اسعار اكورد 2008 في الرياض+موعد العرض في الصالات

[






















كن مافيه في العالم الا هوندا وكامري والتيما ....


صحيح هي سيارة رائعة ومن الافضل في فئتها


بس بصراحة ماتستاهل كل هالقيمة

الهوندا الـ2003 اول مانزلت كانت ب65 سياحية
وموديل 2007 نفس الفئة _سياحي_ ب72500


ليه زادو فيها 7500 ؟


بسبب الزبائن اللي ماعنده مشكلة يزود الف الفين بس يشتري السيارة ..والوكيل يستانس

هذا جهل مننا ..

صرنا نتوقع الزيادة في كل لحظة ..


من رايي اصرفو النظر عن الهوندا الين يتعدل سعرها |3|



واحد البدائل ( سوبارو ليجاسي)

للمعلوميه يا اخ Black Arrow

انا عضو بهوندا اريبيا ونيسان اريبيا ومنتدى السيارات ونادي السيارات

وتويوتا العرب وما اكتب موضوع الا احطه بكل المنتديات ومشكور على اهتمامك

واذا منت مصدق وش تبي ارد ردين بنفس الوقت والا اي شي تبغاه انا اسويه علشان تصدق

السلام عليكم ورحمة الله وبركاته
اتوقع ان صاحبنا هو الاول في الطرح يرجى النظر الى وقت الكتابه هنا وفي الرابط وانت الحكم . وشكرا على العموم للجميع

عزوز يعطيك الف عافيــه يا البـــي انشاء الله اول من يشتريهــآ انــآخخخخخخخخخخخخخخخ
وربي ماتدري وش كثرمنتظر هالاسعار وربي دخت و لفيت الوكالات كلها محدن يبي يعلمنــي
بس و الله اسعارها مناسبة < ماكنت متوقع انها راح تكون كذا مره <<كنت متوقع ان السياحيه ماراح تقل عن 80 الف

يعطيك الف عافيه عزوز < تقبل تحياتــي

ودمت بود

, والله الاسعار معقوله

انا امس شفتها محمله في شاحنة متجهه الرياض

مشكور أخي على الأسعار

يؤؤؤؤؤؤؤؤؤؤؤؤؤؤؤؤؤؤؤؤ


الالتيما ماتعيش..؟


اللي عندي اطلع فيها للبر طلعات اكثر من الوانيتات وهي 2005 وللحين تضحكلي وتقول عطني اكثر

وصديقي 2007 فل كامل وهي ماشيه 300 كيلو جاب عليها 220 ولا قالت شئ

يمكن اللي تعرفه انت صفق فيها جدار ومايبيها تتطعج <<اقول يمكن علشان كذا ماعاشت معه

وماعليش الالتيما افضل من الاكورد بكثييييير

وكلامي مو تقليل من الاكورد

بالعكس الاكورد سياره ممتازه واللي ماياخذ الاتليما يتجه للاكورد

سلملم

السلام عليكم


1/ بصمه

2/ start engine

3/ بلوتوث

4/ التحكم من الدركسون لـ (( المسجل , وتثبيت السرعه , والبلوتوث ))

5/ 9 سماعات

6/ قير جديد cvt transmision

7/ توب ترونيك

8/ قياس ضغط الإطارات

9/ حساسات خلفيه

10/ محرك أفضل عشر محركات في العالم " ولأكثر من 12 سنه "

11/ أفضل سياره أمان في فئتها وأخذت النجوم الخمسه في معايير السلامه

12/ فتحه I pod

13 / مكيف منفصل للسائق والراكب

14/ شكل " أجمل هيكل عام 2007 في فئتها ..

15/ حائزه على جائزه رضى العميل في أمريكا عام (( 2007 ))

16/ مسجل أساسي

17/ سي دي 6 سيديات

18/ جناح


وكل هذا بقيمه 83 ألف ريال ...

أحضر لي نصف هذه المواصفات وقارنها كمواصفات في الألتيما ...



ليس موضوعنا موضوع الألتيما ...


.........................................

بس إن كانت هذه أسعار الأكورد الجديده فهي معقوله جداً أكثر مما سبق ...

رغم أن الفُل 4 سلندر 2007 كان بقيمه 86

فكيف زاد فقط ألفين ريال ...

على العموم كلها يومين إن شاء الله ...


تحيتي

^^^^^^^^^^^

لا تدقق

صادوه ! ! !

انا اقول الله يعطيك العافية

بس صاحب الموضوع كاتب لا تنقل الموضوع الا باستئذان او تكتب المصدر

منتديات هوندا ارابيا
http://www.hondaarabia.com/club/thread5731.html

أولاً مشكور على الموضوع وإن شاء الله تكون الأسعار حقيقية لأن البعض يقول إن سعر الفل حوالي 94 ألف ..

ثانياً إذا كنت معجب بالأكورد ما يعني إنك تقلل من السيارات الأخرى مثل الألتيما وغيرها ، خاصة وإن الألتيما اللي تتكلم عليها تتفوق على الأكورد في بعض الأشياء اللي المفترض تكون أساسية بسيارة تحمل شعار الفخامة اليابانية هوندا( البصمة ، البلوتوث ، الحساسات ، الزينون ... ألخ ) ..

رحوا المعارض وشوفوا بكم الاتلتيما الحين بلاااااااااااااااااااش سعرها مره

وفرق هوندا ونيسان وانا الصراحه محتار ابغى اكورد وابوي يقول خذ التيما فل سعرها مناسب

الله يعطيك العافيه بس مو صحيح اللي يقول ان الالتيما ماتعيش بالعكس سيارات نيسان معروفه بقوتها ومدى تحملها وغلطان ايضا اللي يقول ان سعرها يطيح بعد البيع نيسان افضل من الهوندا مابعد البيع وهذا شي معروف ومن ناحية المواصفات بالنسبه للالتيما 2008 افضل اما الاكورد اللي اعرف مافي شي جديد بالمواصفات ولا احد يزعل هذي وجهات نظر والله يعطيكم العافية

اما الالتيما ماتعيش :) ناظر العالم كارفينها كرف .. وفوق هذا كله نادر تلقى واحد معه التيما ماركب اقل شي فلتر رياضي . .:) وللحين ماشاء الله
سيارات نيسان معروف عنها انها تعيش ولمدة طويله وخاصه مكاينها بعد :)

والشي الثالث رغم حبي للأكورد .. بس ترى مواصفات الألتيما أفضل من الأكورد بمراحل :)
وأعتقد موضوع المواصفات محسوم للألتيمـا..

تذكرون اول مانزلت الاكورد سنة 2003 ...

السياحي كان 60.500 وبعد نفاذ اول دفعه ارتفع سعرها الى 67000 ريال ...

واعتقد نفس السياسه ستطبق مع الاكورد الجديده ..