السلام وعليكم ورحمه الله وبركاته وبعد
اولا اعتذر لجميع عن الانقطاع وذلك بسبب اني بعت السياره وشريت بي ام دبليو
المهم انا في هذا الموضوع باعرض لك التجربه مع الاوبل وراح افيدكم في شغلات باذن الله
1. نبدأ بالشغله الاهم وهي كمبرسور السياره و كثير منكم سأل عن المكيف وانا بعد بحث طويل وجدت الاجابه لان المكيف خرب عندي و دورت التشليح ومالقيت و كنت قد كتبت سابقا عن مكيف يركب فيها
المفاجاه اللى راح تعرفوها ان مكيف الابيكا موديل 2004 و 2005 و 2006 يركب على الاوبل ويبرد اكثر من حق الاوبل و عملي وقليل الخراب لان مكيف الاوبل اوميغا دايم يهرب فريون اذا قرب يخرب
المهم مكيف الابيكا يركب على الاوبل اوميغا 2000 و 2001 و 2002 و 2003 من واقع تجربه
طبعا صناعته كوري
اذا تبي تركب جديد خذ المكيف القديم وروح لمحل اسمه أقاصي البحار في الصناعيه القديمه عنده جميع عدد و قطع غيار المكيفات للسياره كل ما في بالك وراح تلقى المكيف جديد بقيمه 850
اما مكيف الابيكا فانا شريته من التشليح بمبلغ 500 ريال رغم ان اكثر التشليح يبيعوه ب 800 تقريبا
التشليح اللى يبيعه ب 500 يجيك على الجهه اليمنى اول ما تدخل الشارع الرئيسي حق التشليح
2. جلد المقصات و القطع الاخرى انصح انك تشتريها من محل اسمه عالم القطع في الشرقيه وقد كتب احد الاخوان رقمه لانه من واقع تجربه وجدت ان سعر جلد المقصات طقم في الوكاله بما يقارب 500 ريال وبينما في المحل المذكور قيمتها 230 ريا والشحن عليك 10 ريال والصناعه ايطالي انا جربته و عملي جدا
3. مسامير عمود توازن سعرها بالوكاله ب 500 ريال الاثنين بعد الخصم بينما عن محل عالم القطع بمبلغ 100 لكل واحد والصناعه ايطالي
وفقكم الله وانا في الخدمه خلال هذا الاسبوع
