تويوتا فورتشنر وشغل المحترفين

قصدك الهوك؟ ممكن تفصله بـ 400 ريال في الصناعية، لكن ما يكون بجودة الأصلي. حقي أخذته من دبي.



والله صور روعة، الله يجزاك خير. هذا في جيزان؟ أجل بأروح هناك في إجازتي الجاية.

اها
تسلم اخوي الخل عالمعلومات المفيدة
وماقصرت

:D
بعد اذنك عزيزي ابو الخل اعطيكم فكره عن مااتكلم عنه


اعطيكم فكره عن نوع التحدي الذي يخافه الكثيييير حتى من ذوي الامكانات

وتظهر الشنباات عاجزه :D




ووديان خلابه





الصور منقووله .

صراحه يابو الخل ماقصرت وكفيت ووفيت الله يجزاك الف خير والان اتضحت الصوره

بانسبه لي واكثر شي اعجبني هي المساعدات والواح حماية الاجزاء السفليه الحساسه

خاصه ان هذي القطع مفيده جدا جدا جدا في مناطق الوديان والجبال خاصه في منطقتنا

منطقة جازان حيث تكثر الوديان وتوجد بعض الشلالات الطبيعيه التي يصعب جدا الوصول اليها

ولا يجرؤ احد على الذهاب الى تلك المناطق غير الشاصات والكبسوله والسيارات المعدله

خاصه وأن مياه الوديان ايضا قد تصل الى ارتفاع المتر تقريبا لذالك اكيد بتحتاج الونش

وستقابل الكثير من المناطق الصخريه والطينيه والرمليه وحتى وربما لو توجهت لتلك المناطق

بلاند كروزر مثلا لأثرت ضحك الاهالي من بداية الطريق لأنهم يعرفون انك سترجع لتبحث

عن سطحه او ونش :D وبصراحه اقول ان شاص تيوتا هو اقدر سياره واصلب سياره تجاريه

رأيتها على الاطلاق في تلك المناطق..

بالمناسبه انا من سكان الرياض ولكن ديرتي هي جازان.

هههههههههههههههه ,, الله يحفظك يالخل الوافي ,,
الصيغه الملونه جبتها رهيبه ما لاحظت ياللي ............ شكلك إمتياز باللغة :D

والله وش أقولك يالحبيب أنا مغرم بمحرك الفورتشنر ,, ومقهور مانزل على الهايلكس الدبل
وفكرت فيها بس ضربت حساب القير والدفرنس والظفيره و .... و ..... و ......

والا لو المسأله نزل محرك بس كان ما تأخرت وركبته وصفطت الطبلون اللي معقدني ..
ترى في اليمن كان من شاف موتري اندهش ويقول ذا من وين جبته ,,, وأقول لهم طلبيه
ما كفشني الا واحد قال وشلون V6 قدام وعلى البيبان 2700 !!
قلت له اللي ركب الخط مادرى أنها 6 سلندر ,, قال ايه طيب أشوف الماطور ,, قلت له أبشر بس الحين جاني اتصال خخخخخخخخخخخ ..

حتى والله على مستوى الشيبان اللي ما يهتمون بالمواتر ,, أنهم يشوفون موتري ويدققون ,, ويوم أن الفورتشنر الوكيل ما يورده ماحد عرف بحقيقة الوجهية ..

مشكور على الموضوع

وين أحصل الدعامة الخلفية فيه هل هي تفصيل أو جاهزة عندنا هنا بالسعودية؟ طبعاً من غير ونش وأبيها للفورتشنر مستقبلاً

