مشكله حيرت وكالة تويوتا

والله يا خوي ولا تهتم

شوي ماي اقره عليه ورشه على السيارة وخلاص
بتروح العين بأذن الله

وخلاص ولا تفتكر بالشي اللي قاعد يصير لأنه عادي

اهم شي حرارة المكينة ا ترتفع

تحياتي،،،

اخواني شكراً على الردود وماقصرتم
السيارة ولله الحمد باقيه معاي وسافرت فيها للقصيم كم مره والمشكله فيها نبي نكمل هالشهر فيها ومردها للسوق والف شكر للجميع

بصراحه الله يعينك أخوي
أنا معاي كامري 2001 ولد عمي كامري 2000 واحد من الشباب كامري 98 كلها استخدام امريكي نفس المشكله الي تقول عليها الصراحه السيارات
ماشيه زي الحلاوة انا سيارتي معي لها سنتين من يوم أخذتها شفتها لاكن ماعطيتها بال أحس أنها عادي ماأدري الله يعين

اخوي شف انت رح وحاول تشوف المشكلة
واذا ازمت ما لقيت لها حل الله لا يردها من سياره
يا حبيبي بعها وفك عمررررك منها اسال مجرررب

اخـوي اذا انت من سكان مدينه الرياض اقترح عليك ورشه مشهود لها عن تجربه

الورشه هي ورشه الجامعه

موقعها نهايه طريقه الجامعه من جهة الغرب

يعني وانت في طريقه الملك فهد ومتجه شمال

امسك مخرج طريقه الجامعه (اشاره لكزس)
خذ مع الاشاره يسار بتجيك اول اشاره الي هي تقاطع طريق الجامعه مع التخصصي (عندي النقل الجماعي)

كمل طريقه نحو الغرب الاشاره الثانيه تعدها وبعدها بـ 50 متر بتشوف اللوحه

طبعا هي تحت اشراف المهندس فيصل (سوداني) الي سمعته انه مسافر بس الورشه ممتازه

وانا ابقولك سالفه صار مع احد الاصدقاء

كان معه كاديلك sts شغل السياره وعشق القير
يدوس بانزين السياره ما تمشي
ونقلها للوكاله وقالوا له ان فيه مشكله في المكاينه ولازم فكها وتكلفه فك المكينه 5600 ريال
غير قطع الغيار

وودها لورشه الجامعه وطلع العكس الامامي مكسور وكلفه 1000 شامله قطع اصليه وشغل اليد

وبتوفيق

ممكن تكون عين , واذا تبي تتأكد هي عين ولا لا رح ادخل به للمعارض وخل الشريطيه يسومونه وبأذن الله تروح العين .

مشكورين الأخوة على الردود وألف ألف شكر لكل من قدم أقتراحه
والي يسأل عن الماكينة الراس قبل شهر أنشعر وغيرت وجه الراس ومسحته في المخرطه بس المشكله في القزوز من حوالي ستة اشهر وأخاف ينشعر الراس مره ثانيه لأن الحرارة صارت مرتفعه شوي يعني مع الخط توقف على الثلث والى وقفت السيارة تطلع الى فوق النصف شوي وتنزل
باقي الكويلات يقولو غيرها وفحصتها عند الكهربائي وقال سليمه
ومشكلة القزوز باقيه لو أمشي بالخط عشرة كيلوات وافتح الكبوت أحصلها مجمره حمرا زي النار
والف شكر للجميع وآسف من أزعاجكم

اذا البواجي هي نفسها الاصليه ولا تعاني من مشاكل في ارتفاع الحرارة

ترى هذا الموضوع عادي جدا

لماذا

لان اقسوست السيارة هو منبع النار و العياذ بالله
هو مخرج النار و العادم من وسرعة تكرار الشوط لو تتخيل تشغيل الماكينه كم ضربة في الثانيه بتتخيل مدى الضغط الناجم عن هذه العملية بل تتعجب ليش مايسيل الحديد وليس ليش يجمر او يحمر

اولا لو قلت
اشمعنا من القسوست وشمعنا القسوست الي يجمر
فالجواب كما ذكرت انا هو مصدر خروج النار و العادم بعد الاستفادة منه في تحريك الماكينه وهو طاقة كبيرة غير مستفاد منها
كذلك
ان لايوجد تبريد على القسوست لذلك هو يحمر
ايضا نوعية القسوست هو من حديد الزهر و حديد الزهر يتحمل الحرارة العالية ويسخن بسرعة و كذلك يبرد بسرعه ويتحمل الضغط ولا يتحمل الطرق ويصعب لحمه لو ذهبت الى للحام وقلت له اللحم لي القسوست بيقول لك ان شاء الله اللحمة بس ماعطيك عليه قرنتي او يقول لك من اولها القسوست ماينلحم
انا اشوف ان سيارتك مافيها شي وهذا الموضوع عادي بس لانك حاط بالك على هذا الموضوع فلاعب بنفسيتك

لو جربت سيارة اقسوستها مكشوف شوي بتلاقي نفس الموضوع وخاصة في الليل بعد مشوار افتح اي سيارة بتشوف كيف وضعيته
الا ان بعض السيارات يكون مغطى او غير ظاهر

