كلهم بنفس الرساوة والراحة الفرق في القوة فقط لاغير
والاعطال مثل بعض تقريبا الفرق في المحركات وكل المحركين يشهد لهم بالقوة والصبر
الـ S600 هو الي قطعه تكون اغلى لإن فيه فرق في بعض المواصفات مثل نظام التعليق يكون بالزيت واسعاره اغلى .....إلخ
بالنسبة للـ
S350 2005 المحرك V6 بسعة 3.5 لتر ينتج 273 حصان
S500 2005 المحرك V8 بسعة 5.5 لتر ينتج 338 حصان
إذا انت راعي خطوط وسفر كثير يناسبك S500 اكثر
وإذا مشاويرك كلها في المدينه ولا تسرع يناسبك S350
وطبعا كلهم بناقل حركة بـ 7 سرعات المسمى بـ G7 اول ناقل حركة بـ 7 سرعات في العالم نزل على الفئة S عام 2004 وإلى الأن يستخدم في الجيل الجديد المسمى بالبانوراما ..
2004 و 2005 نفس بعض تماما بدون اي فرق يعني إذا حصلت اي واحد منهم نظيف توكل على الله
2003 يفرق القير 5 سرعات (القير القديم) ونظام الشاشة قديم شوي هذي تقريبا ابرز الفروقات
بالنسبة للموديلات من 2002 إلى 1999 هذي لاتقربها مشاكلها واجد ومواصفات قديمة ومحركاتها ضعيفه يعني مختلفة تماما الشبه في الهيكل الخارجي فقط !!
نصيحتي لك خذ 2004 او 2005 هذي مشاكلها تكاد تكون معدومة ومواصفاتها اكثر من رائعه (طبعا حسب الطلب)
بالنسبة للسعر صعب احدده لك لإن المواصفات والنظافة تلعب دور وكذلك إذا وارد الجفالي او الخليج او المانيا او امريكا او اليابان تفرق كثير بالأسعار
لكن اقدر اقول لك ماتقل عن 130 إلى 180 الف ريال
وبالتوفيق :)
