مازدا CX-9 أفيدوني ياعشاق المازدا

مدرى عنها


لكن بصراحة السيارة راااااااااااااايقة وفخمة

اخوي- زووم 2003 - كانت معاي مازدا 2003 و كرفتها كرف مو طبيعي سفريات على طول و ما اغير زيوت يعني اطول على الزيت و لا عمري غيرت مقصات او غيرها و حتى دنمو القزاز ما عمره خرب و بخصوص الإزعاج معاااااك 100% و قطعها غاليه و مو كلها متوفرة لأنه صار لي حادث و صلحتها عندهم و بعتها ( و للأن ناااااااااااااااااااادم اني بعتها )

انا استخدم السيارة من اكثر من 4 شهور و مشيت عليها 20,000 كم

السيارة مالها مثيل أبد و الوكيل معقول جدا ومافية أي زحمة عندة

أخي الكريم ... Zoom2003 ياليت تضيفني على المسنجر لأني حاب اتكلم معاك بخصوص مراكز الصيانة لدى الوكيل

xprince2000x(@)hotmail.com

اخي الكريم من تجربتي الشخصية مع الوكيل وسيارات ماذدا تتلخص في عدة نقاط امتلك سيارة مازدا 6 موديل 2003

- من خلال امتلاكي للسيارة السيارة جيدة نوعا ما مقارنة بالاكورد والكامري (هذا رايي وقد تختلف الآراء).
- من ناحية الخرابات هناك بعض المشاكل اللي تطلع ومالها اي مبرر مثل ماطور الزجاج غيرته حوالي 5 مرات تقريبا على الضمان وايضا مرة خرب على الدينموا حق الكهرب وغيروه على الضمان بعد عناء طويل مع مركز الصيانه.
- هناك عيب غريب في المازدا 6 وهو غير موجود اطلاقا في المازدا 3 الا وهو المقصات والعكوس والمساعدات لازم تغير الجلب حقتها في فترات قصيره وتكاليف تغييرها رخيصة مررة .
-من ناحية الطرق السريعة السيارة راسية بشكل كبير ولكن اذا كان فيه هواء قوي السيارة تلعب بك اكثر من الاكورد والكامري (لان السيارة خفيفة مقارنة بمثيلاتها)
- العزل الصوتي في المازدا 6 اقل جودة من المازدا 3 ولكن تحسن دفعة 2005 فلذلك اللي معهم الموديلات الجديدة ما يعانون من مشكلة الازعاج.
- عزل الزجاج غير جيد للاسف الشديد وهذه المشكله متواجده في مازدا 6 الزجاج اقل سماكة من المعتاد .
- الصيانة عند الوكيل غريبة لابعد الحدود فهي تعتمد على الفني الموجود في المركز وتوفر القطع في مركز الصيانه, ساوضح لك هذه النقطة بالتفصيل الممل , هناك فنيين موجودين في مراكز صيانة مازدا المنتشرة في المملكة فمثلا لو تدخل سيارتك في فرع من فروع جده تجد انهم افضل من بعض فروع الرياض والعكس صحيح لبعض فروع الرياض مقارنة بجدة فبعض الفنيين عندهم خبرة جيدة بسيارات مازدا والبعض خبرته قليلة (فبتلاحض ان بعض الفروع تتميز عن بعض بالفنيين الممتازين القادرين على حل المشكلة والبعض للاسف تضيع فلوسك على الفاضي) واذا كانت علاقتك مع مدير مركز الصيانة قوية ينزللك بسعر خيالة لدرجة انه مرة سوالي خصم 2000 ريال وكانت الفاتورة 5000 ريال اما قطع الغيار فهي فالغالب متوفرة وتلقاها بشكل مرضي فقط عند الوكيل والقطع اسعارها مرضية نوعا ما لان بعضها غالية وهي فقط بلاستيك لانها تعتمد على بلد الصنع فمثلا الشمعة الامامية تجد انها صناعة ماليزية فلذلت تكون رخيصة وبعض القطع يابانية وهي قطع غير مهمة فترى ان سعرها مرتفع صانعاتها تتنوع بين اليابان تايلند ماليزيا. (ولكن الغالب يابانية)
- من ناحية الصيانة الشخصية (تغير اشياء في البيت دون الذهاب الى مركز الصيانه) متعبه في بعض الاماكن لان السيارة تحس انها مضغوطة فلا تجد مسافة عشان تفك النور الامامية بسهولة او تغير فلتر الهواء الداخلي لازم تتبهذل فاتوقع المشكله هذي ليست موجودة في ال CX-9
- التكييف جيد ولكن لا يقارن بالكامروي والاكورد السيارتين نضام التكييف فيها افضل وايضا قد حصلت مشكلة في التكييف وما قدر يصلحها اللا فني مختص في التكييف في احد فروع الصيانة.
ملاحظة : يجب ان تعرف ان امور الصيانة يجب ان تكون في الوكالة فقط لان اللي برا الوكالة لا يفقهون في السيارة ابدا فمشكلة التكييف المذكورة سابقا دفعت حول 550 ريال لكم ورشة برا اعتمادا على ان الورش يفهمون في السيارة ولكن للاسف ذهبت هباءا منثورا واحد الورش يوم رجعت لها قام يلفقلي مشكلة وقال لازم افك الطبلون كله واغير قطع داخل (شف وين وصل جهل الورش بالسيارة) ولكن قلت باروح الوكالة وياخذون اللي ياخذون اهم شي يكون شغلهم عليه ضمان والفني فاهم في السيارة وذهبت لاحد فروع صيانة سيارات مازدا (الوكالة) وكلفتني الصيانة مبلغ خيالي؟؟؟؟؟؟(( 330 ))ريال فقط والمشكلة كانت في قطعة بسيطة وتافهه.
- من ناحية فترة الصيانة السيارة بعض الاحيان تاخذ اسبوعين او اسبوع كامل وبعض الاحيان يومين فتعتمد على زحمة الصيانة والمشكلة الموجودة في السيارة.

