تويوتا فورتشنر وشغل المحترفين

يعطيك الف الف عافية أخوي
الخل الوفي
على هذا الموضوع المتمييييز
وحبيت اسألك عن الفورتشنر اللي معك هو V6 ؟
وبكم اشتريتة وهل هو قير اوتو ام عادي
والاوتو كم تعشيقة ؟
ووش رايك بلاوتو في البر ؟
وبكم اسعار الفورتشنر للدبل V6 او I4

كذلك أخوي الأسد شف هذه الدراسة يمكن تهمك بالرغم من عدم التطرق لأداء الكفرات على الطرق الرمليه

كشفت اختبارات أجراها نادي السيارات الألماني (أداك)، أن إطارات السيارات الأعرض تحسن أداء المكابح، لكنها أكثر ضوضاء، كما أن مستوى تثبيتها للسيارة على الطرق المبتلة أقل مقارنة بالإطارات الرفيعة.

وقد تم إجراء الاختبار على خمسة أشكال مختلفة من إطارات ميشلان، يتراوح عرضها بين 15 إلى 18 بوصة.

فقد كشفت الاختبارات أنه عند السير بسرعة 100 كلم/ ساعة فان الإطارات العريضة (مقاس 225/40 وعرض 18 بوصة)، ساعدت قائد السيارة على إيقافها بعد 35.8 متر من الضغط على المكابح، مقابل 41 مترا عندما استخدمت إطارات رفيعة (مقاس 185/65 عرض 15 بوصة).

لكن عند القيادة على طرق مبتلة كان أداء الإطارات الرفيعة أفضل، حيث بدت الإطارات العريضة وكأنها "تسبح" عند السير بسرعة 69 كيلومترا في الساعة. ولم تصل الإطارات الرفيعة إلى هذا الأداء السيئ إلا عند سرعة 80 كيلومترا في الساعة.

وفي ما يتعلق بمستويات الراحة والضوضاء الناجمة عن الإطارات، كان للإطارات الرفيعة أداء أفضل، كما أن استهلاك الوقود يزيد بنسبة اثنين في المائة في المتوسط عندما تكون إطارات السيارة عريضة، حيث إن مقاومتها أعلى مع الأرض نتيجة للاحتكاك.

وقال نادي السيارات الألماني في خلاصة تقريره عن الاختبار، إنه رغم أن الإطار العريض يعني تحكما أكبر في إيقاف السيارة، إلا أن له تأثيرا سلبيا عندما يتعلق الأمر بالراحة أو الاقتصاد في استهلاك الوقود.

وللأمانه الكلام منقول من منتدى آخر

وشكراً

أخوي أبو أسد لا تنسى عامل السعر.. فهو مهم لدى أغلب المستخدمين

وهذا من أسباب تميز شركة عن أخرى بالرغم من الجودة العالية

شكلي بقلب الموضوع كفرات :D

إلا عندي سؤال أخوي ابراهيم

بعد البحث والتعمق

لقيت أن كفرات ماركة بيف قيدريش BFGoodrich تجي نوعين من النقشة حق الطرق الوعرة

النوع الأول ناعم وما سمعت أحد يتكلم عنه من ناحية أنه مو زين كأستخدام عام وليس فقط طرق وعرة يعني من ناحية الأزعاج والرساوة وتحمله في الطرق المعبدة بس ودي أحد أن كان يعرف عنه شيء يتكلم عنه



ويكون مكتوب عليه كذا BFGoodrich　All-Terrain T/A



وفيه نوع ثاني خشن والي يكون حق طين وحق صخور وهذا أتوقع الي أنت تقول أنه مو زين حق أستخدام طرق معبدة



ويجي أنواع كثيرة منها Mud-Terrain T/A و Baja T/A وKrawler T/A حسب نوعية الأستخدام (أغلب أهل المرهمات يركبون هذي النوعية)

وقد رحت عند ريد كاب RED CAP سألته عن أفضل كفرات الجموس من ناحية كل شيء طرق وعرة وطرق معبدة طلع لي أن افضل كفر عنده هو الميشلان من ناحية الحرارة A والتراكشن AA والسرعة القصوى 210 كيلومتر في الساعة حجم 16/75/265

