أولا الف مبروك على الأزيرا والله يبارك لك فيها ويعطيك خيرها ويكفيك شرها
وأنا كنت محتار بين اوريون وافالون ولكزس es350 قبل لاتنزل الأزيرا بشاشة
ويوم قريت خبرها بالجريدة بديت افكر فيها واضمها من خياراتي
والحمد لله ان الله رزقني فيها
أما بالنسبة للأسئلة
- السياره قالوا لي عبيها 95 بنزين - واحس الموتر يشرب بنزين شرب مو بصاحي تقال انه عطشان من زمان ماشرب - ليش ؟
السيارة معروفة أنها ثقيلة فإذا مكينتك 3,3 بتلاحظ إنها تصرف لم تدعس عليها جامد وهذا على حسب دعستك للبنزين راح تلاحظ صرفية عالية وانت بديتها من بعد ما طلعتها من الوكالة 160 وهي باقي اصفار وممكن السبب البنزين الاخضر 91 وهو يعطي كفاءة للمحرك اقل من 95 ولم تدعس والسيارة تسحب واجد من 91 عشان تعطيك كفاءة قريبة من 95 عشان كذ تسحب اكثر لانه لم تدعس تحس ان السيارة يبيلها شوي عشان تعطيك
جرب 95 في اقل دعسة تعطيك كفاءة افضل
والبنزين 91 مايضر بل هو مناسب ولو تلاحظ صفحة البنزين في الكاتلوج تلقاه يقول لك من 91 وما فوق
يعني 91 مناسب و95 انسب بسبب كفائته
أنا سيارتي 3,3 واعبيها كل جمعه بعد الصلاة وتكفيني الى يوم الجمعه الي بعدها بس احيانا لم تكثر مشاويري اضطر احط لها 10 ريال وتفكي
وانا مو حق دعس واجد يعني 10,5 لتر كل 100 كيلو حسب شاشة المعلومات
2- المكيف مو ذاك الزود - هو بارد - لكن مو زي التويوتا - هل هو كذا على طول
مكيف الأزيرا لم تشغله ياخذ وقت اطول عشان يعطيك برودة ممتازة مو مثل الكامري أول ماتشغله على طول يبرد بس بعد وقت من تشغيله تحس انه في موسكو :a120(37):
3- قالوا لي بالوكاله لاتتعدى سرعه 100 - لكن مستحيل امشي 100 - اول ماطلعتها من الوكاله رحت للهدا وانا ماشي 160 - هل فيها ضرر على السياره
عشان تحافظ على المكينة لازم ماتزيد السرعة عن 100 ولا يزيد عداد دوران المحرك عن 3000
وهذا سبب صرفية البنزين الي اشوفه رجلك حاره شوي :emot171:
والف مبروك
أخوك بندر
هلا بندر حياك الله
ويبارك بعمرك ان شاء الله
بقولك شي يابندر
اول ما استلمت السياره كان معدل استهلاك الوقود بالسياره 26.6 لتر
لكن بعد ماتعديت ال 100 كيلو الاولى بدت تنزل - والبارح وصلت الى 17.3 وكل مالها في نزول
دعستي مره ماهي حاره بس مادري ليه الصرفيه كانت مرتفعه بالبدايه وبدت تنزل
بندر استفدت منك كثير
شاكر لك زيارتك للموضوع والوقت الي قضيته بالرد على الاسئله
تقبل احترامي وتقديري
ناصر
