السلام عليكم
والله يااخوي ابوشيبان انت قفلتها علينا وعلى نفسك ياحليلك تبا سيارة جيب قوية وجديدة ب 65 الف بس مااقول الا الله يصلحك ولك عندي شورين اللي يناسبك اخذه:
1- دور لك فكسار 97 ولا سوبر سفاري 99 او 2000
2- كمل على المبلغ اللي عندك 30 الف واشتر فورتشنر ولا كمله 20 الف فوق العشرين واشتر الفتك
اذا انت تبي سيارة تكرف وقوية بالبر وعالخط واهم شي عندك انها تكرف وتعيش بدون خرابات وبس فالايسوزو احسن سيارة لك ..
اما اذا تبي هدوء وراحة ومواصفات وكشخة فانحش منها لانها على سرعة 80 تسمع انواع العواصف داخل السيارة وغير الداخلية اللي كانها داخلية ونيت تسمع الاصوات من كل مكان .. بس الحق انه بالبر بعير ما يوقفه شي ..
عندك خيارات ثانية يبي لك تفكر فيها مثل السوزوكي والدايهاتسو ..
2- قطع الغيار ما اتوقع ان الشركة توفرها لك ... اسالهم قبل ولاتاخذ العلم الا من اكبر واحد فيهم يعني مهوب تسال موظف ويقول لك ايه علشان يبيعه وياخذ من وراك 200 ريال وبعد شهر تلقاه طلع من الوكالة
اسال مدير الفرع كله عن قطع الغيار وانشب له وخذ رقمة وعطه رقمك وقل لو صار شي ولو بعد كم سنه ترا برجع لك .. علشان مايذبه عليك وتبلش !!
