ياشباب والله الحيرة ذبحتني >>>> رأيكم يهمني

اذا كنت تبي موتر ويمسك سعره ووسيع ماشاء الله ياخذ عيالك هوا من دون مشاكل خذ فورتشنر لانه مافيه مشاكل وعيوب مصنعيه وانه تويوتا يعني شيك بالمخبات
وانت بعد متعود على تويوتا يعطي ولا ياخذ واذا رحت للامريكي راح يبدا ياخذ ولا يعطي
وهي مجرد وجهة نضر فقط
ومن ناحيت ايهم افضل انا اشوف اليوكن افخم واحلى شكل لاكن خراباته وااااااااااااااااجد والاكسبدشن مو ذاك الشكل لكن انا بصراحه ما ركبته من قبل
** ملاحضه :
مافي سيارة تمسك السعر مثل التويوتا

مر على وكالة نيسان والق نظرة على الباثفايندر 2008 نوع SE1 لون رملي صخري واذا شريته ركب فلتر مكيف لأنهم ما ماركبوا فيه حسبي الله ونعم الوكيل عليهم ...
المرتبة الخلفية تكفي 3 أشخاص واللي وراها تكفي 2 أو 3 غير بالغين يعني تقريبا الى 10 سنوات
السيارة كأداء بتعجبك وسعرها حوالي 113.000 ألف
ونصيحة لوجه الله انتبه من البنوك والربا ....
والله أعلم ...

السلام عليكم
اخوي من ناحية الشكل الخارجي فاليوكون افضل من الاكسبدشن وحتى التصميم بس انا ما ادري عن عيوب السيارتين لكن شوف اللي ترتاح له اكثر وخل عيالك يساعدونك في الاختيار:a120(37):
ولاتنسى الاستخارة وبالتوفيق

الله يسلمك

اولاً انا ارشح لاكسبيدشين لعدة اسباب:
1- جودة عالية
2- قليلة المشاكل
3- الكرسي الثالث هذه الميزة تكفي
4- السعر المنخفض بالنسبة لمنافسيها
5- التحسينات التي طرأت على القير 6 غيرات والمكينة بزيادة العزم

ثانياً:انت افتح المنتدى وشوف المشاكل التي بالتاهو واليوكن بالقير وغيره.

تحياتي ،،؛

شكرا لكم جميعا
انا في الحقيقة متحير مثل صاحبنا بين اليوكون والاكسبيدشن2008
وشكلي رشحت الاكيسبيدشن
وذهبت لوكالة فورد وصراحة اقتنعت بالفروق بينه وبين اليوكون
لكن اللي ناوي يبيع يمكن اليوكون افضل شعبية
ومشكله الاكسبيدشن ضخم متفوخ شوي مو ملموم على بعضه
الله يختار لنا الصالح جميعا

الاكسبديشن سعره مغري
لكن مشكلته بالمحرك مو ذاك الزود

نصيحة أخرى السيارة الي قررت تشتريها شوفها بالأول قبل لا يسجلونها بأسمك ثم يصير فيها ملاحظات سواء الأكسبدشن ولا اليوكون

السلام عليكم

بداية حفظ الله اولادك ومن تحب

بالنسبه لي اختار الاكسيبيدشن .......... بس خل نفكر شوي :
الاكسبيدشن ترااااااه كبيييييييير ويشيل اكثر من 6 اشخاص ..يعني ياصل 9 او 10
والي معك مجرد اطفال الله يحفظهم لك ... فليش ما تاخذ اكسبلورر افضل واخف واصغر
ويشيلكم بالراحه واقل سعر ...... هذا مجرد اقتراح وانت حر ..
شف الدروانجو بـ 98 الف ريال وهو حسب رأي البعض افضل من اليوكن والتاهو بس يعيبه
وكيله وسعره عند اعادة البيع .....

