ما شاء الله لا اله الا الله
شغل مضبوط ومتعوب عليه
الله يقويك ويعطيك العافيه
عندي استفسار بخصوص وزنية النور ..
لما تضبط وزنية النور وانت تركب العدسه وتطبق الشمعه
تقدر بعدين بعدما تخلص شغلك وتركب الشمعه بمحلها تعدل الوزنيه
ولا يحتاج فك الشمعه من جديد ؟
واستفسار ثاني ولاكون طولت عليك << اخر واحد ولا بتنجلد :D
انا عندي لومينا موديل 2002 ومركب على النور الواطي زينون ومخلى
العالي اصفر مع ربط الخطين في حال الكبس والنور طافي ..
واللمبه مطابقه لمقاس اللمبه الوكاله << يقول المهندس علشان فرشة النور تجي صح
سوالي بالتحديد هل العدسات تركب على شمعاتي عدسات البي ام نفس اللى عندك ؟
وياليت تنصحني بنوع ثاني من العدسات حسب خبرتك , الجاء لها في حال احتجت عدسه
مقاس اصغر شوي من عدسة البي ام ..
الا وش رايك تركب لى عدسات على يدك احسن من عمال هالمحلات اللى والله
90% منهم مايديرون الشغله وبالعين فلوسنا حنا يالشباب :D
وحقك محفوظ |1|
اعتذر عن الاطاله
واشكرك واهنيك من جديد
|3|
عندي استفسار بخصوص وزنية النور ..
لما تضبط وزنية النور وانت تركب العدسه وتطبق الشمعه
تقدر بعدين بعدما تخلص شغلك وتركب الشمعه بمحلها تعدل الوزنيه
ولا يحتاج فك الشمعه من جديد ؟
هلا بك أخوي
بالنسبه للوزنيه :
وأنت تطبق العدسة في الشمعه ,, حاول قدر المستطاع تخليها موزونه
كأنها شد بلد (وكالة) وبعد ماتثبتها في الشمعة وتركب الشمعه في السياره
إذاكان شغلك مزبوووط مايحتاج إعادة وزن ,, أما إذا صرت مثلي ( مبتدئ )
فلازم تعيد وزن الشمعات وهي طبعا" راكبه في السياره (( بواسطة مسامير وزنية النور
الموجوده في كل سيارة )) الي تلف بالشمعه يمين ويسار وفوق وتحت
أما سيارتي ولله الحمد فيها الدينمو الي يجي وكالة ( يرفع النور وينزله )
وهذا ريحني كثير بس كان علي إني أكمل الباقي بزبط الوزنيه من خلال المسامير الي قلت لك
قبل
وللمعلومة // ترا عدسات ال بي إم والفياغرا الكهرب
يجي معها دينمو يحركها يمين ويسار وفوق وتحت ( بالوزنيه اللي تبي ) وأنت جالس في الموتر
بس أنا ماركبته لأنه يبي ياخذ علي مساحه كبيره في الشمعه وفي هالحاله يبي يكون
حجم العدسه كبييير مرررة وماراح تطبق صح ,, فإ ظـطـريـت إني أستغني عنه
هل العدسات تركب على شمعاتي عدسات البي ام نفس اللى عندك ؟
ماعليش تري مافهمت السؤال ؟
ومع ذلك راح أجاوبك
1- إذاكان شمعاتك فيها عدسات : يمكن تركب عليها عدسات ال بي إم إذا كانت نفس الحجم
وإلا تبي تضطر للتكسير البسيط علشان تطبق صح
2- إذا كانت شمعاتك مافيها عدسات : أكيد راح تطبق غصب عنها مثل ماطبقت على سيارتي
ولاحظ وهذي معلومة مهمة :
فيه مساحه كبيرة في شمعات موتري علشان كذا ركبت براويز العدسات
و لو كانت المساحه صغيره يمكن تركب العدسات بس ماراح تركب البراويز
وياليت تنصحني بنوع ثاني من العدسات حسب خبرتك , الجاء لها في حال احتجت عدسه
مقاس اصغر شوي من عدسة البي ام ..
والله أكذب عليك ياخوي إذا قلت لك عندي خبره وأنا أعرف كل أنواع العدسات
بس سمعت الناس تمدح / عدسات الأوبل والحقيقه ( شيء أنا ماجربته صعبه
أمدحه لك وأنا أخوك ) وبعدين إلي أعرفة إن ميزت العالي والواطي في عدسة واحده
ماجت إلا في عدسات البي إم والمرسيس الجديده ( يعني ماتجي في عدسات الأوبل
والألتيما والكابريس واللومينا والكامري الجديده )
و اللي جربت عدسات البي إم 2007 وهذي صدقني
ماراح تندم عليها أبد يعني كأنك راكب بي إم أو مرسيدس بانوراما
ووالله حسيت إني محروم وظالم نفسي بنور الوكاله الأصفر
والله فرق السماء عن الأرض
الا وش رايك تركب لى عدسات على يدك احسن من عمال هالمحلات اللى والله
90% منهم مايديرون الشغله وبالعين فلوسنا حنا يالشباب :D
وحقك محفوظ |1|
هههههههه عزالله صدقت في سالفة بلع الفلوس
أجل تخيل عدسة الكابريس 2006 في الصناعية بـ 50 ريال للحبه الوحده
وأبو الشباب في الغرابي يقول باركب لك العدسات بـ 500 ريااال :eek:
لا وعدسات ألتيما أو ماأدري وش هي عدساته
============
و مشكور وما تقصر مابيننا فلوس ما فلوس
أنا توني مبتدئ إصبر علي شوي لين أصير مهندس :D
