اسعار الهوندا اكورد 2008 تفتح باب النقاش على مصراعيه

من زمان وأنا أقول الأكورد .. أغلى من حقها والآن أغلى وبكثير.!!

* نظرة شخصية .. :)

ماتستاهل كل هالمبلـغ .. سياره مواصفاتها نفس مواصفات الموديل اللي قبله بإستثناء المكيف الخلفي والزينون للـ6 سلندر !!!!
ما اشوف فيها مميزات محسوسه مثل غيرهـا .. السعر الافتراضي لفل 4 سلندر 75 بالكثير .. اعلى من كذا ماتسـوى ابـدا ..

واذا وصلت لسعر 75 فالبدائل كثيره وأفضل من الأكـورد .. :)

معليش بس مداخلة بسيطة :
الكورولا وهي سيرة شعبية تصنع في اليابان سعر الفل طار من 63000 الى 72000 ريال .
FJ الكروزر من تويوتا يصنع في اليابان ايضا السعر طار من 101000 الى 110000 ريال .
وغيره الكثير ممن يصنع في اليابان واستغلها الوكلاء للسيارات الغير مصنعة في اليايان وهي من شركات يابانية مثلا الأفالون امريكية من 119000 الى 122000 والاوريون الفل بدون شاشة من 96500 الى 100000 مع انها تصنع خارج اليابان والدولار طايح ( بالنسبة للأفالون ) المفروض سعرها ينزل قليل او يبقى على ماهو عليه على اقل تقدير لكن يرتفع ليششش .
اقول تستاهل الأكورد زيادة في ظروف غلاء الأسعار واختلاف صرف العملات بس ماتستاهل السيارات الأخرى التي تصنع لنا خارج اليابان في سبيل تقليص كلفة الأنتاج ومعدل الصرف وتباع لنا بأسعار جنونية وبجودة متواضعة .

لأنها تصنع في اليابان بدأ السعر من جد في الإرتفاع الله يعين عشاق اكورد .

السلام عليكم



والله يا أخوان الطلب أعلى من العرض فشي طبيعي بترتفع الأكورد ..

لكن الموضوع إن بدايه سعرها أصلاً غالي بـ 92 ألف !! ليش ؟؟؟

هل فقط لـ وجود جلد ومقابض فقط هي الفرق عن باقي فئتها ؟؟

فغيرها لديها من الموصفات ما لم تستوعبها أكورد ..

أتكلم عن كامري 6 سلندر وألتيما ومازدا ويمكن حتى جالنت (( من ناحيه المحرك وبعض المواصفات))

نيسان وتويوتا العرض لديهم أكثر من الطلب

بينما غيرها ممكن ان يكون العرض مناسب للطلب فتكون الاسعار مناسبه

الفكره هي : مثلاً ..لأي مسوق لسلعه ..

راح تجيني دفعه جديده 900 سياره والطلب عليها 1500 ..(( طيب كيف اقلل من الطلب وأزيد ربحي ))

حينها أرفع السعر ... واتحكم بالطلب ....



تحيه طيبه

^
^

الازيرا انا ماخذها فل اوبشن بدون نافيقيشن بـ 86800 ارخص من الاكورد فل اوبشن بـ 27200 وارخص من الاوريون فل اوبشن بدون نافيقيشن بـ 13200

وواحد من اخوياي اخذها بعدي بكم شهر بـ 84000 يعني اضف الى فارق السعر 2800 ريال

كيف غاليه ياعزيزي وانا اتكلم عن عشرات الالوف تحت

الليجاسي V6 ارخص من الاكورد فل اوبشن بـ 12000

الكامري مافيها من المواصفات اللي تشفع لها خلها برى الموضوع , انا اتكلم عن سيارات مواصفاتها اكثر من الاكورد وسعرها ارخص

الأكورد والليجاسي والكامري والأزيرا سعرها عالي.
والمازدا والأوريون والأفالون سعرها مناسب.
الألتيما والسوناتا والأوبتيما والأوبيريوس والإيبيكا مواصفاتها أعلى من سعرها.