قلت له طيب وبيف قيدريش, قالي أفضل من الميشلان من ناحية الطرق الوعرة بس كطرق معبدة وتحمل وثبات أقل من الميشلان الحرارة B والتراكشن A ونفس الحجم حتى أخبر السرعة القصوى أقل مدري 190 ولا 180 ما أذكر عموما وتقريبا يكون أغلى منه وحسب ما فهمت ألحين أن أحسن نوع للبيف قيدريش من ناحية كل شيء هو BFGoodrich All-Terrain T/A الناعم

قيمة الميشلان قالي حول 640 ريال للواحد والبيف قيدريش أغلى 680 ريال للواحد مقاس 16/75/265

وسألته من مستوى الدانلوب والبرجستون مقارنة بهذي النوعيتين قال ما توصل من ناحية كل الميزات يعني أن الميشلان والبيف قيدريش أحسن بكثير من الدنلوب والبرجستون

أنا عارف أنها بتخلي قومة السيارة ثقيلة وبتزيد الصرفية بعد لكن المقصد منها هو أن يكون عزم افضل في الطرق الوعرة وغير كذا مستوى الرساوة يزيد |1| والفرق مو كثير بس 20 في العرض وما راح أكثر

أخوي أبو أسد أنا من زمان ما أركب إلا برجستون إلا في سيارتي الحالية ركبت تويو عريضه ومتحسف جداً لأن الكفر العريض بزياده يخلي دعسة الموتر ثقيلة شوي
وفيه كفرات دنلوب حلوه مره للرمال بس عيبها ما تنفع في الصخور لأنها خطر تنشق بسرعة.

على العموم ركبت كفرات برجستون على سيارة يابانية صغيرة واستمرت معي سنتين وحالتها مع الشخص اللي اشترى السيارة متوسطه وبيكمل كد عليها مع العلم إن السيارة خفيفة ومشاوري بها كانت واجد.

بالتوفيق

أنا مجرب كفرات برجستون نوع أصلي صناعة يابانية مقاس 16/75/245

بصراحة مش مقتنع فيها كثير والسبب

أمداها تتسحك بالراحة وهي تقريبا لها سنة معي!

مدري هل هو من ردائة نوعية النقشة حقتها ولا تدعيس الجمس خليتها تتسحك بسرعة :D

ناوي المرة الثانية بعرضها شوي بخليه مثل العرض الي حاطه أخوي الخل الوفي بس بتكون ميشلان ناس مدحوها لي من ناحية الرساوة والصوت وزي كذا حتى أنا أشتكي من أصوات في البرجستون بس واحد من ربعي يقول عادي كذا في الجموس تسمع أصوات الكفرات بقوة

الله يعطيك العافية أخوي أبو الخل

وكفرات برجستون أنا مجربها رائعة فعلاً

مشكلتي كثير المشاوير في الرياض وشكلي بأغض النظر بعد إجابتك عن اليايات الاسترالية وحجم الإطارات

ولكن تبقى المساعدات يا ليت تقولي وش تفرق عن مساعدات شد بلد لو أركبها لوحدها؟
وهل هي تتحمل أكثر من مساعدات الوكالة أو مساعدات شركات أخرى؟
وهل هي زيت وغاز كما يقال؟ أم زيت فقط أو غاز فقط؟
وكم سعرها لوحدها؟

وآسف على كثرة الأسئلة أخي

شكراً

سعرها للفورتشنر طقم كامل مساعدات ويايات 2700 ريال من غير تركيب. التركيب المفروض ما يكلف أكثر من 300 ريال. الفارق في الارتفاع كبير، حقيقة صرت لما أسوق فورتشنر عادي أشعر أني أسوق سيدان. ما يؤثر في القيادة داخل المدينة، لكن صرفية البنزين زادت بشكل ملحوظ بعد الرفع. المطب فعلاً أقسى من الأصلي، وهذا شيء طبيعي ومتوقع، لكن لا يخرج السيارة من درجة الراحة وهذه ميزة مساعدات OME. ومفيد جداً عند التطعيس. تركيب الخلفي سهل جداً، لكن الأمامي معقد لأن المساعد داخل في وسط الياي، لازم يفك المقصات عشان يفك المساعد. الزوج الخلفي تركيبه 100 ريال، والأمامي 200 ريال.