هذا من ذوقك العالي يخوي فيصل وفعلا السياره كلفتني الكثير وكانت محبوبتي ..
وما بعتها الا بسبب أنها ماكانت تجيب الا 160 كم فقط :D
وأنا أبيها تطق 190كم
بس أكيد كانت غلطة لأن السياره كانت في اليمن واليمن مافيها خطوط تخيل أخذتها جديدة وقعدت معي سنه كامله وما مشت الا 22000كيلو فقط , وكان أقصى سرعه أجيبها بشكل عام ما تتجاوز 110كم وما تستمر حتى 5 دقايق :p
وجربت بعد هذي المده أصفط الطبلون وما تعدت عن 160كم ,, وقلت يمكن العيب بالكفرات ورجعت كفراتها بالجنوط الوكاله وما مشت الا 170كم فقط ..
يمكن أكون فاجئتها بالسرعه هذي ,, علشان كذا بعتها واشتريت كروزر 2007 علشانه 4500سي سي قلت أجرب العزم ,,
الحين جاب لي نفس سعره يوم شريته وله معاي 4 شهور ,, أنا مفكر الحين
يا هيلكس 2008 أوتو دبل أو موتر مثل حق الخل الوافي ,, البطل فورتشنر VX2 سعودي ..

مع العلم أني بعت الهايلكس بواجهته الاصلية ,, وواجهت الفورتشنر رفعتها عندي , وفكرت أبيعها لكن الفورتشنر ما يطلبه الوكيل في اليمن خايف لا يضرب سوق البرادو GX لأن VX البرادو ما يجيبه الوكيل ايضا ,, هو ماهو وكيل ولكن موزع ..

ما لاحظت ياللي تطربك الهلي ... إنك حاط V6 في واجهة سيارتك؟ لا تكون بعد غيرت المكينة؟

تسلم والله على المعلومه الهامه وعلى الصوره الاكثر من رائعه وبصراحه الهايلكس روعة روعة روعة

بمعنى الكلمه وبتعديلاتك تفوقت على الصانع نفسه في افكارك الجميله


عموما انا فهمت انك بعت الهايلكس وانا احس انك ارتكبت غلطه في بيعتك لان الهايلكس

صراحة دلع وماتباع بالسهوله هذي الا اذا كنت ناوي على شي اجمل وهذا يتضح لي

بانك راعي ذوق ولك نظره بالتعديلات والله الموفق

تسلم والله يالخل الوافي ..

وأنا إن شاء الله مع بداية عام 2008 ودي اشتري موتر جديد يا هايلكس فل - أوتو

أو فورتشنر VX2 ,,

لأن الكروزر اللي معي حاليا ماعد أبيه وماعد أبي قير عادي ..

بسم الله الرحمن الرحيم
السلام عليكم ورحمة الله وبركاته
اتمنى ان يكون الموقع اعجب الجميع واشكر اخي العزيز الخل الوفي الذي انزل هذه الصور , وبالنسبة لهذه التعديلات فهي في الفلبين ونحن نعرف مهارت الكثير من الفلبينيين في السيارات , وطبعاً نزلت هذه السيارة عندهم منذ عام 2005 .
وتقبلوا شكري وتقديري

والله روعة، ما شاء الله. فعلاً شكلها بواجهة الفورتشنر في غاية الجمال. والله إن الهايلكس تبعك أجمل هايلكس شفته في حياتي.

أخوي واجهة الفورتشنر تركب على الهايلكس الدبل فقط ويجب تركيب واجهه كامله وليست كشافات فقط
لأن الشبك مع الصدام مع الكشافات متداخلين مع بعضهم ..

وهذا موتري 2006 غيرت له الواجهه كامله وبعته والواجهه موجوده عندي بالكراج ,, وأول مابديت أشتريت الكشافات فعرفت اني تورطت ومن ثم شوي شوي الين اشتريت الواجهه كامله !!

تي جي إم أحس إنها تحاول جاهدة تقليد أي شيء تنتجه أي آر بي. لكن ما أدري شيء عن كفاءتها. عندهم أقفال دفرنس هوائية، وصدامات حديدية (شكلها قبيح بالمقارنة مع صدامات أي آر بي)، ومساعدات، وهي مشهورة عندهم، لكن ليس لها شيء من شهرة أي آر بي.