-ممكن ازور الوكالة واشوف السيارة وادقق تدقييق مملك من خلال خبرتي بسيارات مازدا. واعطيك رايي فيها.

ارجوا اني اعطيتك المعلومات المفيدة واي سؤال ان موجود :)

أخوي واضح من كلامك إنك من اللي تسمع كلام الناس

والله شوف ياخوي ه

أنا كان معاي مازدا 323 موديل 2003 وحاليا معاي تويوتا أوريون

لكن ليومك هذا أعشق المازدا وأفضلها على التويوتا لكن للأسف جميع موديلات المازدا رياضية بحتة
أنا أحب الرياضية الممزوجة بالفخامة وبصراحة موديل CX-9 وجدت فيه هذا الشيء لكن حقه فوق طاقتي

أنا ما أقولك حرام فيه السعر لكن أنا ما أملك حقه

أخوي المازدا اللي كانت معاي كرفتها بشكل مو طبيعي (ماشاء الله تبارك الله)

كنت أسوي فيها التالي:
1ـ أتأخر في تغيير الزيت لين ما لصق الزيت في المعيار
2ـ السير ماغيرته إلا بعد مانقطع بعد ماعدت السيارة 130 ألف كيلو
3ـ ما أعترف بالمطبات
4ـ كنت أعبيها بنزين أخضر وهي ما تشرب أقل من الأحمر ومابديت أعبي أحمر إلا بعد ماخبطت ماكينة واحد من الشباب معاه ماكسيما
5ـ أسافر وأطارح فيها

والآن السيارة ماشاء الله تبارك الله في حالة ممتازة
كل الخرابات اللي فيها بسبب التعديل والبهذلة

