محتار بين موستنغ وشارجر

مشكووور اخوي جذاب ١٨ على الرد
ذا الي بيصير ان شاء الله باخذ الموستنغ عقب شهرين
بس باخذها كليفورنيا سبيشل من برع ابيض ومن داخل فحمي على بيج
وفل ابشن ان شاء الله بس بدون الفتحه الاماميه>>>>مم عاجبتني

مثل ماقلت الموستنج وبس..وأنصحك بالفل كامل اللي تجيك جنوط كبيرة 5أصابع
وتجيك فتحة رياضية في الكبوت..وسعرها قرابة 150ألف
وأنصحك باللون الأسود على الداخلية الأحمر أو الأبيض على الأحمر كذلك...والأحمر على الأحمر;)
مثل اللي في التوقيع

الموستنج معروووف وتاريخه طويل وهي السيارة الرياضية الأكثر استخداما في أمريكا

بالتوفيق ومبروووك مقدما

شارجر RT 2008
شارجر RT 2008
شارجر RT 2008
وانت مغمـض عيـونك
|3|

مبروك مقدما...

اذا بغيت أي مساعدة في تلغيم الموستنغ ماعليك سوى السؤال...
أخويه عنده خبرة في الموستنغ وان شاء الله يفيدك...

مشكور اخوي اكورداوي على الرد الجميل
انا باخذلي قير عادي بمحور اكبر 3.55 (اختياري من الوكله)|6|

انا محتار بينهم لين الحين......

لكن اذا كنت بأخذ موستنج ..بأخذه جير عادي لكن اذا كان الموستنج اوتوماتيك فبختار التشارجر

لان اللي يميز الموستنج عن التشارجر في نظري الجير العادي فقط لكن اذا كنت تفكر بموستنج اوتوماتيك فخذلك تشارجر افضل لك بكثير

مشكور اخوي Lt_RAM انا مايهمني الراحه كثير والشارجر ماعليه كلام كفايه هيمي
بس الموستنغ اكثر شبابيه وانا ما استخدم المقاعد الخلفيه توني 18 سنه:)
اخوي legendury مشكور على الرد
بس انا احب امريكي ماحب يباني ابدا(وجهة نظر):)

تشارجر افضل والأخ اللي قبلي ماقصّر

ولو تبي شوري خذلك اكورد كوبية

تراها مهي صاحية

Mr.lonely

التشارجر بشكل عام أفضل من الموستنغ...

أنا أعطيك نقاط مقارنة ان شاء الله تفيدك...

- التشارجر مريحة أكثر....الموستنغ برضه مريحة...وبالنسبة لسيارة رياضية كوبيه
فهي مريحة جدا....لكن التشارجر مقاعدها لينة أكثر وجلستها مريحة أكثر...

- التشارجر عزلها الصوتي أفضل....هدوئها ممتاز جدا
الموستنغ صوت الشارع فيها عالي وصوت الاكزوست عالي...

- التشارجر داخليتها عملية أكثر.

- التشاجر عزمها أفضل...لأن مكينتها أكبر من مكينة الموستنغ فعزمها أعلى
وبالتالي استجابتها لدعسة البنزين أفضل وأسرع...

- الموستنغ مقاعدها الخلفية ضيقة جدا...

- التشارجر أنعم في المطبات...

- من 0 - 160 الموستنغ أسرع...بعد الــ 160 التشارجر أسرع
وترا الفرق بينهم بسيط جدا في التسارع سواء قبل الــ 160 أم بعدها...

- الموستنغ دركسونها " أثقل " وبالتالي تعطيك احساس رياضي أكثر

- في نقطة يمكن تهمك...وهي المكيف
مكيف التشارجر بارد جدا وأفضل من مكيف الموستنغ بفرق واضح في التبريد

النقاط هذه كلها لا تعني ان الموستنغ سيارة سيئة...على الاطلاق
فهي سيارة ممتازة مناسبة جدا للاستخدام اليومي...

لكن التشارجر أفضل في الأمور المذكورة...
يعني أنا كثير شبهت التشارجر بالموستنغ...

وأفضل وصف أقدر أوصف الفرق بينهم ان التشارجر هي نفسها
الموستنغ بس على 4 أبواب وراحة أكثر ورحابة أكثر وقوة أكبر وأشياء مثل هذه...

وهذا طبيعي بالنسبة للموستنغ فهي سيارة كوبيه رياضيه...

بالنسبة للموستنغ
اتركك من اللي يقول صيف وتسخين وما تقدر تشد عليها وخرابات والكلام دا...
فهو غير صحيح تماما...

اذا تهمك الراحة ويهمك الهدوء والقيادة السلسة فالتشارجر أقرب لك...
يمكن أكبر عيب في الموستنغ هو قلة الهدوء...

بالنسبة لقطع الغيار....اذا انته تهتم بالسيارة وتصونها دائما فما راح تحتاج
قطع الغيار الا قليل :)

بالمناسبة...أنا سيارتي تشارجر...وسيارة أخويا موستنغ كلهم 2007
ومجرب الموستنغ مزبوط وشايف الأشياء هذه عن قرب


في كلتا الحالتين...خيارك موفق..
والموستنغ فعلا تلغيمه أسهل وقطعه أكثر...

اخوي الموستنج ماعليها كلاام موتر قووي من قلب


بس في اشياء معروفه بالموستنج وماحد ينكرها


الحراره بالصييف يعني بالصييف انسى تضغط على الموتر


وانا مجربها بنفسي ...وعندك الخرابات وما ادراك ماخرابات الموستنج


والله يوفقك بأختيارك ...


مع التحيه اخوك عاشق العباره

مشكووووور اخوي المارودر 2004 على الرد
خلاص اقولها وبكل فخر موستنغ وبس
الي خلاني احتار كلام ربعي خذلك شارجر وخذلك شارجر:(
بس الصراحه انا مرتاح واميل على الموستنغ اكثر وان تلغيمه سهل:)
مشكووورين اخواني وماقصرتوا

كل السيارتين جميل ورائع

وانا لو مكانك كان اخذت الموستنق ولا اشاور وبالنسبه للقطع مافلي شي اسمه مو متوفر التعب على الوكاله طلبيه ويجيبوه لك خلال اسبوع اواسبوعين

وعليك باللون الاسود جنااااان على الموستنق

لكن لاتنسى ان الموستنق شبابيه وماتقدر تاخذ اهلك فيها يعني حصريا للشباب

واذا انك راعي عائله الشارجر افضل لك

مشكووووووور اخووووي على الرد
بس انا سمعت ان قطع غيار موستنغ مم كلها متوافرها:(