لو لاحضت ان البعض السيارات على القسوست غطاء ومتصل في اخره بانبوب المنيوم تقريبا وتلاحض ذلك في السيارات المواصفات الغير خليجية اكثر
تجد انبوب طالع له سطحة تغطي القسوست وتهب الى البخاخ او هواء البخاخ
لان من اول التتشغيل اول مايسخن هو القسوست واستغلال لطاقت الهواء الحار منه يسفيدون منها في ضخ هواء حار الى البخاخ لتنشيط دوران الماكينه في اوقات الباردة جدا وايام الجليد
اذهب الى اي سيارة ستشاهد نفس الموضوع قد تتباين بعض السيارت و لكن كلها اقسوستها احمر من الحرارة

و الله اعلم و السلام عليكم و رحمة الله و بركاته

خطوة بخطوة سوي اللي اقول لك عليه:


1-السيارة جديدة تقريبا لابد تسوي تسييخ للرديتر وتحط موية الوكالة قيمته 25.

2- اذا سويت الخطوة السابقة غير بلف الحرارة او جربه بدون بلف الحرارة وشوف.

3- تاكد من ان الكمبيوتر برمجته صحيحة .

4- في الحالة الاخيرة هذه مافيه الا انه من وجيه الراس ولابد تغيره وعندها قبل لاترجع راس المكينه تاكد انها ماهي محتاجة مسح من المخرطة واذا محتاجة مسح ودها المخرطة وخلهم يسوون لها مسح وبعدها سوي وزنية سليمة للبلوف .


وودع الحرارة للابد باذن الله

اخوي ايومجلاد اعانك الله بس عندي سؤال صغيرون
هل مكينة السيارة توظبت قبل كذا؟

السلام عليكم اخوي ابومجلاد ..

لاتعب حالك ولا شيء .. انا كانت معي كامري 2004 وزي ماقلت القزوز اللي وراء الحديد اللي عليها علامه لاتلمس تولع نار .. والحين مع اخوي والى الحين ماشاء الله مافيها شيء .. لاتقعد توسوس ولا شيء كل الكوامري كذا والله اعلم .. ولاتاخذ بكلامي ترا ممكن عندي مشكله زيك اخوي .. خلينا نشوف راي الاخوان بالمنتدى .. علما اني لم الاحظ المشكله هذي الا بعد الحادث والذي اتى مع المقدمه ..
وبعدين عندي لك راي .. شوف اطرف كامري وجربها وشوف تصير زي موترك ولا لا .. تحياتي ..
تحياتي ..

حسب رايي اقترح ..
1- بداية يمكن تغيير نوعية البنزين الى افضل نوع يكون من احتمالات الحلول
2- واذا ممكن تنظيف الكربون من غرف الاحتراق ان وجدت
باضافة مواد تنظفها مثلا .
والله اعلم وبالتوفيق

والله خوي انت شرحت المشكلة

جيك الصمامات او ما تسمى بالفلف vulve ما ادري ايش تسمونه بالسعودية

المهم مرة صارت بس انت السيارة تكتم حصلو حواليه كربون ومن هالسوالف ما يدخل ولا يطلع البنزين عدل

جيك عليه هو في داخل المكينة ويمكن انت ما تقدر

واذا تمام فالحمدلله

انت قلت انك شلت الاكزوز ومافي فايدة فلذلك شكيت في اللي داخل المكينة

عموما سو تنظيف للأكزوز احتمال فيه انسداد

صراحة انا مستغرب من هالكلمة بس صارت من قبل وسوله تنظيف وعينك ما تشوف إلا انوع الاوساخ المتراكمة اللي سكرت الاكزوز

هذا اللي عندي صراحة واللي انا شاك فيه

تحياتي،،،

شيروكي 91
الكهرباء فحصتها عند الكهربائيين قالو مافيها شي ولا له دخل الكهرب بالمشكله هذي الكويلات فحصوها وقالو شغاله تمام

ياحبيبى المشكلة عندك.سببها كهربا..........اعتقد والله اعلم اما الكويلات او الكمبيوتر يعطى كهرب زايدة.........وبعدين تراها خطيرة انتبه اى نقطة زيت او بنزين معناه حريقة لاسمح الله...........
المهم الزبدة المشكلة سببها كهرب عندك.........
لاتنسى تردلنا وش يصير معك........لانه الموضوع مهم........

مشكورين على الردود المشكله بالضبط القزوز واخاف تولع نار مع الطريق الرديترات كويسه وسيخت الرديتر ونظيف والمراوح شغاله زي التمام
واحس ان الموتر لها كم من يوم فيها تفتفه مع الطريق ماهي بصافيه
ومشكوريييييييييييييين ولا تنسونا من خبراتكم
والبيع عاد الي بيشري يسوم مافيه حل الا هي ونزلتها المعارض قبل اسبوع وقلتلهم عن المشكله لأبري ذمتي ويسمونها بثلاثين ومابعت لأن احس انه ماهو بسعرها ولا راح الاقي سيارة نظيفة الا وكاله وعاد نبيلنا قسط من الراجحي على شان نشتري الله يعين بس ..........................

لو بغيت الحل ان شاء الله يكون سهل

بس يحتاج تفصيل من البداية

اي تحس بسيارة من البداية
غير ان القسوست يجمر او يحمر

شي غير ايش الي مضايقك او وين المشكله
يعني الحرارة او وين
ياريت تطرح المشكلة بتفصيل مثل ذكر كل الي بدلته او تحس ان هو سبب المشكله