محتار وابي رأيكم

أما ال Fj اقوى !!!!!!!!!!!!!
وش جاب 6 سلندر ل 8 سلندر
وش جاب 320 حصان ( صافي ) لـ 240 حصان !!
عاد انت عليك تشوف العزم ووش الفرق بينهم
من ناحية الاحلى هذي مسألة شخصية لكن ال Fj شكله موضه وتنتهي



انا اتفق معك بس اختلف معك !!!
ممكن هو مايحتاج الونيت لانه مايحمل فيه
لكن من الظلم تقارن الدقس بالسييرا
وش جاب لجاب
اركب السييرا وتقول انا راكب يوكون غمارة وحده
وبعدها اركب الددسن وشوف
هذا غير قوة المكينة والفخامة والرزة
المهم اخوي العارض توي ادري انك ابو عيال :D عشان تسذا ممكن مايناسب لك الغمارة الوحده
شوف الغمارة ونص او الغمارتين او خذ راي الشباب في ال Fj

أوافقك يابوناصر 100%
بس لو عنده بعارين ويش ياخذ:a120(25):

السلا م عليكم اذا انت راعي حلال اخذ الونيت اما اذا تستخدمه كذا لاوالله انا انصحك
بالكروزر FJ احسن واقوى واحلى اما الونيت شتبي فيه اخذ ددسن احسلك بدال الونيت
اذا كان عندك حلال اخذ جيب احسن لك اخوك \ ابوناصر

اخوي ارشح لك fg اما اللون فمسألة شخصية وبا التوفيق ان شاء الله

^^^^^
الدفلوك يجي نوعين بالسيارات كهربائي وهوائي
الكهربائي يشبك التروس مع بعض بالكهرب وهو في Z71 وFJ
بالنسبة للهواء فيبغالك كمبروسور بجانب المكينة من قدام ويعتمد على ضغط الهواء في الدفرنس

بالنسبة لي أرشح السييرا 2500HD دبل أرضي مركب عز ومهابه ، موتر مخصص للأوف رود

وعليكم السلام هلا أخوي الـ ع ـارض كيف حالك عساك بخير

بخصوص أختيارك أخوي أرشح لك الأف جي كروزر طبعا لازم مواصفات FJ2 (الفل كامل)

1- عندك سيارة مشابهة للسييرا في بعض التفاصيل القير والمكينة والدفرنسات بس الوزن وطول وتصنيف السيارة يختلف عنها.

2- أن بغيت شيء أعتمادي للبر فأنصحك بالاف جي كروزر بدون التقليل من السييرا لكن ماراح يكون أطلاقا في جودة وتحمل الأف جي كروزر خصوصا ان الأف جي ياباني أصلي.

3- توفر أنظمة الدفع الرباعي المعززة في الأف جي أفضل من السييرا فالسييرا فيه فقط نظام G80 وهو الدفلوك الألكتروني موجود فقط في طراز Z71 وأعتقد فيه تراكشن كنترول لكنه خاص بالثبات بينما الأف جي يوجد به دفلوك يدوي ويوجد به تراكشن كنترول خاص بطرق الوعرة ونظام الثبات والسلامة في الأف جي أكثر من السييرا الي يجي عندنا لأن به ايرباقين عكس الأف جي 6 ايرباقات وما تنسى أن الأف جي يشيل 5 اشخاص عكس السييرا بس 3 فقط لأنك تبي غمارة أوافقك أنك لو تاخذ غمارة ونصف بيكون أحسن من الغمارة من ناحية عدد الركاب بس بيكون طويل والي يركب ورى ماراح يكون مريح لان تصميم المقاعد الخلفية في الغمارة ونصف يتختلف عن الغمارتين والغمارتين ممتاز في الركوب لكن بيكون طويل مرة.

خذ سيارة مدروسة ومصممة لتجاوز جميع أنواع الطرق الوعرة أحسن من سيارة لم تدعم بجميع التجهيزات أو تدرس بشكل كامل وبصراحة أحسن مافي السييرا هو المكينة بصراحة لكن الباقي لصالح الأف جي كروزر

بخصوص اللون أشور عليك يا الأسود وهو الأجمل عليه ثم الأبيض أما الفضي فما عجبني :smilie6:

الاف جي يطلع سبيشل مع اللون الاسود يجي في غاية الجمال
وربنا يوفقك

لو تشوف لك سييرا غمارتين حوض قصير دبل ارضي....انسى الدنيا


موفق

وعليكم السلام ورحمة الله وبركاته

بصراحة كل السيارتين مغريات للبر
السييرا قوي وفيه ميزة الحوض وجميل لكنه غمارة وحدة
الاف جي اعتمادية وصبر ويأخذ 5 اشخاص
لو كان الخيار لي لاخترت السييرا لأني احتاج الحوض تحميل للمزرعة وتحطيب غضا من النفود
الاف جي واشوفه خيار أنسب لك بحكم العائلة وانك ما راح تحتاج حوض السييرا
يعني لا وراك تحطيب ولا تحميل ..
والاسود ممتاز على الاف جي
وبالتوفيق ان شاء الله..

أف جي ولا تشاور

الجمس يتلفت اذا ماشاف احد حولك ... خرب ليك :)




وبعدين ثاني مرة مهب لازم انك ترسلي رابط موضوعك بالمسينجر مالها داعي هالحركات:smilie532:


تحياتي لك

والله انا مع السييرااااااااااااااااااااااااا ياخي الموتر تحس اذا ركبته انك طالب حرش بالنفود

مشكور اخوي على النصيحة ... وجزاك الله عنا كل خير ...

بالفعل ماعند الجميح والعيسى ولاقيه بالمعارض بجدة .... ونا اللي مرددني فيه انه غمارة وحدة والا عاجبني الموتر مرررررررة

مشكور ابو راشد على سرعة الرد
الونيت موديل 2008 ومكينتة 5.3 مهيب العادية 4.8

اما لون Fj العنابي .... ماله داعي ابد .... انا شايب وابو عيال الله يصلحك ...ما تنفع الالوان هذي معي

والله انصحك بالسييرا (( شكل + رزه + هيبه + فخامة + قوة + جودة )) ومافيه احد زيك في الشارع

لكن حط في بالك انه غمارة وحده يعني اذا دايم يركبون معك ناس ترى مايكفي الا 3 قدام أو4 بالضيق

وعلى حد علمي انه غير متوفر لاجميح ولاعيسى

يبي لك تروح تتأكد

بالتوفيق