التاهو جاب العيييييييييد

[الـ ع ـارض]

السلام عليكم ورحمة الله وبركاته

التاهو حقي حب يعايدني بدري ...

البارح الجمعة بعد صلاة المغرب ركبت موتري وطلعت ابوصل الصيدلية اجيب دواء المهم وصلت الصيدلية واخذ اغراضي منها وركبت موتري وبرجع البيت ...

وانا اديور مع الاشارة الا واسمع صوت شي غريب بالقير ... كنه صوت جنزير او تروس انفكت ...
امسك اليمين على طول واوقف وانزل اتفقد السيارة ...مافيها شي

ركبت السيارة واحط القير على D السيارة ما تمشي احط القير على R لقم القير ورجعت السيارة قلت تمام وارجع بالسيارة واوقفها على جنب وارجع احط القير على D ماش ... ما وده يشبك ...
واحطه على 3 نفس الشي 2 نفس الشي واحطه على 1 الا لقم الترس ومشت السياره قلت تمام خلني اوصل البيت ويحلها ربك ...
المهم مشيت على 1 ان تعديت سرعة 20 اسمع صوت طحن بالقير ...
وصلت البيت بالسلامة واتصلت على الرقم المجاني حق طوارئ GMC ورد علي واحد من البحرين وبعد اخذ من المعلومات قال اليوم جمعه والعيسى مقفل وانت الان لك الخيار اما نرسل لك الان سطحة وتوصلها للعيسى او تنتظر لبكرا الصباح وتتصل علينا ونرسل لك سطحة من العيسى قلت لا انتظر للصبح .. وفعلا الساعة 7 اتصلت عليهم وبعد ما اخذ من المعلومات وانا معه على الخط كلم العيسى وانا معه على الخط دخل معنا بالمكالمة سواق السطحة حق العيسى واخذ وصف البيت وقال بعد نص ساعة اكون عندك ... وبالفعل بعد نص ساعة تقريبا كانت السطحة عندي وركب السيارة ووداها العيسى وهناك مهندس الاستقبال استلم السيارة وقال المشكلة ان دوامنا الى يوم الاثنين وبعدها اجازة العيد .... المهم قال عشرة ايام من اليوم تكون سيارتك جهازة ولكن يوم الاثنين حنا نكلمك ونعلمك وش صار على سيارتك ان خلصت تجي تستلمها او تجي تستلم سيارة بديله عنا ...
وانا اسولف مع المهندس واقول له اني مستغرب ان القير يصير فيه كذا والسيارة توها ما كملت 14000 كيلو ....
قال فيه الى الان حوالي 10 سيارات ما بين تاهو وسوبربان ويوكون قصير وطويل جتهم نفس المشكلة وحنا ارسلنا تقرير للمصنع بالمشكلة هذي ...



ما ادري هل في احد من اصحاب التاهو او اليوكون او السوبربان واجهته نفس المشكلة ؟؟؟

والله يكتب اللي فيه الخير ..

وعسى ان تكرهوا شيأ وهو خير لكم ....


مهما يسوي فيني التاهو اعتبره انه يتدلل على وما راح ازعل منه او اكرهه ...


<=== عاشق للتاهو واليوكون حتى الثمالة

[start over]

صراحه أنا كثير سمعت ان اليوكن والتاهو
فيهم مشاكل في الجير
وان شاء الله يصلحونه ويرجع مثل اول
ماخذتها

[saleh_ssj]

عمي معاه واحد حصلت نفس المشكله بالتمام مرتين
السياره يوكون 2007

الاولى كانت السياره ماشيه 26000 وصلحوها على الضمان

الثانيه كانت ماشية 68000 (انتهى الضمان) وبعد الهواش ودفع 25% من قيمة قطع الغيار حدود 500
السياره ماشيةى الى الان حوالي 90.000


تـحـيـاتـي
saleh_ssj

[T O R N A D O]

انا معي تاهو 2007 .. ماشي 15.000 توني مدخله الوكاله ( العيسى )

تشييك للـ15.000 وكذلك صوت في ديكور الباب .. وأصوات في الفرامل

للمره الثانيه أدخله عندهم لنفس المشاكل

الله يعيننا بس ..

[MrMutawa]

السلام عليكم
بصراحة انا سمعت كثير عندهم هذي المشكلة و واح من اهلي صارتله و هذا الي خلاني اشتري الارمادا بدلا من اليوكن ..... و الكل اقول في مشكلة في القير لكن انت و حظك يمكن تصيب او تخيب و انا من النوع الي اكره الموتر اذا خرب و اهو بالكفالة او بعدها و اكون انا مو مهمله ....... على فكرة اقولون الوكالة سبب هذا العطل هو اما انك من النوع الي ادوس بكثرة (حد الدوسة) للمقاوم او انك من النوع الي تبدل القير من الخلف الى الامام و العكس بشكل سريع ..... و كلا الحالتين المفروض العيب مايطلع قبل 60 او 80 الف

[atlantis]

المهم انك سالم

والله يبعد عنك همك

ويبعد عيون الناس عنك

تحياتي

[M3 e92]

أخوي انا معي إسكاليد وحصلت فيه مشكله بالقير وصار تعشيقه وحده....
وقفته يوم وجربته بعدها - الحمدلله انتهت المشكلة الظاهر كان القير حار ولا مدري وش السالفه
لاكن المهم انها معد رجعت المشكلة....
الله يعينك وان شا الله انه عالضمان .....

أمريكي ما عليه شرهه....
تحياتي

[طالب الادارية]

الله يعينك على ما اصابك ..... السيارة كم موديلها ؟؟؟