كيف صرفية البنزين بسيارتك (هيونداي أو كيا)؟........ادخل وشارك!!!

الظاهر بالخطوط الطويله السته سلندر يصرف اقل
مااذكر كم يمشيني بالظبط داخل المدينه
لكن اذكر اني عبيت من فل ومشيت فيه من الشرقيه الى الرياض .. وكان باقي فيه الربع الأخير
وكنت مثبت على 150 تقريبا .. :)

في نظري ان السياره بدون تدعيس اقتصاااديه جدااا

ماشاء الله طبلون السوناتا نظرة والله حرام عليكم تقولون خايس
حتى لونه مو اخضر يعني اخضر فسفوري على اصفر واشوف انه حلو بس مو احلى من الازرق

وطبلون السوناتا الجديده صراحه يذكرني بطبلون الهايلوكس


نرجع لموضوعنا

اخوي الصرفية جيده بس لاحظ البنزين 95 ولو يكون 91 راح تكون الصرفية اعلى بشوي

ولاحظت الفرق بالصرفيه بسيارات هوندا سيفيك ممتازة جدا لان قيرها خيالي وحسب علمي قيور هوندا الافضل من ناحية التوفير والقوة
وقيور الامريكي الاقوى ولكن بالوعة بنزين

وعلى فكرة نفس الصرفيه عندي بس مع بنزين 91 والسبب ان المكينة اكبر وعشان كذا ضغط المكينة اقل وبالتالي صرف اقل

وصرفية السوناتا جيده جدا

وايام السوناتا حقتي قارنتها مع كامري 2005 لقيت صرفية الكامري افضل بالمشي العادي بس عند الدعس والحرق تصير الكامري بالوعه وما يجمل التنك معك (قير اوتو)







مع التدعيس والحرق الصرفية جيده جدا بالنسبة لاسلوب القيادة واعتقد الصفية عندك بتكون افضل لان الوزن اخف وبيريح المكينة شوي|1|




ياهلا والله وغلا بخوييي بلا حدود

شكلك ماتعتق الموتر مافيه غير دعس ومطارح

وانا نسيت شي اسمه دعس بعد الازيرا وغير كذا سويت حادثين من اللي يحبهم قلبك وخلتني اعقل شوي

واخر مره بغيت الحم بسيارتين عند السعيرة (اذا انك تعرفها) ددسن موديل 66 وجمس موديل 43:D

كلهم جايين من اقصى اليمين وبيلفون يسار على خط سريع:eek:
وكنت ماشي 220 واضطريت اطلع عن الخط وارجعل واله على سرعتي وماشاء الله الموتر راسي وجملها معي بعد ستر الله طبعا


وبالنسبة للبنزين اعبي 91 واخليه الييييييييييين تولع اللمبه ويعطيني العداد خطوط ------- تومض


وبالنسبة للتريب وش تبغى فيه انا عندي اثنين مثل قلتهم ولا استعملهم


شباب باعتقادي السته سلندر افضل صرفيه من الاربعه على نفس البودي

ولا شرايكم؟؟

وشكرا على تفاعلكم معي وزين مافشلتوني:D

فيكتور صور مافيه |11| والسياره بالوكاله

بس ماعليك ما في امل اقرب منك حد سيارتي 530 الى 540 كيلو اذا عبيت فل

انا اشوفها صريفه والله بس موترك ماشاءالله ماعليه كلام ولا شكل سواقتك رواقه

وبعدين انت اي بنزين تعبي 91 ولا 95 <<< بدت الوسوسه

على فكره فيكتور تصدق ماعندي الا TRIP واحد !! :confused:

ولاهنت على الموضوع

والله أنـــا أوقــات موتــري يعطيني 600 كيلووو كحــد أقــصـــى
وأقــل شــي عطاني أيــاه 530 كيلووو
بــس الله يخلي التدعيـــس
يعــني مــره طلــعت من جـــده وأنـــا مـعبــي فــــل (( بنزين 91 )) ومشـــانـــي إلــيـن ما بقــى 500 كيلوو على الريــاض وكان باقــي في التانكي حول الثــلث

وأوقــات لمــا تابــع عداد الكيلوو تلقى الموتر يمشي كيلويين وتنزل كيلوو واحد من شـاشة المتبقي من البنزين إذا كان ممشاك هاديء على المكينه

بـــــآكـ .. مع التفاصيل ,

/

طبعاً بعد ما قرّب البنزين يخلص .. بس قبل ما تطلع الإشارة لأني مو معود السيارة على كذا ..

