وعليكم السلام ورحمة الله وبركاته ..
والله زمان ياعمر .. بشرنا عنك ؟:emot154:
نعود لموضوعنا الاسباب اللي تخلي السيارة تتعرض لمثل هالمواقف هي كسر الركبة وانتهاء ربلات جلب المقصات وبيرنق الجنبينات اذا جيم . وواضح ان الركبة هي السبب لان كل الاجزاء في التعليق موجودة وواضح بعد ان بيب الكنداسة انكسر من عند صواميل شد الجازجيت اللي يركب في الاكزوست بسبب الضغط اللي جاه من ثنية الكفر وصورته بجانب الكفر من الداخل والكفر سحب في طريقه العكس يعني العكس ماهو مكسور وسهل تركيبه ولا اعتقد ان صار له اي ضرر .
بودي اطمن الجميع ان السيارة ما تصير بها الشكل الا بعد فترة طويلة يمكن شهرين او ثلاثة من سماع اصوات واهتزازات خاصة في المطبات وتزيد الاصوات هذي مع الوقت .. شكل السايق وافد ماهوب سعودي .
الركب علاجها التغيير وما انصح ابد بالتشحيم وبالنسبة للجنبينات اللي يجي له مكان يتشحم راح يمشي حاله وماعنده مشكلة بس بعض الانواع ماتتشحم بمجرد تسمع الصوت لازم تغيرها اما جلب المقصات فيمكن تشريها وتغيرها وابد ما هناك خلاف ان شاء الله .,
الشي الاخير كل سيارة معرضة لنفس المشكلة الميتسوبيشي النيسان الجي ام وغيرها كثير . يعني الصيانة تغني عن العلاج بمشيئة الرحمن.
شكرا اخوي عمر مرة اخرى وللجميع خالص تحياتي .,
