اليوم زرت وكالة هوندا في الرياض وهذا هو سعر أكورد v6 وعندي لكم كم سؤال

aso1 · 2008-04-05T03:04:29+03:00

السلام عليكم ورحمة الله وبركاتهاليوم قمت بزيارة لصالة عبدالله هاشم وكيل هوندا في الرياضوشاهدت هوندا أكورد v6 فل أوبشن السعر هو 112000 ريال ( مائة وإثنا عشر ألف ريال )السعر لا أدري هل هم مبالغين فيه أو هذا سعرها الطبيعيانطباعي عن السيارةالسيارة ما سقتها ولكنإذا ركبتها تشعر أنك في سيارة عصرية بديكورا

$هاني$ @user_33880 · 05-04-2008

الافالون بدون تحيز وانت قاران المواصفات ورح تشوف الفرق

واذا انت معزم اقول لك اشترى افالون افضل لك من الهوندا من ناحيت الراحه والفخامة

واذا انت تبي ةتجرب السيارتين وتقارن بينها يكون افضل

رح شوف اقرب محل ااستئجار سيارات واستاجر كل سيارة كم يوم عشان بعدها تقدر تحكم

وفيما يخص ريحت المكيف فقط في الدفعات الاولى منها

ولك مني اطيب تحيه

F-14 @user_13825 · 05-04-2008

مع إني معجب جداً بالأكورد بس الصراحة سعرها مبالغ فيه جداً خاصة وأنها تفتقر إلى بعض المميزات ..
يعني لو كان سعرها 112 ألف مع الشاشة كان تكون معقولة بس بهذا السعر وبدون شاشة حط عليها اكس ..

عــ,,,ــووول @user_46691 · 05-04-2008

والله زيد عليها وانا اخوك والافالون وارفع يدك

صراحه وش جاب الاكورد عند الافالون الافالون شكل وفخامه وهي تمشي ما شاء الله لها هيبه تفتح النفس

واستخير وبالتوفيق يالغالي

اخوك

عسوول

techmate @user_74279 · 05-04-2008

شوف الأكورد ماأحد يقول فيها شيء, من أمتع السيارات في القيادة, ماودك تنزل منها , لكن يبغالك تنتبه لبعض الملاحظات:

- دائما الأغلى في فئتها (مثل النيدو مقارنة بأنواع الحليب الأخرى :D ).
- تنقصها كثير من التجهيزات مقارنة بالسيارات الأخرى في فئتها (البلوتوث - الدخول الذكي - النافيقاشن - TCS - ESC - وغيرها).
- قطع الغيار سعرها أعلى من غيرها.إذا مقتدر ماديا (للشراء والصيانة) توكل على الله وإستمتع.

abo 7med @user_21258 · 05-04-2008

انت تشوف ان خفة الدركسون ميزه؟؟؟؟

بالعكس اكبر عيب وعلى دفع امامي بعد

والله ياحبيبي خذها نصيحه من مجرب

الهوندا طول ما وكيلها هاشم ابعد عنه

هذا شي

الشي الثاني 112 الف على هوندا كثير وربي
اخذت سته والا اخذت عشره سلندر

الشكل الخارجي زيك زي الاربعه وزيك زي الاربعه السياحي اللي مركب جنوط

انا اقول لا تستعجل

والامر راجع لك

على فكره: انا من ملاك هوندا 2003 والى الان معي
انسى شي اسمه رساوه بسيارات بالحجم هذا واتكلم عن اكورد وعن كامري وعن التيما

لانها دفع امامي ومو معقول سياره بسعر 70 الف او 80 الف تبي فيها رساوة سياره ب150 او 170 الف

يعني بواقعيه كل اللي ذكرت لك مافيها رساوه

اذا بتقارن بين السيارات بنفس الفئه اقولك ماعندي خبر
بس الاكورد عن تجربه مهنا رسااااااااااااااااوه

طبعا الكلام عن الرساوه نابع من الدركسون وخفته;)