هل البنوك اقل فائدة بالتقسيط ام شركات التقسيط ؟ وكم تلك الفائدة

انسب حل انك تاخذ قرض من البنك ..
لانه راح تكون نسبة الربح مخفضه جدا

السياره راح تكون باسمك وقت ماتبي تبيعها لاي سبب كان و بلا تفويض وخرابيط وبلا التسديد كل نهاية شهر عند شركات التقسيط


وفوق هذا خل المبلغ الكاش لاي استثمار يعجبك وعندك ..


بالنسبة للبنوك انا افضل الراجحي لانه اسلامي ميه بالميه

اقل فائدة بنك العربي ثم بنك سامبا واذا قررت تاخذ منهم شدد على ان القرض اسلامي وليس ربوي لان هالبنكين عندهم بعض القروض الربويه ...

ابعد عن البنك الهولندي صحيح فائدته قليله لكن الي اخذوه ندموا منه نصابين مررره ...

والسياره ماهي خسارة لان فيه ناس يقولون احنا ضد اني احط مبلغ كثير في سياره جديده وتحصله يشتري سياره مش حالك ثم تذبحه شهريا بالصيانه كانه يقسط لكن خسران وقته وفولوسه ومع ذلك ماوفر ولا ركب موتر عدل



واهم شي ابعد عن نظام التاجير المنتهي بالتمليك حق الوكالات خاصة تويوتا لانه غالي زمبالغ فيه

والبنوك عندها نظام التاجير النتهي بالوعد بالتملك المجاز شررعا افضل منه واقل فائدة خاصة الراجحي افضلهم واقلهم فائدة وافضلهم تعامل ..



والله يوفقك