لكن عندك في أبو ظبي فرع لشركة ARB نفسها، في المنطقة الصناعية (مريت عليهم مرة وشريت كم شيء). عندهم الكثير من منتجات الشركة، وفيه إحتمال كبير تلقى مساعدات ويايات للباجيرو. أنا أجزم أنه يوجد للباجيرو، لكن ما أدري هل يوفره ARB عندكم أو لا. كذلك عندك ماركة أسترالية ممتازة إسمها Dubinson، وكيلها دبي 4×4 في دبي. قد يكون عندهم بغيتك.

استبدال الطبلات الخلفية بأقراص مهواة، ويايات قاسية:



استبدال المساعدات الخلفية بمساعدات ملتفة بياي Coil-Over Springs، بذلك يصير فيه أربع يايات فقط للتعليق الخلفي:


استبدال الأقراص الأمامية بأقراص مهواة مع فرامل رياضي مع مساعدات بلستين Belstein:


مساعد بلستين خلفي:


مساعدات أمامية عجيبة، ما أدري إيش نوعها أو فائدتها، وإللي يقدر يفيدنا يكون مشكور، لكن من الواضح أن الياي طويل جداً ومشدود شد عالي:



مساعدات رانشو خلفية:


وهذا غيض من فيض.

تعديلات رائعة للفورتشنر تشمل:
رفع خيالي للأداء العالي في الطرق الوعرة، ويظهر الدعاسات الجانبية والهوك الخلفي مع صدام خلفي:


زحافات صخور جانبية (Rock Sliders) مع دعاسات، تتحمل وزن السيارة:



هوك مع صدام خلفي:


صفيحة معدنية سفلية لحماية المكينة والدفرنس ماركة MAN (استبدال القطعة الأصلية بهذه الأكثر صلابة وقوة):


وأخرى لحماية خزان الوقود:


وثالثة لحماية القير:

هلا اخوي الخل
النوع اللي حصلته من بلستاين مايرفع السيارة بس يساعد على الثبات زيادة والاداء الرياضي مثل ماقلت
ومادري هل لازم يكون نوع مخصص للباجيرو ولا عادي اللي يركب على الفورشنر يركب على الباجيرو
لاني ادور من فترة وماحصلت صراحة
وعندك شركة TJM شو رياك فيها
والسموحة على الاطالة

هذا الرد لك وكذلك لرالي آرت.

زيادة الخلوص الأرضي ما يأثر أبداً على السرعة القصوى، ولا على راحة السيارة في السفر. تأثيره في المنعطفات، حيث أن مركز الثقل ارتفع. كذلك، لاحظت أنه سبب لي زيادة في استهلاك الوقود، ما أدري ليش احتمال بسبب تغير ديناميكية السيارة.

والنوع إللي ركبته من ARB، أولد مان إميو Old Man Emu، وبالنسبة للفورتشنر هو الوحيد المتوفر في السعودية، ووكيله محل الرماية. لكن يوجد أنواع أخرى، منها Belstien وهي أشهر الماركات في هذا المجال، وإيباخ (أو كانت رانشو؟ لا أذكر)، لكن نوعية إيباخ ليست لتحسين الخلوص الأرضي أو الأداء في الطرق الوعرة، بل لتحسين أداءها كسيارة رياضية في الشوارع والمنعطفات. عبد اللطيف جميل، وكيل تويوتا، جايب نوعية إسمها TRD مخصصة للإف جي كروزر لكن تركب كذلك في الفورتشنر، وهي في الواقع من صنع Belstien. الخلوص إللي حصلت عليه ممتاز جداً، تقريباً 40 ملم، يعني الخلوص الكلي عندي صار 260 ملم.

وكل هذه الماركات تتوفر للعديد من السيارات، وليس فقط للتويوتا.

الأسترالي ممتاز جداً، ويوجد منه عدة نوعيات، لكن أيضاً الأمريكي مشهود له.