يعني غيرت الجنوط احتجت أخرط الهوبات بعدها بفترة
وأنا مسرع أشغل المكيف احتجت أغير قطعة صغيرة اسمها كلتش مكيف بعدين كنت مركب زينون وعيال الحرام لمن سرقوه قطعولي الأسلاك والدنيا كلها وبعد السرقة بيوم تكسرت عندي البكرات ايش سوو ماأدري

هذي كل المشاكل اللي قابلتني

أما قطع الغيار على حسب القطعة يعني قطعة الطلب عليها نادر زي أخونا راعي المازدا93 طالب قطعه لسيارته وهي موديل قديم جدا يعني أكيد مو موجودة في المستودعات حتى أنا مرة طلبت طاسة قالي سعرها 150 ريال لأن الطاسة نادر الطلب عليها والأشياء النادرة لا توجد في المستودعات فيضطرون يجيبونها من اليابان وحق الشحن يكلف واجد

أما القطع الاستهلاكية أسعارها جدا مناسبة زي طقم البواجي بـ24 ريال وفلتر الهواء ماتعدى65 ريال
بعدين لاتشيل هم للقطع يعني ايش فيه قطعه رخيصة نيسان ولا المتسوبيشي ولا السزوكي كلها وغيرها قطعها غالي وعلى راسهم الهوندا اللي تصلخ صلخ

وفي النهاية أنا ما أقولك خذ المازدا
لكن لو أنا مكانك والله لأخذ وحدة بلون عودي من دون أي كلام

تقريبا 100 ألف تحطها على جيب تلفيق !! ومازدا بعد !!
:)

يا ريت تفيدوني انا كماان
يا عشااق المازداا

أخي الحبيب
أنا لدي مازدا 929 موديل 93
وطبعاً العالم بأجمعه تغير منذ ذلك الوقت فضلا عن مفاهيم الجودة في السيارات _ والتي أفهم منها القليل .
فلن أتحدث معك عن جودة سيارتي أو فخامتها ولكن سأكتفي بالكلام عن الحاج حسين رضا وكيل سيارتي
قبل عام حصل معي حادث كلفني آلاف الريالات واحتجت قطع غيار شمعة وشبك امامي
لاحظ أن موديلي 93
المهم ذهبت للوكيل الذي أخبرني أن الشمعة بحوالي 3000 ريال تزيد أو تنقص فاضطررت للتجاري وأذكر أنني ركبت مع ليموزين كامري 2007 أو 2006 فأخبرني أن شمعته كلفته ألف ريال تقريباً
أيضاً الشبك الأمامي عجزت أن أجد تجاري فاشتريته من الوكالة بحوالي 700 ريال تزيد أو تنقص
المهم يا صاحبي قطع غيار المازدا نار والذي يصبرني على سيارتي قلة أعطالها مقارنة بكثير من السيارات وأنا أشهد على تميزها في ذلك ..
أما الموديلات الجديدة فأنا لا أحكم عليها بجودة أو تقصير وأيضا لا أعرف هل قطع غيارها بنفس غلاء قطع غيار سيارتي ذات الموديل الأقدم أم لا ؟
وأنا والله لا أريد أن أؤثر على قرراك في شراء السيارة فقد تكون جيدة وأتسبب بحرمانك منها وأيضاً ما أعرفه من تعاملي مع الحاج حسين رضا إذا كتمته عنك أخاف أغشك بكتم حقيقة ما جرى لي .. فأنا بين نارين .. وكل الذي أتمنى من ردي هذا أن يجعلك تتمهل فقط .. لا أن يؤثر على قرراك ..
وبالنسبة لي : فأنا مستعد أشتري من مازدا مرة أخرى إذا كان السعر مناسب والمواصفات مناسبة وكانت الأعطال قليلة ..
والسلام عليكم ..

شكرا اخوي ألتيما اليتيما على مرورك ورأيك :)

بس مستغرب مافي أحد عنده مازدا يقدر يفيدني في الجواب على أسئلتي !!! :o
هذا شي يخوف من المازدا