السلام عليكم ورحمة الله وبركاته
عندي 75000 ريال وأبي أشتري سيارة دفع رباعي
لقيت جديد موديل 2008 ميتسوبيشي ناتيفا بنفس المبلغ الي معي تقريبا
ولقيت تويوتا برادو 2005 بنفس القيمة تقريبا ... حالته ممتازة وماشي تقريبا 70 ألف كيلو
وبصراحة محتار جدا مدري وش اخذ
وأنا رجال أبي أستخدم ولا عندي نية بيع أبد
تكفون لا تبخلوا علينا بالمشورة
وتسلمون مقدما
البرادو أفضل بدون شك، والمسافة موب شي على التويوتا. لكن 75 ألف ريال أشوفه غالي على موديل 2005، لأن 2006 (العام التالي مباشرة) طرأت تغييرات جذرية على البرادو مع المحافظة على شكله. يعني المفروض الموديل السابق يرخص أكثر من كذا. التغييرات تشمل القير الأوتوماتيك أصبح خمس سرعات بدل أربع، والعايدي ست سرعات بدل خمس. الدفع الرباعي صار دفرنس وسطي من نوع تورسن بدل من الفسكس كوبلينج (دخلنا في العمق).
وإذا عزمت، تذكر أن ضمانه قد انتهى، يعني لا تشتريه إلا إذا تأكدت أنه سليم تماماً من العيوب الميكانيكية، وأنه ما جاته صدمات.
