنزين في الولايات المتحدة .. والذي من المفترض ان يكون له اثر كبير في انخفاض اسعارها. مثلا وجدت سيارة يوكون ماشيه 100.000 مايل ، مديلها 2002 وصاحب المعرض يطلب فيها 66 الف ريال .. مع انك لو رجعت الى موقع اي باي تلاقي سيارات مديلها 2004 و 2005 ماشية 40.000 الى 60.000 ودينالي بعد ، تباع بحدود 10.000 الى 13.000 دولار ( معدل 45.000 ريال سعودي، يعني حط عليها 150 دولار مواصفات و 2000 دولار اجور شحن بري داخلي وبحري دولي و 1000 دولار جمارك ونقل داخلي ( تقريبا 12.000 ريال) يصير المجموع 60.000 الف ريال للدينالي واصل للرياض .. نفس السيارة ما يبيعها صاحب المعرض بأقل من 80.000 ريال.
يعني 20.000 ريال مربح .. والشغله كلها فيزا وموقع انترنت.
احس ان الاسعار مبالغ فيها .. ازيدها 20 الف واخذ جيب ياباني فورتنير او اكستيرا 2009.
محبكم ....
