السلام عليكم ورحمه الله وبركاته
الموضوع هذا حصل معاي ومن تجربه شخصيه وليس من وكاله قالوا ....
المهم بأختصار عندي باثفايندر 2007 من فتره بدات اشم رائحه غبار في المكيف ومهما حاولت بأستخدام معطرات مافي فايده
في صيانه 45 الف طلبت انهم يغيروا فلتر المكيف ... المفاجاه انه لا يوجد فلتر مكيف
جميع الاوساخ ( اعزكم الله ) تجمعت في ثلاجه المكيف .. والتنظيفها لازم فك الطبلون الامامي بالكامل !!!! ( زرت صيانه نيسان وشفت السياره بس للاسف ماخذت صور )
وبعد مافكوا الطبلون ونظفوا ثلاجه المكيف قاموا بتركيب فلتر خارجي اضافي للحمايه في المرات القادمه
للاسف عند تركيب الطبلون الامامي تم كسر الزجاج الامامي من قبل الشركه :mad: ( للامانه الزجاج كان مصلحه بالليز وكان ماعليه كلام حتى رحت فيه للطعيس كذا مره )
المهم ماعلينا ... حسب ماكدلي مهندس الصيانه ان جميع سيارات نيسان الجديده من غير فلتر مكيف ماعد التيدا .... والله اعلم
انا مستغرب وخاصه لسيارات الدفع رباعي كيف يتم تجاهل هذا الموضوع وهو معروف لديهم ان السيارات سوف يتم استخدامها في " الاوف رود " !!!!
نصيحه ياخوان ... الرجاء اخذ الحيطه من هذا الموضوع وتركيب فلتر للمكيف عشان الموضوع لا يتفاقم وتحتاج فك الطبلون بالكامل لتنظيف ثلاجه المكيف
