اللي جرب الرنج روفر سبورت يخش ضروري

والله جيب لكزس lx570 موووتر و هيبة و يكفيك علامه اللكزس
اما الرانج واحد من العيال معه 2007 يقول انه يطفأ من نفسه و السيارة تمشي و راح للوكاله و للحين ما لقى له حل
نصيحه لوجه الله ابعد عنه,,, ابعد عنه,,, ابعد عنه

احسنت اخوي بالفعل باليت نصل لمثل هاذا النقاش
انا اظن مثل ماذكرت ان اسعار السيارات الفخمه متقاربه ولو تفرق فهو بشي بسيط .. مع الاخذ في الاعتبار قيمة السياره وسمعتها .. ونذكر في الاخير المحافظه على السياره هو الاهم ..
بالتوفيق للجميع

الأقوال والكلام كثير عن هالسيارة

من الطبيعي ان السيارة تكون صيانتها مكلفة .. ولكن السؤال هل تكاليف الصيانة مقاربة للمرسيدس واللكزس وغيرهم من السيارات الفخمة .. لو كانت مقاربة لهم فهذا طبيعي لأنها تعد من السيارات الفخمة .. اما لو كانت اغلى معناها فعلاً هناك مبالغة في صيانتها وقطعها

ذكر احد الاخوان ان صيانة الخمسين الف كلفته حوالي 1300 ريال وهذا طبيعي ومنطقي على هالسيارة .. والآخر يذكر بأقل صيانة 4000 ريال وكلفته حوالي 60 الف صيانة .. وهذي ارقام عالية وخيالية !!

وانا اعتقد فعلاً هالسيارة تتجه للمجهول .. فهل شركة تاتا قامت بالشراء والا ما زال الموضوع اقوال !!

الى اللقاء

هذا مقطع حصلته للرنج اتمنا يحوز على رضائك
http://www.youtube.com/watch?v=H-8QR9Psme0&feature=related

[youtube]=related[/youtube]

الرنج سيارة مخصصة لرجال الاعمال وكبار الشخصيات وهم ماتهمهم الاعطال الي نسمعها عنه لانه يشتريه حق سنه سنتين وبعدها يبيعه ويشتري واحد جديد

نصيحة ابعد عنه ما في اي احد يمدح هذه السيارة

خذلك بورش كاين افضلك

يكفيك ان شركة بورش سياراتها الاقل اعطال في العالم

واحد من ربعي كان معه 2005 مشى معه 12 الف

وباعه اقسم بالله انه يحلف لي الرجال يقول اسوأ سياره شريتها في حياتي وأسوأ وكيل تعاملت معه

يقول مره رايح الشرقيه وفجأه الطاره تلعب تتحرك يمين ويسار وبكل الاتجاهات كانها معلقه بالهوا

غير ارتفاع الحراره وغير مشاكل الكهرب والهيدروليك

انا اقول خلك من السياره اللي تعطيك منظر فقط انا كنت متولع بالموتر وكنت ابيه

لكن ولله الحمد اني ماشريته

شف لك موتر غيره اطلق لك ولو كنت محلك ماحط براسي غير جيب اللكزس

لكنه للاسف ماهو موجود بالوكاله انا سائلهم قبل كم اسبوع يقولون الحجز واصل الى 2010

وبالمعارض زياده 50 الف

عموما الله يكتب لك اللي فيه خير

نصيحتي لك خذ لك بورش كايين سبورت او جيب لكزس lx 570 شرط يكون جنط 20

والله ما ابى اصدمك لكن الحق ينقال
عندى 2006 حالياا
وفيه مشكله بالدفرنس الخلفى ( يون ) دخلته للشركه وقالوو تبديل على الضمان للحين ناطر الدفرنس يشرف من المصنع
والسيارة بشكل عام حلوه وتحس انك راكب موتر والتكييف ممتاز والمحرك حرارتة نص ثابته
وسويتله سيرفس على الخمسين الف كلفنى 1380 ريال مع قطعه بلاستك تجى تحت الصدام الامامى انا كسرتا من الرصيف
وسلامتك

^ ^ ^ ^ ^ ^ ^
يالراحل هذا أكبر دليل . . خلاص
لكزس LX570 وبس ولاتفكر بغيره أبد

لو اني في مكانك اخوي

كان فكرت بجيب اللكزس او الاسكاليد او الطوارق وفيه خيارات كثيره غيره

قبل فترة كلمني أحد مسؤولي شركة السيف ..وذكر لي بأن الرنج روفر سبورت فيه مشاكل

وأنا أعرف أناس باعوه وتخلصوا منه...ولكن ماالسبب؟؟؟

الاستخدام السيئ..بمعنى أصح السيارة ليست مخصصة للقومات والدعس..ولو كان يمتلك سوبر تشارج..!!!!!

وأحد الأشخاص يمتلك أحدث موديل وحصلت به أعطال كبيرة ..والسبب هو التفحيط..!!

فهل يعقل هذا أن الاستخدام السيئ وماينتج عنه من آثار جانبية يؤثر في سمعة السيارة والشركة عموما..؟؟

الاستخدام الجيد والمحافظة على الصيانات الدورية لاشك انها تمنح السيارة عمرا طويلا ..بغض النظر عن الأسعار المرتفعه.

وأعتقد أن من لديه مقدره على امتلاك هذا النوع أن الصيانه والقطع أنها سوف ستنهكه..!!

أتمنى لك التوفيق

ولا الرجنج روفر ما ينفع في اي مكان،، لا مكان حار ولا مكان بارد..... الي في منطقتنا يشتكون من كثرة اعطالة وغلاء قطع غياره، وحتى الي في امريكا يشتكون منه ولكم هذا الدليل من موقع امريكي.


مشاكل في نظام التبريد
مشاكل في نظام الدفع
مشاكل في نظام الوقود
مشاكل في كهربة السيارة
نظام تكييف وسط
مشاكل في نظام المساعدين
مشاكل في البريكات
صبغ ما يستحمل
مشاكل داخل الكبينة ( اصوات احتكاك بلاستيك )
مشاكل في الجسم الخارجي للسيارة
مشاكل في الانظمة الي تشتغل بالكهربة
مشاكل في نظام الصوت
قيمة السيارة في الارض عند بيعها.


أما بالنسبة للموديلات المستقبلية، فبعد شراء تاتا للشركة، وارتفاع اسعار النفط، فاشوف الرنج روفر يتجه نحو المجهول، قد يكون هذا اخر رنج روفر انشوفه.

قبل فترة موديل 2006 انعرض ب 250 الف مامشى كثير لكن مدري ليه صاحبه وده يبيعه

السيارة حلوة لكن مشكلة اجوائنا ماتناسبها هي تنفع في الاماكن الباردة مثل ابها والباحة الي على طول السنة ضباب وبرد
اما الاجواء الحارة ماتنفع فيها خاصة اذا وصلت درجة الحرارة الخمسينات