عندي مشكلة في كابريس 2001 LTZ

مشكوووووورين ما قصرتم ... انا انشاء الله اوديها للورشة و اصلحها بس الحين عرفت شصلح بالضبط عشان محد يلعب علي من هذول اللي بالورش .. و اكرر جزيل الشكر لكم ....

السلا م عليكم
اخوي انا عندي ورشه وعندي كمبيوتر

متى ماحبيت افحصها وبرمجها لك انا حاضر

بالنسبة لعلامة SRS هذي تحتاج لاعادة برمجة بالكمبيوتر وماتكلفك شي ان شاء الله لانها تحتاج الى Reset فقط وماتاخذ اكثر من خمس دقايق لاعمل ال Reset

بالنسبة للعلامة الاخرى اللي انت تكلمت عنها واللي موقعها يكون تحت امبير الحرارة ولونها برتقالي فهذه تعني ان السيارة تحتاج لسيرفس ولاكن في اغلب الاحيان (مثل ما حصل معي) تكون السيارة ماتحتاج سيرفس ولاكن العلامة خربانة وتحتاج فقط الى تبديل هذه العلامة وتكلفك تقريبا 100-150 ريال مع التركيب.

يالغالي المشكله هذي بسيطه وهي في الكمبيوتر الخاص في السيارة كانت عندي نفس المشكله

وزياده على لمبتك كان لمبت التشيك الي على شكل مكينه شغاله على طول

تروح اي محل محتص في الكمبيوتر ويسوي برمجه فقط وبعدها تنحل المشكله

مع العلم قيمة البرمجه 400 ريال لدى مركزعبدالرحمن الجميح في الصناعيه القديمه بالرياض

وتحياتي لك

اهلا عزيزي بالنسبة للمبة الرديتر فهي الغالب انها حساس من كلامك ان الحرارة على النص وموية الرديتر مو ناقصة .... من سابق خبرة اقولك الكلام ايام كابريس 2002 ltz >>>>

مشكورين اخواني ما قصرتم الله لا يهينكم و لا يريكم مكروه في سياراتكم .. عز الله اليوم ذبحتني السيارة ولعت لي لمبه جديده و هي لمبة البطارية المهم اني ما اعطيتها اهتمام كل شوي تولع لي لمبه في الطبلون و طفت علي و بهذلتني قاعد بأشتراكي استنى احد يوقف لي الله المستعان المهم رحت وديتها كهربائي و قالي لي الدينامو عندك فيه مشكله و على توقعات الكهربائي يقول يمكن تكلفك 1000 ريال و الله يعين دعواتكم يا شباب ....

الاخ العزيز
بالنسبة للسيارات الامريكية كلها كذا ، يعني بعد ما يمر عليها 5 سنوات وزيادة ، تبدا انوارها تولع وتطفا ،، لمبة موية راديتر ، لمبة تشيك انجن ، وانت رايح .....
بصراحه وبكل احترام ، السيارات الامريكية ماتفيدك بمكمن الخلل ، وإن طلعت إشارة ماتكون دقيقة .. مافيه زي الالماني .. اذا طلعت لمبة يعني خلاص فيه مشكلة مستحيل تطفى.
انا خويي كانت والعه عنده تشيك انجن ... قام ودعس عليها دعسة قوية ..... راحت الإشارة ؟؟؟ يعني خرابييط الحساسات والسيستم تبعها
زي ماقالو لك الاخوان .. لا تشيل همها خصوصا وان الحرارة عندك موب مرتفعه.

على فكرة مو انت الوحيد الي تشتكي من هالمشكلة ...

خويي عنده لومينا ss 2002 نفس المشكلة بس مو معطيها اي اهتمام ...

ابي فزعتكم يالربع تكفووووووووووووووون اخوي لومينا ما قصر لكن اذا كان لها حل ثاني تكفون ابي فزعتكم هذا و انا ما كملت المشاكل اللي فيها اجل لو كملت محد بيرد خير شر .... على العموم اتمنى الرد سريعاً و جزاكم الله خير الجزاء ..