الفزعه شباب حراره الصابونه

اخوي السواق المتوتر
بس أحب أضيف معلومه السيارة الصابونة ٩١ مافيها مراوح أضافية غير المروحة الأساسية المكينة وأنا أصلا مابدلت شي فقط أضفت مراوح فقط لذا أن جدا تعقدة من هذه السياره وحرارتها

اوكي ..

شوف اخوي... انت تقول اذا السيارة تعدت سرعة معينة تنخفض الحرارة... واذا وقفت ترتفع..

ابغا اقولك مادام الحرارة تنخفض مع المشي هذا دليل ان طرمبة المويه تمام (الموية تدور في نظام التبريد) والبلف تمام ( يفتح ويسمح للموية بدخول المكينة) والضغط تمام ( مافيه تهريب هواء ولا كان ما نزلت الحرارة ابدا)..

المشكلة في دخول الهواء عبر الرديتر وقت الوقوف... لانه والسيارة ماشية يدخل هواء للرديتر ويبرد الموية... ولكن وانت واقف ما يمر هواء كافي عبر الرديتر...

لذلك راح نركز على المروحه لانها السبب...

انت تقول سويت تعديلات وتغييرات ... ولا اعرف انت وش سويت في المراوح؟ هل غيرتها بمراوح غير وكالتها؟ هل غيرتها لكهربائية؟ هل لازال الغطاء الموجود على اطراف المروحة موجود؟

اذا كانت مراوحها الاصلية ولم تعدل في المراوح ... فهناك احتمالات كثيرة..

اول شي اشك فيه هو كلتش المروحة (اذا كانت مروحة ميكانيكية).. شيك عليه .... يعني طف السيارة.. وانتظر لين تبرد...

ولف المروحه بيدك والسيارة طافيه تماما.. لاتلف المروحة والسيارة شغالة..

اذا استمرت المروحة في الدوران اكثر من اللازم هذا يعني كلتش المروحة خربان... غيرة...

ياخوي ركبت مراوحه والله مانفع بوجودها ععدمه

ا
وجربت افصلها و نفس المشكله عند الوقوف ترتفع وعند ا لممشى تنزل للطبيعية الربع


‏"‏""""

علما ان عزم الموتر قوي تحت الربع بمكيف ولابدون

وإذا حرارة السياره الربع أو فوق بمكيف ولابدون مكيف
العزم يضعف مره

ولوكانت السياره بعد تمشي

‏"‏""""

ويصير لها المكينة حنة قوية وصوت يختلف عند الدعسه
وبنفس الالي بأول

الحرارة تحت الربع مافيه صوت حنة
أما الحرارة في الربع أو فوق فيه صوت قوى وحنة



شباااااااااااااب نبي حل والله عقدتني ذي السياره صابر عليها تلات سنوات

ياخوي ركبت مراوحه والله مانفع بوجودها ععدمها
وجربت افصلها و نفس المشكله عند الوقوف ترتفع وعند ا لممشى تنزل للطبيعية الربع

اخوي روح للمهندس وقول له يثبت لك المروحة بتاع المكينة هذا اول شي وتثبيت المروحة يضع مسمار رابع في كلتش المروحة تصير ثقيلة وتبرد اكثر واكثر وثاني شي روح لكهربائي وركب مروحة توليف مع المكيف واختار انت من الانواع الجيدة مروحة مرسيدس او مروحة مكسيما ابو خطين عشان تبرد والمساحة واسعة اعتقد في الامريكي المهم اختار مع المكيف مروحة طيبه ريش كبيرة ونظيفة وان شاء الله هذا هو الحل وتدعي لي ان شاء الله
واي استفسار ابششررررررررررررر به

البلى عند الوقوف فقط شباب نبي الحل ظنكم البواجي له دور فها المسأله انا مغير البواجي منت افكر زيك بس لااسف مثل ماهي

