أنا مستغرب. السيارة عندكم أرخص من الإمارات؟
بالإمارات سعرها إما 111 أو 122 ألف درهم. والفرق بين النوعين هو فقط شوية كروم على الأطراف.
الوارد الأمريكي يختلف سعره حسب المميزات، لكنه عموماً أغلى من المواصفات الخليجية.
والله كنت حاط في بالي هالسيارة ومنتظر جبتها على الخليج، لكن الموديلات يلي جت الخليج كلها بلاستيك وما فيها أي مميزات!
أنا بعد أنصح الأخ باللون الأبيض... لأنه يظهر الفرق بين الجسم المعدني والزيادات المحيطية السوداء... ويعطي السيارة مظهر رياضي.
كمان اللون الأبيض يخلي السيارة تظهر كأنها أكبر... والـ FJ حاجة لمثل هيك شي لأنها نسبياً صغيرة.
من ناحيتي أنا راح انتظر special package على شان المميزات العالية حتى لو كان أغلى. بصراحة ما أقدر اشتريها فاضية بدون شي.
وإذا ما نزل موديل أحسن يمكن أشتري Hummer H3 مكانها.
والله أخوي أنا ملاحظ أن أغلب السيارات عندنا في السعودية أرخص من بقية دول الخليج وأعتقد فيه سببين لذلك
1- أن المواصفات عندنا أقل من الأخرين.
2- الكمية الي تستهلكها السعودية من سيارة معينة أكثر من الدول البقية وهذا يعطي للشركة الأم بأعطاء تخفيض للسيارة لمن يطلب كمية أكبر هذا واحد من أحد الي يشتغلون في الوكالات قالها لي.
هي كلها من الداخل ديكورها زي ما تقول بلاستك ما يوجد فيها ولا قطعة خشب أو فخامة السيارة مثل ما تقول بطبع الشبابي وهي مصممة للرحلات الأستكشافية لذلك لا تستغرب من شكل الديكور
وبخصوص النوع الثاني الي تتكلم عنه الي هو سبيشل أيديشن نوع TRD ترى ما يفرق من الداخل إلا في الأستكر فقط! ومن الخارج يختلف الجنوط والتندة تجي سوداء وهو يجي لون واحد بس أسود ويجي فيه تعدلات خفيفة مثل فلتر رياضي K&N مع دبة رياضية
على فكرة هذا النوع حسب علمي مخصص فقط لأمريكا ولا في أحتمالية ينزل عندنا بشكل رسمي إلا كطلبية خاصة من الي يقدر يجيبه وليس من قبل الوكيل
أخوك أبــــــــوأســـــــد|3|