الكفرات الحالية برجستون، ركبت أكبر من الكفرات الأصلية، مقاس 16/75/265، بينما الأصلي 16/70/265، وهذا يزيد من الخلوص الأرضي. نفس مقاس كفرات الهمر H3 تماماً. ممتاز جداً ومريح وهادئ ومتماسك جداً في الشوارع وراائع في الرمل، أفضل بكثير من الأصلي. سعره 525 ريال للواحد. لكن أنصحك تلقي نظرة على يوكوهاما، يوجد لديهم نفس المقاس وسعره 500 ريال، لكني ما جربته. مشكلته إنه فيه حكة بسيطة في الرفرف، لكنه لا يزعجني. وينبغي أن تعلم أن زيادة حجم الكفر سيؤدي إلى انخفاض في التسارع وزيادة في استهلاك الوقود.

ما غريب الا الشيطان يمكن هناك خطأ في المنتدى أنا بالأمس رددت على أحد المواضيع ثم خرجت مشوار وحين عودتي رجعت للمنتدى وتفاجأت بوجود مواضيع كانت ردودها أقدم فوق الموضوع الذي رددت عليه.

أخوي الخل الوفي سؤال بالنسبة لليايات الإسترالية والمساعدات

كم سعرها كاملة (يايات مع مساعدات) وهل تركيبها صعب؟

هل أرتفعت السيارة كثيراً وهل يؤثر ذلك على السيارة في إستخدامها داخل المدينة؟ وهل مطب السيارة أصبح قاسياً جداً أو بفارق بسيط عن وضعها وكالة؟

الكفرات أتوقع برجستون فما هو مقاسها والمميزات الأخرى بها + سعرها كقطم أربع كفرات؟

والله يعطيك العافية

غريبة الموضوع قفز للصفحة الثالثة مرة واحدة؟

تركيب قفل دفرنس أمامي هو أكبر تعديل قمت به في السيارة، وهو بالفعل قرار سليم وأنصح كل من يقدر يفعلها يفعل. وميزته أنه ما يغير من شكل السيارة ولا ديناميكيتها ولا صرفيتها للوقود؛ بل لن يعرف أحد إنك مركبه إلا إذا كان فاهم في هذه الأمور ودور على أزرارها. حتى الوكالة ما درت إني ركبتها.

بالنسبة لسيارتك، ما لك إلا حل واحد: بيع اللكزس واشتري لك سيارة تصلح للبر. اللكزس فيه دفرنس وسطي عشان الدفع الرباعي المستمر، وهو غير قابل للقفل. الدفرنس الأمامي هو الرئيسي، حيث أن مكينته عرضية، يعني في الأصل دفع أمامي، وفيه دفرنس خلفي لتمكين الدفع الرباعي. لكن ولا تحلم تلقى لها أقفال دفرنس أو أي شيء. وكون السيارة ما فيها دبل ثقيل يعني ما يصلح للبر أبداً؛ إلا أن تكون من النوع الذي يداعب الرمال على خفيف لا غير.

وبالتوفيق.

أنا من كل التعديلات اللي سيوتها اكثر شي اعجبني هو (الديف لك)

انا ماكنت اعرفه من قبل و لا ادري وش فايدته

بس لما تكلم عنه اكتشفت ان سيارة دفع رباعي ما فيها ديف لك ما تسوى

انا معي لكزس RX350 2006 حاولت ادور لي ديف لك ينفع لها وما حصلت. اللي اعرفه عن السيارة ان فيها دفرنس مركزي بالاضافة الى الامامي و الخلفي؟ وش تقترح علي من تعديلات حتى ازيد من قوة السيارة في البر؟

شكرررررررررا

هههههههههههههههههه
يااخي قل لي عفريته من الاول
بس انتبه ماتخاف عليها تنسرق :rolleyes:

بالأصح: الخل الوفي + أي شيء = تميز + إبداع

(يقولون مادح نفسه ... يبغاله رفسه)





أبشر، إن شاء الله أجربها يوم وأصورها.



هل أعتبرها دعوة رسمية؟

أشكر كل من شارك وعقب على موضوعي.


الأخوان: H-Accord وبوفيصل، أشكركم على التشجيع.



يعني بالعربي ... عفريته مثلها مثل أي عفريته تجي مع السيارة، التي تستخدم لرفع السيارة وتغيير الكفر المبنشر. إلا أن هذه العفريته ترفع لمستويات عالية جداً لإخراج السيارة من الظروف الصعبة في البراري والجبال.

الحين بهذا الوقت الواحد يدور على جيب بمثل المواصفات
وخاصة هذا وقت الكشتات والطلعات اللي توسع
الصدر

ماشاء الله السيارة جداً جميلة وانا أشكرك على الصور