وياخوي الصابونة انا مثل وضعك بالظبط في الحراره عند الوقوف

علما بأني صار لي حوالي أربع سنوات ماغير البواجي والسياره لين الحين كويسه ما يتفتف

بالنسبه لتركيب المراوح ركبت
وبالنسبه لتركيب رديتر نحاس ركبت نحاس أربع رصات

وكله مانفع بس إذا كانت السياره واقفه مع تشغيل المكيف في النهار أو بالليل
...
وإذا كنت السياره تمشي الحراره أبدا ماتتعدى الربع ابد بالظهر
أو بالليل والموتر يمشي تحت الربع بشوي

البلى عند الوقوف فقط شباب نبي الحل ظنكم البواجي له دور فها المسأله

السلام عليكم
هذا الخلل من راس المكينه لانه كان عندي كادليك 2004وديته فحص وكاله بدلو لي كل شي بعدها ارتفعت الحراره مره ثانيه وديتها كراج وقال لي من راس المكينه وصلحتها عنده والحين حرارتها زينه

بالنسبه للكابرس عادي انا عندي اذا كانت واقفه عادي ترتفع شوي شوي تروح فوق النص

بس الحل انك تفصل راديتر نحاس اعرف واحد يقول لي حرارته علي c في الصيف بعد مابدل الراديتر (نحاس)
وانشالله اكون فدتكم :a120(72):

صحيح .. موديل 93 وتحت لها مروحه واحده رئيسية.. 94 وفوق لها مروحتين... ولكن القضية واحدة..

سبب ارتفاع الحراره ان المروحه تشتغل متأخره جدا بعد ان تتعدى 107 درجة مئوية.. واذا يبغا السيارة تكون باردة لازم يسرع من تشغيل المروحه إما بضبط الكمبيوتر او تركيب سويتش .. والكهربائي المتخصص راح يعرف المقصد..

هذا اذا كانت سليمة وبحسب ضبط الشركة.. لكن اذا كان في السيارة تعديلات .. فقد تكون مشاكل اخرى..

السواق المتوتر
أخوي أصلا الصابونة مافيها مراوح تبريد إظافية غير مروحة المكينة الرئيسية وهو سبب إرتفاع الحرارة
أنا شخصيا طبقتها على صابونة عندنا وصارت الحرارة ماتتعدى الربع والمكيف ثلااااااجه

عموما أنا راح أعطيكم الخطوات الظرورية لكشف الخلل وهي كالتالي

1- لما تكون السيارة باردة الصبح إفتح غطى الرديتر وتأكد إن الرديتر مليان مي بعدها شغل السيارة والغطى مفتوح وإدعس البنص بصورة خفيفية لو نفخ الموتر هواء معه نسبة مي طبعا مع فتحة الرديتر يعني عندك الراس مطعوج
2- لما تكون السيارة تزيد حرارتها بإزدياد السرعة وتوصل الإتش ولما تهدي تبرد والرديتر وطرمبة المي سليمات أكيد برضو الراس مطعوج

غيرها يمكن أحلها لكم بس أحتاج لشرح وافي للمشكلة
أما مشكلة الحرارة مع المكيف في الزحمة فما لها إلا تركيب مراوح وبس

ولا تنسى برضه.. نظف المكينه عندك والرديتر عند محلات الرديترات.. قوله غسيل مكينه صديق.. بياخذ منك 50 ريال .. ولكن لها تأثير.. راح يشيل الاوساخ والصدء داخل الرديتر والمكينة.. وبالنسبة لموية الرديتر ... 50% مياه خضراء مركزه عادية ..(لا تستخدم ديكسيكول) و50% مياه عادية او مقطره افضل..
او استخدم الجكات العادية لانها تجي مخلوطه 50/50 جاهزة.. 4 جكات تكفي الكابرس.. وارخص وافضل..

حرارة الصابونة عندكم طبيعية مافيها شي...

الصابونة في اوقات الظهر والزحمة توصل لتحت الخطر الاحمر...

الصابونه مصممه كذا... بهدف تقليل استهلاك البنزين بحسب زعم مهندسين جنرال موتورز..

