السلام عليكم ورحمة الله وبركاته
اقعد مع الشياب وتعرف ليه؟؟
الشايب لما يبي يشتري سيارة يريد سيارة قطع غيارها على قولتنا في كل قرنة (مكان)
لمايبيعها بعد خمس سنوات من الاستعمال مايخسر فيها شيء كبير
ان الوكالة تصير قريبة من البيت
ان أسعارها معقولة وخدمات الصيانة ممتازة والموظفين لدى الوكيل ( أخلاق )
هذي متوفرة كلها في تويوتا بالدرجة الأولى
بعدها في نيسان شفروليه GMC هوندا فقط لاغير
الحين في بعض الشياب مايعرفون عن الباجيرو أدنى المعلومات على الرغم من تفوقه
الكبير على سيارات من فئته ولايعرفون الساب والبيجو والكرايسلر ...............
السبب من وجهة نظري :
1ــ عدم المعرفة
2ــ شكل بعض هذي السيارات لاتتقبلها الانفس ( غريبة)
3ــ قطع غيارها غير متوفرة بعكس التويوتا اللي يمكن فقط في محافظتنا له أكثر من 30محل لتوزيع قطع الغيار منافسة لقسم قطع الغيار بالوكالة
4ــ الصيانة وما أدراك مالصيانة
5ــ السعر عند اعادة البيع >>>>> هذي اهم نقطة عند الشياب
وأيضا من الوكالات المظلومة SUZUKI و ISUZE
نادر ماتحصل وحدة في الشارع واذا بتحصل بتحصل بيكب
وذلك لأن التصليحات الكبيرة ( دفرنش , سمكرة , قير ....) يقول رح الوكالة بالدمام
هذا أكره شيء عندنا
علشان كذا محد ياخذ الا اللي عنده أماكن صيانة لا وقريبة
لاحظت بعض النقاط في بعض الردود
السوبارو مظلومة؟؟؟؟
تختلف من منطقة إلى منطقة
منطقتنا أصبحت السوبارو منتشرة بشكل رهيب ومعروفة والكل يمدحها
اللكزس مظلوم؟؟
في محافظتنا أكثر السيارات الفارهة انتشارا اللكزس خاصة ES 300 و GS300
ولعلمك LS 430 اكثر من الفياغرا والبي ام دبليو والاودي عندنا
اللومينا مظلومة من الناس؟؟
صحيح ان في ناس يذمونها وما يمدحونها بسبب البريكات
وفي بعضهم يكرهها لأنها استعملت كأداة انتحار عند بعض المقربين منهم
والا ما سألت نفسك ليه الدولة استعملت اللومينا سيارات شرطة
الماجنا
كان هذا العام الماضي ماله صيت
اما الان لو تشوفون كثر الماجنا في الشوارع خاصة الموديل الرياضي ماتصدقون؟
والبيجو والرينو والدوج وغيرها من الشركات السبب الرئيسي انها مهي منتشرة عندنا انها مالها وكيل رسمي او ماخذ تفويض أبد ماعندنا شيء من هالسيارات
أشكر الإدارة على طرحها هذا الموضوع
تحياتي لكم
