متردد بين ((البنزs)) او ((اللكزسls430)) ايهم اشتري ؟

متألق @user_46630 · 03-02-2008

السلام عليكم
اخواني الأعزاء اخي يريد شراء سيارة وصراحة متردد بين الكزس 2004 ls430 او بنز فئة s كلاس
والمشكلة انه كان معزم على شراء اللكزس لأنه استأجرها لمدة يومين وعجبته كثير وأثناء البحث عن سيارة لكزس مستعمله نظيفة لشرائها إذا بقريب لنا ينصحه بالبنز وكلمني اخي وقال: ولد عمتي الشريطي قلب دماغي وقال وش عليك بالكزس قطع غيارها نار والبنز قطع غياره رخيص انصحك بالبنز s وقال كذلك مرة من المرات قدامي لكزس بنشر عليه الكفر وقام يحوس في الطريق من اليمين الى اليسار وربك ستر ما انقلب ...
ما لكم بالطويلة.. اخي الآن في حيرة وقلت ما بدهاش خلني اكلم ربعي بمنتدى العز السيارات ونشوف آرائهم ومميزات كل سيارة وعيوبها ، وش رايكم يا النشاما وش يشتري : لكزس 2004 ls430 او بنز فئة كلاس s 500 او s350 ، والمبلغ بحدود 130 الف ريال ولا يبغى وجع راس وصيانة وتكون مناسبة للسفر ؟
ارجو منكم بكل حيادية المشاركة بالردود بغض النظر عن ميولك، وبناء على رأيكم سيتم شراء السيارة باذن الله ..
شاكر ومقدر لكم جميعا ، ومعليش طولنا عليكم ..

عمر الشهري @user_9141 · 04-03-2008

عن جذاب بقول مبارك على صاحبنا السيارة

بالتوفيق

K I F Y @user_6053 · 04-03-2008

جذاب18

بارك للرجال شرى ES350

أنـــــس @user_34305 · 02-03-2008

إذا كانت اللكزس 2004فتصويتي للكزس
وإن كانت 2003وتحت آخذ الفياجرا بدون تردد

بالتوفيق

K I F Y @user_6053 · 19-02-2008

متألق

ع البركة
والله يطعمه من خيرها ويكفيه شرها

ويرزقك السيارة اللي تتمناهاا

متألق @user_46630 صاحب الموضوع · 18-02-2008

K

K I F Y

ردد يا ليل ما أطولك

بتلقى لكزس وموديل نظيف
يبغى لك تسنتر يومياً بالمعارض
على الأقل بالشهر تجيك كم وحدة

بالتوفيق لك خيوو

اخي اشترى اللكزس ولكن فئة ES350 موديل 2007 والسبب انه ترك LS430 انه لم يجد النظيف
اشكركم جميعا على الإدلاء بمعلوماتكم ..

K I F Y @user_6053 · 13-02-2008

ردد يا ليل ما أطولك

بتلقى لكزس وموديل نظيف
يبغى لك تسنتر يومياً بالمعارض
على الأقل بالشهر تجيك كم وحدة

بالتوفيق لك خيوو

متألق @user_46630 صاحب الموضوع · 08-02-2008

شكرا لك اخي زياد واخوي صراحة قال لي حرام ادفع مبلغ ضخم في موديل انتهى شكله واللكزس مثل ما قلت باقي شعبيته قوية لدرجة ان اخي جالس يدور في الرياض وانا في جدة وما حصلنا نظيف والنظيف تلقاه غااااااالي وتصوروا لقينا بعد معاناة لون عنابي نظيف وماشي 90الف موديل 2004 بـ 140الف ريال ....

zeyad @user_16152 · 07-02-2008

ياخي الفياقرا ميته الحين خلاص راح شكلها مللللللللح بعد مانزل الشكل الجديد

انصحك لكزس LS430 ترا لهيحن شكلها اوكييييييييييي بس بالسفر مدري ايهم ازين

انت شخصيا تخيل انك تشوف فياقرا تمشى تحس ا خلاص حلاها رااااح تحسها سياره عاديه

بس لو قلت لي بي ام دبليو ولا مرسيدس بالشكل اقول لك بي ام دبليو اكيييييييد
بس الخرابات خذها مني
مرسيدس اكثر من الكزس خرابات ومعروف الالماني مهوب حق استعمال يومي

بس لكزس خفيفه مهيب ثقل زي المرسيدس في الخط بس بالثبات ماعليك هاذا كلا م الناس طبعا

متألق @user_46630 صاحب الموضوع · 05-02-2008

MR.AMG
الف الف شكر لك وما قصرت الله يعطيك العافية كل اللي كان في بالي جاوبت عنه وبانقل الملاحظات كامله له بمشيئة الله ، وصراحة انا اميل للبنز اكثر من اللكزس .

