الله على الماضي وايامه
هذي اول سياره قدتها في حياتي
هونداي ستيلار كانت موديل 1988
وتيجي نوعين ستيلار عادي ومطور اسمها بريما
العادي تيجي ستاندر مره والبريما تجي باور ستيرينج وقزاز كهربا وسنتر لوك وشبك نيكل
الوالد شرالي البريما في 1991 ماشيه 5000 من شركة في الشرقيه ب 7500 ريال
سياره حديدها قوي ومكينتها 1600 سي سي وقطعها رخيصه
بس خراباتها واجد
طبعا بحكم انها اول سياره قدتها في حياتي انواع التفحيط والهبال وكانت قويه وعزمها مو بسيط
وكان عليها شعار الوعلان القديم هونداي بالضبط كما تريد
الميزه في السياره هذي انها كانت دفع خلفي
السياره اللي في الاعلان موديل 1985 وفي موديل 1987 عدلو شكلها شوي وصار احلى وفي 1990 انقطعت ونزلت بدالها الاكسل
واي معلومات عن السياره انا حاضر
تحياتي للجميع
ما شاء الله عليك .. متأكد إن عمرك 25 :D
أذكر السيارة هذي مع ولد عمتي .. كان طايرً فيها
ورشها بأسود طلع مايكروويف متحرك :D