والخيار الافضل لو انا منك اخذ باثفايندر 2008 الفئهSE بـ 112 الف ريال
والله ابرك من اي امريكي ...... ويشيل افراد عائلتك بالراحه . . ومريح ايضاً حسب ما قالوا مجربيه

والله الموفق

الله يوفقك اخوي في اختيارك ويحفظ لك عيالك وامهم

انا نصيحتي اكسبدشن وهذا كلامك انك تميل له باقي عليك الاستخارة

تحياتي

أخي انصحك وبشده بالـتاهو LT |1|

أمس سألت عنه في العيسى بـ117 ألف (بدون دبل)

و 127 الف بالدبل ,,,

سياره رائعه ونفس محرك وجير اليوكون بالضبط مافيه اختلاف الا في الشكل الخارجي |1|

وشكل التاهو يفضله الكثير |1|

سعر السياره مناسب وأفضل من الاكسبدشن واليوكون العادي :)

بالتوفيق,,

تحياتي,,,

شوف انا لو مكانك وسيارتين متقاربيتين من بعض راح اخذ الارخص والانسب في السعر

والله فعلا تحير
الاكسبدشن سعره ومواصفاته مغريه
واليوكون ابيع ومكينته اقوى
لذلك مثل رأي الشباب جرب السيارتين
واللي ترتاح له الله يوفقك فيه ..

شف رغم أني ما جربت الأكسبدشن وجربت اليوكون 2007

لكن يمكن تستغربها أشور عليك بالأكسبدشن لأن عندي ملاحظات كثيرة على اليوكون مثل تهزز الديكور وقلة المواصفات وأيضا دخول الهواء والخياس من المكيف مع أنك مقفل الهواء الخارجي! ولا تنس مواصفات الأكسبدشن حسب ما أعرف متفوقة أكثر من اليوكون خصوصا مسألة القير الاكسبدشن 6 تغييرات على ما أذكر بالمقابل 4 في اليوكون! لكن خذه عن قناعة وأهم شيء خذ لؤلؤي صدقني شفته ذاك اليوم والله ياهو رووووووووووعة لأبعد درجة

لكن أشور عليك في نفس الوقت

أنشب لوكالة فورد لازم تسوق الاكسبدشن علشان أنت تحكم أكثر هل هو جيد أو لا وبترتاح له ولا لا

لأن ونفس الشيء في اليوكون جربه من الوكالة أن عيو ترى محلات الأجار مليانة جموس أجار وأولهم الذيب

ولا تاخذ بكلامي أن الأكسبدشن أحسن من اليوكون لأني قلت الكلام الي فوق لعدم أرتياحي كثيرا لليوكون الجديد فقط! لأني كنت مأمل أنه بيكون أحسن من سابقه لكن للآسف ما صار الي كنت متوقعه غير أن بعضهم أشتكى من مشاكل مصنعية قوية وبعضها أعرفها شخصيا الي مخبطة المكينة! والقير بعد وعلى فكرة ترى الأمريكي للآسف العيوب المصنعية فيه واجد بس عيوب المصنعية في GM أكثر من الي في FORD

فجرب الأثنين ولا تنسى الأستخارة والله يكتب لك الي فيه الخير

أخوك أبـــــــــــوأســـــــــد:a120(62):

الله يخلي لك عيالك وامهم ويخليك لهم :)
السيارتين اخي الكريم ماعليها كلام...كلها ممتازة ومن افضل السيارات العائلية على مستوى العالم

لكن انا اميل للاكسبديشن بحكم قلة اعطاله وبسبب ان وكالته افضل من جميع وكلاء جي ام عندنا في السعودية
ولو انه اقل فخامة من اليوكون

وعلى فكرة...ترا سعر الاكسبديشن حاليا مع العروض الأخيرة لايقاوم بالنسبة لسيارة في حجمها:emot114:
يعني ارخص من المفعوص الفورتشونر ...والله عرض جدا قوي
ماعدا ذلك فالكفة بين الاكسبديشن واليوكون متقاربة كثير ...اهم شي لاتنسى الاستخارة