السلام عليكم ورحمة الله وبركاته..
اخواني الاعضاء..
ابارك لنفسي انضمامي لصرحكم الشامخ الغني بالمعلومات الشاملة والكافية لجميع السيارات ..
لدي مشكلة ( عويصة ) تتمثل في شرائي سيارة كابرس LTZ 2004 مستعمله من شركة اوتوستار قبل سنة وست اشهر بالضبط..
المشكلة يا اخوان ان السيارة اول ما اخذتها كانت ممتازة جدا هدوء وعملانية ماشاء الله ..
بعد فتره ما تجاوزت اربع اشهر بدت المشاكل تظهر!
الآن مضى على مشكلتي اكثر من ست اشهر..
المشكلة هي رجه في السيارة عند التشغيل تسمتمر لدقيقة او دقيقتين ومن ثم تختفي وعند المشي تظهر بشكل خفيف..
ماخليت ورشه الا رحتها لدرجة اني فحصتها كمبيوتر عند المشعل واليرموك والعضيب وكل واحد اعطاني سبب للمشكلة تختلف عن الي قبله !!
بصراحه تعبت واتعبتني كثير لدرجة اني كرهتها وصرت ما اطيق اركبها,,
في البداية تقرير المشعل قال سوي لها تصفية ماكينة واعادة برمجه وهي تضبط..
سويت مثل ما قال بالضبط والمشكله مازالت مستمره..
تقرير العضيب قال عندك سلندر ضارب + نقص في ضغط الهواء حق الماكينه..
طبعاً عطيته اشكل لان مجرد التفكير في فك الماكينه امر كان مستبعد عندي ..
تقرير اليرموك قال عندك مشكلة في صوفة زيت الماكينة ( نسيت اسمها ) عطلانه وبسببها ما يرتفع الزيت للماكينه وتشتغل السلندرات بزيت قليل وهذا سبب الرجة وعشان تحلها لازم تغير هالصوفة..
غيرت الصوفة مثل ما قال والحمد لله خفت كثير الرجة لاكن مازالت مستمره بشكل خفيف..
الآن انا ساحب عليها سحبة واحد طفش منها ماعاد التفت لاي صوت او خراب بس اشغل وامشي وبصراحه السيارة اذا كان لها ميزة فهي ميزة شغل وامشي مهما كان الخراب..
** مشكلة ثانية وهي ارتفاع صوت المحرك بشكل اكبر من اي سيارة بنفس الفئة والموديل!!
بالاضافة الى صوت طالع من اسبوع يشبه صوت بوري السفينه !!!!!!
كان يوم اغبر يوم طلعتها لكن الحمد لله على كل حال كل شئ قسمة ونصيب..
الآن انا متوهق ماعاد اثق في اي ورشه ..
رحت للوكالة العيسى قال عشان تصلح سيارتك يبغالك 15 الف.. تخيلو !!!!
السيارة للأسف ايجار منتهي بالتمليك باقي في عقدها سنتين ونص .. انا اتمنى اني القى حل من ثلاثة..
تصليح السيارة بمبلغ يتناسب وقدرتي المالية عند ورشه لها خبرة وباع في مشاكل الامريكي والكابرس بشكل خاص أو القى لها بيعة من خلال احلال عميل بإسمه بدل اسمي في الشركة ويكمل اقساطها ..
او حل ثالث وهو تكييش السيارة بمعنى ارجاعها للشركة ودفع قيمة الارباح والتأمين وهو ما يعادل 14000 الف في حالتي..
اتمنى من اي شخص له خبرة في حل مشاكل الكوابرس خااااااااصة انه يساعدني او يدلني على شخص او يعطيني حل مقنع ..
** ملاحظة السيارة مواصفات كويتية وجاية من الكويت.. من الاختلافات بينها وبين السعودية ان التانكي حق البنزين سعته 45 لتر فقط ( تيرسل من القهر ) طبعا لان الخليج كله تفره بنص تانكي عشان كذا ما كبروه لهم..! **
والمعذرة على الإطالة ..
فيصل