K I F Y
مشكور وما قصرت الصراحة اخوي من يوم قلت له كلامك عن الانقلاب وهو ملزم إلا يشتري لكزس

K I F Y @user_6053 · 04-02-2008

متألق

الموديل 2002

MR.AMG @user_60746 · 04-02-2008

م

متألق

[CENTER]

السيد AMG
ما قصرت الله يعطيك العافية
لكن ما هي المشاكل اللي في القديم؟ وما هي الفروق بين 2003 و2002وتحت ؟ لأن اخوك في الله ما عنده اي خلفية عن البنز ولكني وجدت الناس تسب في الفياجرا ويرون الشبح افضل منه [/CENTER]

الفياقرا من موديلات (99 - 2000 - 2001 - 2002)
كلها شكل واحد ونفس المحرك.
ومشاكلها ما اقول إنها كثيرة بس يعني اكثر من الموديل الجديد لإنها انحلت بعض مشاكلها
من أعطال في الهيدروليك وقفل المساعدات... وغيرها الكثير.

بس انا ما انصح فيها إطلاقا وخصوصا إنها قديمه و إستحالة يكون فيه منها نظيف يعني بالعربي حتى لو مايكون فيها مشاكل راح تكون قديمه وخدمت كثيير.

الفياقرا من موديلات (2003 - 2004 - 2005)

تحسنت كثير, سواء في الشكل الخارجي : تغيرت الأسطبات الخلفية والأمامية
او من الشكل والديكور الداخلي تحسن كثييير مثل مكان الشاشة وتصميم الأزرار ومسند الرأس

مكانيكيا تغير فيها اشياء كثيرة واهما المحركات والقير
الـ 320 اصبح 350 وزادت احصنته
والـ 500 تم تطويرهـ وزيادة احصنته وكذلك الـ 600
حتى القير اصبح سبع سرعت وهو اول قير سباعي في العالم بدل من خمس سرعات

وكل هذا لمنافسة بي ام دبليو حين تم طرح الفئة السابعه بالشكل الجديد عام 2002

انا انصح بشدة بموديل 2003 وفوووق فئة S500 لإنها الأفضل والأكثر إقتصادية

واسأل مجرب ولاتسأل طبيب
وأخووك جرب اغلب الموديلات سواء انا شخصيا او سيارات العائلة

وفعلا 2003 افضل بكثير من 2002 وراح تشوف فرق كبير في الأسعار

وانصح باللون الفاتح وافضل لون بالنسبه لي اللون البحري(سماوي) ومن داخل بيج فاتح (هيلوز)

واهم شئ تكون جفالي او خليجية او مصدرهـ خصيصا للخليج بمواصفات خليجيه وابعد عن تصدير اليابان او امريكا او حتى ألمانيا

وتقدر تعرف إنها مواصفات خليجية من الأستكارات (التعليمات) الي تكون على الرديتر او باب السائق او تعليمات الأمان على الشمسيه لازم تكون باللغة العربية

وأتمنى أكون أفدتك..

bady @user_38020 · 03-02-2008

بالنسبة لي مع إحترامي للردود السابقة لكزس وبس
سيارة مريحة هادئة جداً وشكلها جميل وسيارة كرف تجد منها حتى الآن م 94 بحالة ممتازة
بالنسبة للمرسيدس استعملته عشر سنوات وحرمت شراءه مرة أخرى خرابات كثيرة قطع غيار مكلفة لايصلح للإستخدام العملي اليومي بل هو أقرب لسيارة المناسبات يعني يكون عندك سيارة ثانية للمشاوير
اليومية
كذلك السيارات الأوربية عموما من أحلى مايكون في الشتاء وأول مايجي الصيف يبدأ المسلسل المصري
كل شهر توقفها أسبوع في الورش ويبغالك ميزانية سنوية لاتقل عن 6000 الاف ريال

أنصحك وبشدة باللكزس وماخاب من استشار وموديل 2004 به خدمة 5 سنوات على الاقل مع الكرف
بالنسبة للمرسيدس لو صممت على السيارة أقل من موديل2005 لاتشتري و الله يعينك على خراباتها

Genius_m @user_33175 · 03-02-2008

Lexus Ls افضل خيااااااااااار..........

اما اذا كانت الـS 500 فهي افضل.........

تحياتي...

