والله سؤالك حلزوني والكل يسأله مابينه وبين نفسه......
الريحة جميلة وتعطي انطباع إيجابي قد يكون لعامل نفسي فقط،، لانها تذكر دائماً بالسيارات الجديدة.
عملت بحث سريع وانصدمت من النتيجة،،، حصلت الإجابة على سؤالك وما كنت اتوقع هالشي...
أولاً الرايحة ماتجي من الجلد، لانك لو اتلاحظ ان حتى السيارات الجديدة الي كراسيها مخمل فيها نفس الريحة...... الريحة هذي الله يسلمك تجي من البلاستيك المستعمل في السيارة والمواد المستخدمة في سد الفجوات في المقصورة،،،،، يقول لك اخي العزيز ان هذي المواد في البداية تكون غير مستقرة كيميائياً... يعني مثل وحدة ضايع منها ولدها.... فالمادة غير المستقرة كيميائياً يا تاخذ يا تعطي عشان توصل لاستقرار كيميائي... وفي حالة المواد المستخدمة في السيارات ،،، هذه المواد الغير مستقرة تقوم ببث جزيئاتها عشان توصل للاستقرار الكيميائي،، والجزيئات هذي تشكل الرائحة الي تشمها.. يقول لك في دراسة صارت كشفت ان الريحة هذي تخف بنسبة 90% بعد 3 اسابيع فقط من استخدام السيارة.. يعني ماراح تلحق اتهنى بالسيارة......
لكن الصدمة وين كانت... يقول لك أن هالمواد ضارة في صحة الإنسان،، خصوصا إذا مازاد تركيزها في كبينة القيادة وخصوصا في الجو الحار لان هالمواد ايزيد تفاعلها في درجة الحرارة العالية.
اكيد انك سمعت عن حوادث وفيات الاطفال داخل السيارة في الحر خصوصاً... والسبب هو هذه المواد الكيميائية. لكن يقول لك بما أن في السيارة يتم فتح الباب وغلقه باستمرار ،،، يتم تجديد الهواء داخل السيارة بانتظام ولا يوجد خطر كبير او يذكر من هذه الروائح الا في حال أنك نسيت ولدك داخل السيارة في الحر والدرايش مسكرة.
ويقول لك بعد أن كل شركة تستخدم مواد مختلفة عن الشركات الاخرى وبالتالي تلاحظ هناك اختلاف بسيط بين ريحة سيارة والثانية.
وكما قال الشاعر
تعددت الأسباب والموت واحد
وسلامتكم
اول شي يعطيك العافيه وعقبالك ماتصير مهندس قد الدنيا
طبعا الشباب قالو من البلاستيك والجلد سواء الكراسي او غيره .. وانت اثريت الموضوع بالتفاصيل اللي ذكرتها ..
خوفتني بصراحه ماكنت ادري انها خطيره .. لو ادري كان ما اشمشم السياره بعمق كل ماركبتها
بس الغريب زي ماذكرت ان التفاعلات الكيميائيه تستمر حتى لو اختفت الريحه .. ما امداها تسقر يعني |5|
شكرا لك وعلى البحث السريع اللي سويته |1|
