^
اسمح لنا نشطح شوي .. دام معك فيراكروز ياليت لو تعطينا تقرير كامل عن السياره وانطباعك عنها :)
تحت امرك اخوي,
السيارة:
- فيراكروز 2008 , فل , دبل, 3.8 لتر, 260 حصان, ملاحة, هاتف بلوتوث, تشغيل تلفزيون وديفدي من الشاشة الامامية "يقفل وقت ماتمشي السيارة, وملقيت حل", مقتاح ذكي, بصمة على الباب للدخول, زينون, مقاعد كهربا للسائق والراكب, مميومري لمقعد السائق, فتحة سقف, حساسات خلفية, ثلاجة في الكونسل اللي في النص, مكيف متعدد المناطق.
السعر الرسمي:
142500 من عند الناغي - جدة
الايجابيات:
- السعر المناسب بالنسبة للمواصفات مقارنة بالسيارات الاخرى
- صرفية البنزين رائعة
- صوت المكينة هادئ
- العزم بالنسبة لي ممتاز
- فخامة التشطيبات الداخلية, وشكلها من الانواع الجيدة
- الانارة الزرقاء الداخلية, خطوة ذكية من هونداي
- الرحابة الداخلية مقارنة بحجم السيارة الخارجي, يعني ممكن في الصف الثالث, يجلسو 3 اشخاص متحاشرين
- النعومة في الطريق "كان عندي جمس 96 قبلها , فلا تلوموني"
- ماشاء الله التكيف ممتاز وتوزيعه على الصفوف الثلاثة بطريقة فعالة
- اهم شي بالنسبة لي, الصيانة, "بس لاتقولو لاحد, لي قريب قي الصيانة, ويحط عينه عليها كنها سيارتة"
السلبيات:
مع اني من المفترض ان ماخذها فل, بس في نواقص"مع اني سمعت انها موجودة عن المجدوعي والوعلان" مثل:
- الكميرا الخلفية
- حساسات امامية
- المراية الجانية لاتطوى كهربائيا
- عدم وجود دعامات فوق السيارة لوضع العفش, لانة لو خليت المقاعد الخلفية راحت عليك مساحة كبيرة في الشنطة
- عدم وجود دعسات جانبية
- كانه العزل الصوتي مش ولابد
- لاتوجد شاشة سقف خلفية, "ركبت شاشة كورية من عن محلات الزينة وادت الغرض"
خلاصة الكلام : هذه اول تجربة لي للهونداي, بس ماشاء الله الوالد واخوني كلهم مطقمين هونداي وهم يستخدمونها من مودبلات 2002 , وصراحة راحة بال , واعتمادية , وسعر مناسب وقطع غيار معقولة,
عارف اني طولت عليك, وبصراحة ماني متعود اسوي تقارير ,بس ان شاء الله اني افدتك
هذا واالله اعلم
