السلام عليكم ورحمة الله وبركاته
أرجو من الإخوان أصحاب الخبرة إفادتي في مشكلتي مع سيارتي الينكن تاون كار 1999 وهي:-
قدر الله علي وغسلت الموتر بستم وساعة ما قالي المغسل ( كلاس ) شغلت الموتر واذا هو ينتفض تقول شاف له جني وابد ادوسله وهو واقف ما في فايده المهم نشفوه ورحت البيت وأشم لكم ريحة شعط تجن من تحت ومن المكيف لين وقفت وفتحت الغطى واشوف انه الشكمان مثل الجمر واوقفه لثاني يوم واخذه للملحم ( الخبر ) واذا يقولون لي قفلنا قسم الميكانيك ودورت غيرهم لقيت واحد يقاله المركز الفني التخصصي في الفوازية ويشوفه ويقول ترى خلها واتصل عليك
قلنا خير خذت ليموزيت لين البيت واتضرت اتصاله ويقولي ترى يبيلها 4 كويلات وبنسوي تصفية ماكينة قلت له غير مرة واحدة البواجي لأني زمان ما غيرتها
ودق لي العصر قال لي خلصت ورحت واخذتها ودفعت يومها 740 ريال اول يومين مافي شي بس جات بعدين تنتيعة خفيفة خصوصا لما اشغل المكيف او اكون ماشي واهدي شوي ولما ازيد السرعة تبدأ تنتع على خفيف
وما ادري والله ويش اسوي اخاف اودها مكان ما اعرف يلعبون فيها والوكالة تدرون قروشها زود
تكفون يا اخوان المشور والدباره
