صوت حيرني باللومينا

يعطيك ألف أخي العزيز

وأنا أول المستفدين من المشكلة اللي حصلت معاك،أنا سبق وأني كتبت موضوع بنفس المشكلة اللي حصلت معك والحمدلله ماغيرت الرمان الأمامي (الفلنجات) مثل ماقالت لي الورش بعد ماسمعت من كذا شخص بأن الكفرات يمكن تكون السبب وبالفعل هذا هو السبب في الصوت لان الكفرات اللي على السيارة يوكوهاما وانا شاري السيارة مستعملة.

بس السؤال وش هو نوع الكفرات اللي ركبتها وراح الصوت معها؟؟؟؟

ههههههههههههههههههه

مبروك الحمدلله حصلت المشكله

بعد ما قريت مشكلتك على طول نزلت تحت وكتبت تجربتي ولم أقرأ جميع الردود<<< هذي نتيجة الطفاقه

ولكن الحمدلله لعلها تنفع احد

الله لا يجيب المشاكل لنا ولالجميع المسلمين

السلام عليكم

أخوي انا حصلت معي قصه طويله من ناحية الصوت وسيارتي كابرس 2002 وهو صوت زي وواااووواااووو

وديتها لكم ورشه وكم ميكانيكي

أرائهم تختلف ولاكن الأغلب اتفقو على الرمان الأمامي غيرت الرمان ولا راح الصوت

وصراحه كلف علي كثير كشف الصوت!!!

وكل من ركب معي وسمع الصوت المزعج يعطيني حل مثل وجهه اللي يقول عمود القير واللي يقول الدفرنس وووو

ولكن عندما ذهبت الى احد الميكانيكيين وهو هندي عطاني الحل ولا صدقت ... وتعبت نفسي كثير

وفي احد الأيام عطاني أحد الأشخاص وهو شريطي وخبير في السيارات حل نفس حل الهندي

والمره قلت خلني أجرب تصدق راح الصوت اللي معقدني له ستة شهور !!!!!!!

تدري وش صار منه شي اغرب من الغريب

غيرت طقم كفرات ورررررراااح الصوت والله ان هذا الحاصل

معروف كفرات يوكوهاما كم واحد حصلت معه واحد اعرفه سيارته كامري طلع معه الصوت زي اللي معي


** اللي ابي اوصله من كل هذي القصه الطويله انك تهتم بالشي اللي مجبور ومن صالحك انك تغيره
قبل الشي الثانوي

يعني لو اني من البدايه غيرت كفرات وخليت الرمان بعدهن كان ارتحت

الله يكفيك شر الخرابات

عللى البركه وانا اخوك

بيض الله وجيهكم يا شباب .. وحقيقة ما قصرتو ... على فزعتكم ومعلوماتكم القيمة ...
ودائماً اتمعن في حديث الرسول صلى الله عليه وسلم ( والله في عون العبد ما دام العبد في عون اخيه ) ..


وابشركم قبل امس رحت لورشة قريبة من مسجد الجليل وقالوا انها الرمان بلي حق الكفر الخلفي وركبوه والسعر كله 320 ريال .. وقالوا كان طلع صوته ارجع لنا ...

السلام عليكم

فيه عند أخوي هايلوكس المهم فيه صوت في الدفرنس وكان قوي يزعج اللي راكب خلف
راح لورشه قالوا له الرمان اللي في الدفرنس حق العامود
وغالبا تكون الأصوات من الرمان وشغلتها سهله مايبغالها وقت

وإن شاء الله تكون من الرمان
الله يسهل امرك ودروبك

يفترض ان الوكاله او الورشة لديهم الامكانيات الي تخليهم يفرقون بين صوت الرمان بلي و الكارونه

رغم تشابه الصوت وقربه ولكن هناك معدات تفرق بين هذه الاصوات على العموم

اذا كان صوت رمان بلي فالمشكله بسيطة

صلحه و ان شاء الله مايكون مكلف

ولكن الدفريشن بطبيعته غالي
جدا
غير شغل اليد
ولن انا لست مع من يقول ان التصليح الكارون ليس فيه فائدة
او ان كل شئ سيرجع كماهو في السابق

لان التصليح الصحيح واستبدال القطع يرجع السيارة مثل الوكاله بضبط لو اتقن الميكانيكي شغله
في الربط ومراعات الامور الفنيه الاخرى