المروحة الرئيسية ما تشتغل الا اذا وصلت الحرارة فوق النص بكثير .. قبل الخط الاحمر... وبعدها بعشر دقايق تشتغل المروحة الاضافية..

ونادرا ما تشتغل المروحة الاضافية...

وبسبب ان المراوح ما تشتغل الا متأخره جدا .. تلاحظ انك اذا مسكت خط تنزل درجة الحرارة.. الى النص او أقل... لان السرعه تسمح لدخول الهواء وتبريد المياه في الرديتر....

اذا كنت تبغا سيارتك تكون باردة على طول حتى في وقت الزحمة والظهر... غير البلف لـ 160 .. وبرمج الكمبيوتر عندك في الكابرس علشان يعطي أمر للمراوح انها تشتغل بدري... او تركب سوتش للمراوح علشان تشتغل بدري... روح عند كهربائي فنان ومحترف فلبيني عندهم كمبيوتر وقووله ابغا المراوح تشتغل بدري .. عدل لي الكمبيوتر في السيارة علشان يعطي امر تشتغل المراوح بدري... ولا تنسى تغير البلف من 180 الى 160....

حاليا .. تعتبر الحرارة طبيعية انها توصل قبل الخط الاحمر في الظهر وعند الاشارة والزحمة...

إخواني إليكم حل حرارة الصابونة وهو حل نهائي يقتل الحرارة وهو إنك تركب عدد 2 مراوح كهربائية من الأمام ( نفس نظام المرسدس الشبح ال 500 ) وتوصل مع المكيف أهم شي إختار مراوح ريشها بلاستيك و الإطار حديد ولازم المروحتين نفس بعض مثل مراوح الصني تنفع تركبها على الصابونه كل ماهنالك يبغالك كهربائي فنان يركبهن وإنتبه تشيل المروحة الرئيسية للمكينة لأن له تأثير على المدى البعيد على القير

زي ماقلت المراوح تركب برايعني على رديتر المكيف ويوجد في الصابونة مكان كافي يحتوي المراوح

وأي سؤال أنا جاهز مع العلم إن أنواع المراوح اللي تركب كثيرة وترا عندي مروحتين بالبيت نظاف كنت ابي اركبهم على فورد قديم عندي وبعتة قبل أركبهم اللي يبيهم ب 300 ريال راس مالهم يراسني على [EMAIL="[email protected]"][email protected][/EMAIL]

وماتشوفون حرارة إن شاؤ الله

الإخوان اللي يسألون عن تغيير المراوح الميكانيكية إلى كهربائية ، أرجوا منهم قراءة هذا الموضوع

من يريد تركيب مروحة كهربائية

أما إذا بغيت تعرف مصدر الحرارة وطرق حلها فعليك قراءة هذا الموضوع

هل تعاني من ارتفاع حرارة سيارتك،، هنا تجد الحل بإذن الله..

طيب فيه شي يمكن نكشف عن راس المكينة أهو منشعر او منكسر
من دون فك المكينة
أو طريقة لمعرفة الخلل أو بجربه
لان فك المكينة مكلف جدا جدا جدا وبعدين بعد الفك يمكن يصير رأس المكينة جيد ولا يوجد به خلل
لذا أفيدونا أخواني بطريقه ماء بكشف

طيب والله اناا بعد شاك براس المكينة

والله ياخوي أنا عندي نفس المشكله صابونة  عند وقوف السياره والمكيف شغال الحراره فوق بس يعلم الله اني صابر عليها من ثلاث سنوات في الصيف والحر والنار بس أنا غير الرديتر أربع صرات وغيرت تماتيك المروحه وغير طرنبه الماء وركبت مروحه بس والله مانفع معها شي
*****
والله أعلم وأتوقع أن الخلل من رأس المكينة بس أنا مقربت لها خليتها كذا من دون فك المكينة
*****
ياليت الشباب يفيدونا في هالأمر