والله انا اشوف سعرها مبالغ فيه جداً جداً جداً جداً .. :(

وتم صرف النظر عنها من قبل عدد من المعارف .. بسبب سعرها العالي .. :o

تحياتي وتقديري

V I P

ما هي المواصفات التي تستحق هذا السعر ؟ والتي يميزها عن منافسينها ؟ :confused: :confused:
أرجو الرد بواقعية

مبالغ فيها جدا يعني اشتري التيما فل اوبشن 84 الف واكثر مواصفات ولا اشتريها

السبب الناس.. لو ما تلتفت للأكورد شف كم بينزل سعرها.. شف وصار بالسيارات اللي ما انكبوا عليها الناس.. كيا أوبيروس - ألتيما الموديلات قبل 2008.. اسعار الـ 6 سلندر نزلت حوالي 20000 ريال يا جماعه.. والله اني اذكرها في المعارض محد يبيها.. الشاهد من كلامي كل ما زاد الطلب ارتفع السعر وهذا شي طبيعي

آسف على الاطاله :)

تستحق الملكة هذا السعر مقارنة بالجودة والمواصفات

نعم أرتفاع أسعار الأكورد حاليا وليس الأكورد فقط حتى السيفيك أصبح فضيعا جدا

يعني أول ما نزلت كانت الفل كامل بـ 92500 ريال هذي نفس الموديل 2008 لكن بعد فترة زادت إلى 95 ألف؟! صراحة سعر يقهر على 4 سلندر :( الأكورد موديل 2006 على وقتها 6 سلندر كانت في 100 ألف ومستغلينا شكل في 2009 ولا 2010 بتصير الأكورد الفل كامل 4 سلندر بـ 100 ألف!!!

السيفيك سعرها الفل كامل في 2007 حول 68500 ريال تدرون كم الحين 2008 وصل!!! 73 ألف ريال وهي هي نفسها ما تغير فيها ولا شعره عن موديل 2006!!!

المشكلة أنهم نزلو الأكورد الكوبيه لكن تعال شوف الفاجعة الكبرى! سعرها فل كامل بدون جلد ومكيف يدوي؟! بـ 98 ألف وهذا السعر 4 سلندر! على كلامهم يقولون لي أن سعر 6 سلندر في 120 ألف؟؟؟!!! يعني تخيلو معي شباب معك 120 ألف تحطها في هوندا! معليش كثيرة عليها

بأختصار الأسعار مبالغ بها جدا جدا جدا وما تستاهلها أطلاقا

صراحة مبالغة بشكل كبير جدا جدا

صراحة مبلغ 92 ممكن أقوول مناسب

لما تحتويه الأكورد من مواصفات

خاصة إنها الوحيدة بين منافسيها تأتي

بجلد - ومقابض نيكل كبيرة

فاهمني والسيارة كبيرة مبدأيا مقارنه بالمنافسين

قريت موضوع أو رد إن الأكورد راح ترفع لتنافس الأفالون وتكون من نفس الفئة

لكن لو كانت السيارة فل بدون جلد - المقابض

أتوقع أنها بـ 85 ألف ريال أتوقع هذا مناسب مقارنه بباقي المنافسين

وهذا ممكن تتقارن بالمنافسين إلي أتوقع لا يتوفر لهم جلد -وصغيرة نسبيا

لكن ما أنكر أنهم بنفس السعر ومواصفاتهم أكثر ..

والسلام عليكم

صراحة أسعار مبالغ فيها جددداً , يعني بالله بهذا السعر 95 ألف سيارة 4 سلندر :eek:
يعني ألتيما 4 سلندر فل كامل بــ 84 ألف ريال.
كامري 4 سلندر فل كامل 85 ألف ريال تقريباً.
وغيرها من السيارات المنافسة بهذا السعر وبمواصفات أكثر واجمل ولا تقل جودة عنها.

والله 95مبالغ فيه

لكن انا ماخذها ب92350اول مانزلت على طول

وبيني وبينك الواحد يزود 5او 6ولا ياخذ كامري 6سلندر سياحي وانا ماني راعي سرعه ابددد

مونامور
^
^

هلا عزيزي

انا مابنيت كلامي الا بعد مقارنة اسعارها بالسيارات المنافسه

السيارات المنافسه للأكورد

وعلى سبيل المثال:

اوريون , التيما , مازدا 6 , ليجاسي

اكثر مواصفات من الاكورد وارخص منها بالسعر

ومشكور على مرورك


................................


waleed4w
^
^

توقعت ان ارى مثل ردك بالموضوع

اخوي وليد عندك المازدا وعندك الليجاسي made in japan وسعرهم ارخص من الاكورد ولا ننسى ان مواصفاتهم اكثر منها

وشاكر لك ردك

هذي ضريبة ان الاكورد تصنع في اليابان ...


ولهذا اتجهت تويوتا الى استراليا وتايلند ..