الي عنده خبره في مكينة الفتك 4800 .. مسحة هد + بوردينغ

افك المكينه !!!

لو اشوف المكينه مفكوكه يمكن تجيني سكته قلبيه

فما بالك افكها انا :a120(24):

الله يحفظكم ويحفظ لكم سياراتكم

معلومات مفيده على الاقل نعرف وش السالفه .

على فكره انا نزلت المكينه عشان اسوي حق الكرنك لوك اقوى من لوك الشركه عشان ما تفرط البليه علي بعد ما اظبط الموتر


انزين اشلون اقدر انزل الحراره ؟
ادبل القازقيتات على سبيل المثال ؟ لكن ماراح استفيد شي لو دبلت القازقيت

لا ابي اركب هدرز لاني ما ابي صوت وانا ادري ان الهدرز ينزل الحراره بس صوته جدا مزعج
والصوت عليه سجن وغرامه وحجز الموتر في الشبك وتعهد وماعرف ايش

هلا ولله اخوي

اول شي اسف علي التأخير ..

ثاني شي انت منزل المكينه ليش ؟!!!!! ماله اي داعي


تفك الراس و المكينه مكانها و بعدين توديه المخرطه و تخرطه و بعدين تسويله بولش و بورتنج


و علي فكره فيه ناس قليله تمس البلوك وهذا يعفس الدنيه و الي يسوه يبي يضرب غاز ..

و هم علي فكره مسحه الراس راح يرفع الضغط بطبيعه الحال و بتالي حراره اكبر من السابق ..

الله يسلمك ياخوي بوجسوم انا اول ماحطيت الموضوع بصراحه ما كانت عندي ذيك الخلفيه

لاني كنت حزتها صاف السياره في الكراج وما قدرت اسال راعي الكراج عن التزويد

فا قلت اسالكم هنا لاني كنت ابي الجواب بسرعه لاني مافهمت معنى كلمة بوردينغ في شباب ضيعوني

الي قال البوردينغ هو تنعيم المكينه من داخل والي قال لي مادري وشو فا قررت اني أسأل أهل الخبره هنا

وانا كنت ابيك انت بصراحه ولا يهونون الكل لانك خبير ميكانيكا ما شاء الله عليك

|4|

شباب الدوحة كله تعديل و عبث في التك الله يهديكم

شكلك عندك الخبره الكافيه اتسال ليش طارح الموضوع
و المسحة الي قلت عنها 75 اقل من الـــ80 اذا الاولى متخوف منها كيف تسوي الي اكبر منها
الاكبر معان مسح اكبر وضغط اكبر بما انك مسحت بتاخذ مساحة من الغرفة وتصير صغيرة ويكون ضغطها كبير
واذا خايف على الصبابات خل مسحتها صغيره مثل ماقلت 75 احسن
البوردنق الي تتكلم عنه هو توسعه مجاري الهواء او الخروج فهذا شي طبيعي بينزل الحرارة لانك بتريح بسيارة وانت عارف الباقي

اذا بتشتغل بالعبث عز الله راحت السيارة
يعني انسى تحافظ عليها مع كل هذي الشغلات

يمكن اركبه بالاضافه للتعديلات على المكينه ! لكن لما اسافر الاماررات !

او يمكن اركب يوني جبuni chip عشان افتح القفله او التبنيده الي على 205

ركب موتك وهدرز وخلاص 10الف ويويل الايتحرش

يعطيك العافية بس ما دام فيها فك مكينه هاذي المشكله يعني لوهي اشياء زايده تركب على المكينه صح بس فك اخاف تخرب علي بعدين وسعر اصلاحها بيكون غالي .
واشكرك على هل معلومه

وان شاء الله اذا ظبط الموتر بصور لكم قومات مع سيارات 8سلندر 6.0 و 6.2

و454 جمس وموستنغ

شوف

اول شي لازم تكون عندك ميزانيه ( فلوس )

ثاني شي تودي موترك ورشه بس تكون محترمه وفيها تورنه محترمه

ثالث شي تنزل مكينة موترك وتفكها

رابع شي تاخذ الهد الي يكون فيه البلوك الي تركب فيه البساتن وتمسحه عشان يصيرالظغط اقوى

واذا تبي تسوي بوردينغ (توسعة مجاري الهواء الداخل للمكينه ) يكون افضل خصوصا اذا كنت انت مركب فلتر ريس ,, الفلتر مع البورنغ يعطيك شغل مب صاحي بس شرط يكون الفلتر مع الانيك والعازل الحراري والثلاجه البوكس..

واذا تبي ممشى احسن خله يفتح لك الصبابات شوي عشان تسحب هوى اكثر

وبعدها بتحصل موترك مب يقفز وبس

بتحصله يشب نار في مكانه

انا عندي نفس السياره بس ممكن تشرح لي وش هلي تتكلم عنه ؟؟؟
وهل يخلي السياره تقفز زي منت مسوي في الصوره وشكرا لك .