جنّبت على أقرب محطة وعبيت بنزين .. وكانت مثل اللي بالصورة



وتفاجأت بعد ما عبيتها فل بـ وقود 95 .. بسعر 31 ريال أنه أضاف 51 لتر .. [31÷0.6=51 لتر] ..

ومن المعروف ان التانكي حجمه 70 لتر .. يعني بحسبه بسيطة اللي كان موجود 19 لتر ..

يعني مع التخمين والتخيل .. بالقليل .. تمشيني إلى 530 كيلو وكثر الله خيرها ,,

* طبعاً بدون رحمة وانواع الدعس وتشغيل المكيف

/

بصراحة أجد فيها صرفية رائعة جداً ..

:)

مودتي

معليش شباب سامحوني تأخرت واجد عليكم بسبب انشغالي هالويك اند







حياك الله اخوي

اذا كان الرقم اللي ذكرت داخل المدينة فهو ممتاز جدا جدا

لان الرقم اللي طلعلي وهو 800 للتنك داخل المدينة عشان معدل السرعة كان 54 كم/س!!!!!!<<< صار شايب:D

واقل رقم طلع لي جوا المدينة كان 520 تقريبا<<<<< ايام الشباب والدعس:D

وانا معك استهلاك السيارة ممتاز جدا جدا مع حجم المكينة|1|






هلا والله بعاشق السوسو

خلاص دام انه ماعندك كمبيوتر احفظ كم كان رقم العداد يوم عبيت وكم صار لما تولع اللمبة او انتظر لنصف التنك واضربه ب2 اذا انت مستعجل

وانا بالإنتظار




اهلين وسهلين ومرحبتين

السوناتا 2004 افضل اصدار للسوناتا الى الان (بالنسبة لي) لان لها معزة خاصة |1|

وصرفية السيارة جيده وبتكون احسن لو كان قيرها افضل لانها كانت معي وضغط المكينة دايم بين 3 و4


الله يحفظها لك وصدقني ماراح تحس بقيمتها الا بعدين لما الله يرزقك بموتر ثاني والتجديد لابد منه <<<لاتفهمني غلط:)






اجل طلعت راعي مقاوم وسباقات اهااااااااا كشفتك على حقيقتك:D

ياخي تصدق اني مادري كيف فرق الصرفيه بين الـD والعادي

العادي من يوم ماشريت السيارة يمكن ماستخدمته الا مرتين او ثلاثه بس




عالعموم السوناتا السته والازيرا ماشوف بينهم فرق اللهم الوزن والخفة لصالح السوناتا|1|

ما أذكر صرفية السوناتا V6

لكن أذكر إني أستخدمها بنظامين

إقتصادي جداً + رياضي بحت

والطريقة سهلة جداً ..

في وضعية الإقتصادي أترك القير على D

وأمشي بهدوء وروقان ( أنواع الإقتصادية)

إذا شفت أحد يحارش ولا شيء طقيته على التوبترونيك

وخذ طيران ما شاء الله شوي وتقلع عن الأرض

ثم إذا إنتهت المحارش أرجعها للـD وترجع الأمور طبيعية


* صراحة أحلى حركة شفتها بحياتي في عالم السيارات *

|1|

هلا أخوي فكتور
السيارة سوناتا 2004 سعة المحرك 2.0 لتر
بنسبة لسوناتتي للأسف مافيها كبيوتر رحلات
لكن عموما اذا عبيتها فل الى الربع الاخير
وفي خط سفر + 5 ركاب + السرعة 160 = 400 كلم / متر . ( لاحظ الى الربع , يعني باقي ربع )
والصرفية من وجهة نظري جدا معقولة



أخوكم
S O S O 2 0 0 4

للأسف مع عندي كمبيوتر رحلات ..

انتظر علي .. لأني عبيت قبل اسبوع فل .. وانتظره يوصل للأخير .. واقولك كم يطلع

:)