متألق @user_46630 صاحب الموضوع · 03-02-2008

الأخوة الأعزاء :
محتار 2008
جزاك الله خير على النصيحة واكيد الاستخارة لا بد منها
السيد AMG
ما قصرت الله يعطيك العافية
لكن ما هي المشاكل اللي في القديم؟ وما هي الفروق بين 2003 و2002وتحت ؟ لأن اخوك في الله ما عنده اي خلفية عن البنز ولكني وجدت الناس تسب في الفياجرا ويرون الشبح افضل منه
KrEmBoOo
الله يعطيك العافية وما قصرت
K I F Y
كلامك على اللي بنشر صراحة ريحني خلني اقول لأخوي بس .. لكن كم موديل اللي بنشر عليه الكفر
ومشكووووور وما قصرت الله يعطيك العافية
alone 600
صراحة اذا بانصح اخوي يشتري البنز بأقوله لا تأخذ إلا 500S ، واما كلامك على المرسيدس على انه ما يبيعها إلا طفش من خراباتها او تاجر فهو الغالب فعلاً
ومشكووووووووور وما قصرت الله يعطيك العافية

alone 600 @user_51759 · 03-02-2008

وعليكم السلام اخوي ((متألق))

ازيد على كلام الاخوه ان المرسيدس و اللكزس السيارتين تخدم معاك :)

الله يكتب لك اللي فيه الخير . .

أولا انصحك بالتشييك الكامل على المرسيدس اذا حصلت النظيف مره . . لان صاحبها إذا نوى يبيع
يا تاجر سيارات أو يبي يصرفها من كثر الخرابات اللي فيها . . .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
من تجربه للمرسيدس

ــــــــ S 320 في المدينه ما فيه مثلها . . وفي السفر ( الخط السريع ) لك عليها شوي . .

ــــــــ S 500 اعتبرها السيارة المثالية في السفر والمدينة . . |1|

ــــــــ S 600 ملكه في الخطوط بكل معنى الكلمه . .

K I F Y @user_6053 · 03-02-2008

اممم
أول شيء من قال إن أسعار قطع غيار لكزس نار مقارنة بالمرسيدس
أبسط شيء اطلع لمحلات قطع الغيار وأسأل وهم بيفيدوك

ثانياً الكلام اللي تقوله أنه يوم يضرب عليه كفر تحوس السيارة ومدري ايش
أكيد من السواق لف الطارة ولا انخرش
واحد أعرفه شخصياً عمره ما نزل عن 180 وضرب عليه كفر
يقول ما دريت كأني أكلت مطب عادي
مو بالـ LS لا بالـ GS وخذ الفرق بين الفئتين

مجرد تصحيح معلومات

وإذا يبي سيارة كرف وكد لكزس ولا يفكر بغيرها
أما إذا كان استخدامه حشمة وسواقته محترمة يآخذ مرسيدس
والله يوفق

KrEmBoOo @user_53688 · 03-02-2008

هذي مايبغالها استشارة الله يسلمك ...

واضح جدا ان المرسيدس S افضل خصوصا انك جبت طاري السفر والخطوط ..

فمايحتاج تقارن مـلك الخطوط مع اي سيارة ثانية ..

وبمبلغ 130 الف تجيب لك بنز. . . . . وموفق ان شاء الله

MR.AMG @user_60746 · 03-02-2008

بكل تأكيد الألماني افضل وخصوصا المتربع على عرش الألماني

النجمة مرسيدس بنز هذي السيارة وغيرها فلا..

والي ما مسك طارة المرسيدس مايعرفها

إذا بياخذ مرسيدس فئة S ياخذ من موديل 2003 وفووق واقل من موديل 2003 لاياخذ
ترا الفياقرا موديل 2002 تفرق عن 2003 فرق السما عن الأرض
مو بس اسطبات وتعديلات في الديكور حتى الماكينه والقير تغيرت
وطبعا مشاكلها اقل بكثير من الموديلات القديمة

وبخصوص النوع 350 او 500 او 600
لايهمك كلام الي يقولوا ابعد عن الـ 600 لإن مشاكلة واجد ونصحوون في 350 !!
هذا الكلام خطأ واسأل مجرب
هذي مرسيدس بنز يعني بالعقل شركة بهذي الضخامة ماتعرف تصنع محركات!!

الواحد يختار النووع حسب إستخدامه وإحتياجاته وحسب الميزانية كذلك
وإذا ماكان يقدر على الـ 600 ياخذ الـ500 وإذا مايقدر عليها ياخذ 350 وإذا مايقدر عليها بعد ياخذ 280 ديزل :D

لكن الألماني بشكل عااام يحتاج لصيانه ووقطع غيار اكثر من غيرهـ
وهذي ظريبه الفخامة والمواصفات والأمااااااان

إذا مايبي وجع راس ما اعتقد إن المرسيدس يناسبه ولا حتى اللكزس!!

والله يكتب له الي فيه الخير

محتار 2008 @user_71758 Banned · 03-02-2008

اللكزس LS 430|1|

لاتنسى الاستخاره ومبروك مقدما!