أشكر الجميع على الردود الرائعة
-------------------------------------
^^^^^^^
انا السورنتو عاجبني و لو ان لي تحفظ على شكله
لكن لا علم لي به إطلاقا لا من مواصفات و لا جودة و لا سعر
فالمعذره لا يمكن ان افيدك
أخوي أمير .. ياليت تفيدني وش إلي أعجبك في السورنتو
لتتضح الصورة أكثر .. شاكر لك
--------------------------------------
والله شف يا خوي Microsoft طالما بتطلع قرض وأنا ما أنصحك بذلك لكن طالما بتخربها وبتطلع قرض لا تاخذ إلا شيء مضمون مو يزيد الطين بله ويهبل بك بالخرابات والمشاكل والتكاليف ألخ
لذلك أعتقد الفرونتشر خيار أفضل لك في هذي الحالة ورغم أني ما هضمت شكله كثير وخصوصا قوته يمكن ما تصلح له كثير لأنه جيب والقيمة الي معك حق 4 سلندر لكن بنسبة لي يضل أظمن من سورنتو من ناحية الجودة والصيانة لأن الفورنتشر لو تدقق فيه ترى تفاصيله الميكانيكية بسيطة جدا ولا اعتقد بيكون فيه تعقيدات مثل سورنتو غير كذا تراه تويوتا شيك بالجيب لا قدر الله جاء وقت تبي دراهم تقدر تبيعه بسعر زين لذلك أرى انك تستخير وتتوكل على الله وتشتري لك فورنتشر
وفكر زين أخوي تراك مطلع قرض مالها داعي تكسر نفسك مرتين بالديون وترى برأيي لا تدور جديد طالما أن كانت الحالة المادية ما تسمح لك ترى بعض الأحيان تلقى مستعمل زين بس دور شيء مضمون شوي وأنحش عن أي شيء غير الياباني المعروف بالسوق
أخوك أبـــــــــوأســــــــــد
أخوي أسد .. رأيك سديد بخصوص أنه قرض ويكسر الراس
لكن في ملامح قادمة بأن مسألت القرض يكون سهل
* أمور مادية بحته.
سأذكره فيما بعد .. لكن لو قلت أن القرض بيكون ثلث الراتب 1\4
هل سيضل الفوشتنر أم يرجع السورنتو للقائمة .؟
شاكر لك
---------------------------------------------
أويد أخوي أبو أسد فيما كتب بالأزرق بأن لاتورط نفسك بالديون طالما عندك سيارة.
أعارضة فيما كتب بالأحمر لأن علية ضمان 5 سنوات مسافة مفتوحة, وعلية مواصفات خارقة بسعر بخس (86,000), يعني أرخص جيب بمواصفاته مازدا وفيراكروز بزيادة 30,000.
ومع ذلك أنصحك بالفورتشنير لأني حتى الآن غير مقتنع بالجيوب الكورية.
صدقت في مسألت القرض لكن مثل ما أفدت في الرد السابق
إن شاء الله أن القرض بيكون سهل وميسر .. |1|
تسلم يمينك
-------------------------------------
مايكروو ..
مالك إلا انك تستخير رب العالمين وتشوف وش اللي فيه خير لك السورينتو ولا الفورتشنر ..
مع اني شخصيا اميل للفورتشنر لسبب واحد .. تغير الوكيل ..
ولا السورينتو افضل كمواصفات وكراحه من الفورتشنر بكثيييييير..
لكن الفورتشنر يبي يخدمك ان شاء الله .. .
وقبل كل شي .. استخر .. عشان تشتري وقلبك مرتاح للسياره
أبشرك الوكيل ثبت الحين على الجبر (وكيل نيسان الشرقية)
هو المالك الآن لكيا السعودية .. بقي سؤال بسيط كيف تعامل الجبر .؟
أشكرك
----------------------------------------------
اخوي مايكروسوفت....
انا مع الفورتشنر وبقوووووووه...
لانه السياره التي تتطابق تماما مع احتياجاتك (بر + طمر ارصفه )
تحياتي...
هذا إلي موجع راسي .. إن السورنتو أفضل من الفوشتنر
في الأداء وطمر الأرصفة (اللهم فرق بسيط في إرتفاع السيارة)
سعدت بردك وشرفني مرورك .. |1|
---------------------------------------
رأيي الشخصي مع الاخوان بأن الفورتشنر بطل وتحلله مايشتكي ابداً وقطع الغيار والصيانة تحصلها في كل شارع والله لا يحوجك لها ..
القرار لك والله يوفقك بالسيارة اللي ترضيك ..
آمين جزاك الله خير على دعائك
المشكلة أن القرض مع إنه ميسر إلا أنه خمس سنوات
وأغلب إستخدامي في المدينة وشيء بسيط سفريات
والبر شبه أسبوعي لكنه قريب ما أروح بعيد
شاكر لك .. |1|
---------------------------------------------------
مفروض أفرد لك بموضوع ( أو رسالة خاصة .. ;))
هلا والله مايكروسوفت
أنا من زمان أشوف الموضوع بس مو لاقي حل مناسب
يعني بالنسبه للبر الفورتشنر الأفضل من بين الخيارات والأوسع والأكثر تحمل والأجود
بالنسبه للكيا فهو أكثر أمان ومواصفات ورساوه وانظمه
أما القشقاي شيله من بالك وأتوقع مصيرها مصير الإكس تريل
حتى اسمه مادري وش يبي
تخيل يجيك واحد يقول وش معك سياره؟؟
وش ترد قشقاي؟؟
أنا اذا نقطقت اسمه انقد على نفسي
(ترا أمزح ياشباب)
شوف أخوي مايكروسوفت إذا انك راعي طلعات بر واجد الفورتشنر هو الأنسب
واذا ان طلعاتك على خفيف فاصبر شوي عشان يتحدد مصير الوكيل الجديد لكيا وما تبلش به بعدين
واذا تصبر لما تشوف الموهاف الجديد يكون أحسن
تقبل مروري
<< أخيراً حصلت واحد يؤيد السورنتو .. :D
طيب الحين الوكيل إستقر على الجبر .. هاه نشتري .!!
==========================================
أشكر الجميع على المشاركة .. ومن باب توضيح المتطلبات والرغبات
مشكلتي أني من نوع إلي يفضل الإلنترا فل كامل على السوناتا سياحي
* وصلت الفكرة .!
وهذا سبب إعجابي بالسورنتو مقارنة بالفوشتنر
صحيح أن الفوشتنر تويوتا وقطع متوفرة وأداء في البر عالي
لكن سعره أيضاً غالي .! لك أن تنظر (بغض النظر عن كوري أوياباني)
وتقارن بين الصورتين .. للفوشتنر .. والسورنتو
KIA SORENTO
TOYOTA FORTUNER
:confused:
