امبالا ss 2010 الأمريكية بتصميم هولدن كابرس .. أخييييرا سنراها في امريكا !!

MAC

كلامك صحيح يالغلا انا شفت الحلقه اللي في اوبرا وكانت كابريس لونها عنابي على ما اعتقد وكانت اس اس اذا ماخاب ظني

عموما انا لا الوم الامريكيون اذا زعلو بسبب عدم نزول الكابريس عندهم
لانه بصراحه سياره تستحق الاقتناااء وسياره مقارنه بسعرهاااا

رائعه


إي والله صحيح ... ونفس اللون ووقتها والله ذبحني الكابريس فخم فعلا

وأزيدك جاء في مسلسل أمريكي...........

وفقك الله

MAC

كلامك صحيح يالغلا انا شفت الحلقه اللي في اوبرا وكانت كابريس لونها عنابي على ما اعتقد وكانت اس اس اذا ماخاب ظني

عموما انا لا الوم الامريكيون اذا زعلو بسبب عدم نزول الكابريس عندهم
لانه بصراحه سياره تستحق الاقتناااء وسياره مقارنه بسعرهاااا

رائعه




تحياتي

يا جماعة الكابريس موجود بأمريكا موديل 2007

وأنا شفت برنامج في ال ام بي سي 4 مع أوبرا

ولفت جميع الولايات ولكن اسمه امبالا

خطوطا قويه من جنرال موتورز

وإسكات لكل من يتعذر بأن الكابريس لم تدخل امريا بسبب مواصفات الامان

^^^اخوي لاتقارن سياره قديمه بالجديده!!!! لو انه سياره هولدن كانت موجوده ع ايام كابرس بو موديل 80 اتحداك انه اذا احد شرائها... كله حديده ومكينه وجير لاشكل ولاامان ولاسلامه ولاسرعه وتصدم في خلق الله وتموتهم ان كانت سيارتهم تويوتا لو بكيفي كان منعت موديلاات تحت 90 من دخول البلد..

يالغالي ابقولك شي

الكابرس الامريكي بموديل الـ 73 خلنا نقول هالموديل

شفه عايش تقريباً 36 سنه!!!!

موتري موديل 79 عايش 28 سنه وش تبي اكثر من كذا!!!!

تقولي فيه خرابات ابقولك خرابات ماغلطت لكن موتر بعد 28 سنه يخرب عليك وش احلى من كذا

احسن من سياره تشتريها وكاله وتخرب عليك بنفس السنه ولا بعدها!!

بتقول اعرف واحد سيارته شاريه من كم سنه ابقولك صح صدقت

بس كم واحد سيارته تمام معه !!

تعدهم على الاصابع

لاتتضايق من كلامي ونا اخوك

شكراً لك |3|

الصراحة كان قرار جيد من جنرال موتورز انها تصنع الكابرس و اللومينا بأستراليا

لانه اكيد كان صارت حالتها حال السيارات الأمريكية البقية

اللي تقريبا جودتها قلت جدا

مع العلم اني اكبر عاشق للأمريكي (القديم)

ياجماعة بس كلمة واحدة تكفي في حق الكابريس الخارق ((هولدن))

ياجماعة انا بقول كلمة يقولها دايم اخوي التيما التيما الله يذكره بالخير

نحن نخاطب العقل لانخاطب العاطفة
ياخوي ماتشوف وش قد صنعت الكابريس الامريكي الشكل القديم وكم بقي منه الى الان
اتحدى واحد عنده كابريس امريكي مايعرف اصحاب الورش كلهم بالاسم بعد

انا ما أنكر ان السيارة بأيامها كانت بهذيك المكانة لكن الآن ...........وبالقفزة القوية في عالم التطور((انطمة الامان، الانطمة السمعية، التقنيات الي تحتويها السيارة)) لامكان لما يسمى الكابريس الامريكي

وبعدين مافيه سيارة في العالم ماتخرب ولا تقولي محافظ عليها

المحافظة مو على البودي المحافظة على صيانة السيارة باستمرار وتغيير جميع القطع الاستهلاكية بانتظام ولو انها دايووو مابتخرب


اخيرا واختم كلامي يكفي فخر للكابريس 2007 حصوله على جائزة افضل سيارة فخمة عام 2007 وتفوقها على كل من فولفو s80 ولكزس es350
^^^ مصدر الكلام مجلة اوتو كار الشهيرة
وهذا الكلام قرأته من فترة في جريدة الرياض ،،،

والي يقول ان الامريكان ماقبلو يدخلون السيارة عشان نظام الامان
ارد واقول هذا الكلام مجرد هذي منهم ويمشونه على انفسهم فقط
والصحيح انها سياسة تسويقية بحتة لتصريف السيارات الامريكية الي طايحة في كبودهم ،،،

ماحد ينكر التطور الي قاعده تعيشه كل من الشركتين هولدن وهيونداي الكورية

وبصراحة كل من الشركتين تطرح لنا سيارات بمواصفات جبارة وأسعار مغرية


ادري طولت الموضوع مع ان باقي عندي تفاصيل بذكرها لكن اعتقد الي ذكرته ^^^ كافي


*** تعليق خارج المووضوع : الاخوان المشرفين في هذا القسم اكفاء بصراحة والحق يقال انا ماشوف موضوع يغلق الا اذا صار هناك نقاشات حادة دون هدف

بس الي قاهرني ليه تتسكر المواضيع القديمة ؟؟؟؟؟؟؟؟؟؟
يعني بعض الاحيان القى موضوع و يكون بخاطري اسأل سؤال القاه موضوع والسبب قديم


تحياتي للجميع ،،،

اخي العزيز
ابن عمتي في امريكا
وكان هنا قبل تقريب ثلاث او اربع شهور
وقاللي بان الكابرس الاخيرة اللي عندنا نزلت عندهم وانه متوقع لها هناك نجاح باهر وكانت ضمن تجربة قيادة في الشركة وقاللي انه راح يحاول يروح يجربها لو قدر الله لو
وانا قبل شهر تقريبا شفت في موقع كار دومين صور لامبالا 2006 او 2007 ماني متاكد هي نفس الكابرس اللي عندنا مع اختلا ف بسيط ان ماكنت غلطان
فماني داري ايش قصة هالخبر ان كان فعلا 2010 بتكون اول نسخة
نورني رجاء

^^^^^ انا اعرف 3 اشخاص عندهم فورد كلا مبتلشين فيه بالخرابات وكل يوم وبالورش وهو فوق موديل 2000!!! وانا استغرب هنا بالمنتدى يمدحون فيه!!

اخوي انا ماجربته

لكن ربعي مجربينه ومستخدمينه والله العظيم اعرف واحد شرى الكابرس مايكمل اسبوع الا وهو بالورشه

اركب معه القى بالشاشه خراب رديتر مدري وشو

طبعاً اس اس

وواحد ثاني شاريه وكاااااااااااااله على يده والولد والله مب راعي تدعيس وعااااااقل

شوي خرب القير عليه ليه وش السبب..!!! مجهول..!!

وواحد ثالث معه ال اس بالصدفه قابلته بالصناعيه يقول حرااااااااااره ومتى بالليل!!!!

لكن ماجربته ومافكرت والله

لكن ابقولك شي الموتر شكل وداخليه والله حلوه جداً خصوصاً 2007

وعزم اشهد له بالعزم والله ومتأكد اقوى من الامبالا الامريكي

لكن وش ابي بموتر قوي جداً ويخرب علي ويهبل بي!!

لو جاني 2007 ولا موديل 73 اباخذ 73 انا اشوف انه احلى واجمل وسياره عاشت 32 سنه تقريباً

(وجهة نظر)

لكن لو جابو الكابرس الجديد على انه هولدن ووكالة هولدن زي الاوبل جايه بشعار اوبل وهي تابعه لجنرال موترز يكون افضل

فقط

شكراً لكم

مرحبا بالجميع , يا جماعه وش صاير في غيابي؟؟؟

انا بأعلق بعض التعليقات السريعه :

فيصل بن محمد : وكيف عرفت انني لا اريد ان يتكلم الاخ سلفستر عني؟؟؟ الاخ سلفستر وأمام الجميع له الحق انه يتكلم بأسمي وهو ليس الوحيد على فكره الي يتسآآئل عن اسباب حذف مشاركاتي وردودي , بل وصلتني اكثر من 10 اعضاء يتسائلون عن ذلك بل وأصروا ان اخاطب السيد محمد (المدير التنفيذي) ولكن انا قصرت الشر . فأرجوا منك انك تتقبل جميع الاراء والملاحضات بصدر رحب فأنت بشر تخطأ كسائر الناس ومو عشان الخبر ماعجبك انك تتهجم على ضيوف موضوعي
ارجوا انك تتقبل هالنقد فأنت مشرف وتخضع لتقييم الاعضاء.

اما فيما يتعلق بموضوعي : فلاحظت ان الكثيرين من الاعضاء ملتبس عليهم الخبر بالرغم من وضوووووحه وضوح الشمس , المقصود ياجماعه ان الامبالا الي يصنع في امريكا سيتوقف بسبب كره الناس له وبسبب عدم الطلب عليه وستستبدل شركة شفرولية الشكل الحالي من امبالا بشكل الكابرس من هولدن وهذا دليل على كثرة الطلب على سيارات الهولدن كابريس , وهالكلام راح يكون ابتدآء من 2010 يعني الكابرس راح يرجع لأمريكا من جديد وراح يلغي الامبالا , وعلى فكره اكثر من منتدى امريكي عندما شافوا لكابرس الي يجي عندنا وعرفوا بالمواصفات الي فيه انهبلوا وقالوا احنا كأمريكيين أولى من باقي شعوب العالم بهالسياره وبدأت مراسلة الشركه الام لطرحها في امريكا وكندا

MR GMC : بأسألك بالله هل في عمرك قد استعملت الكابرس الجديد ؟؟؟ والا كلام الناس كالعاده ؟ ارجوا ان تقول الحقيقه .

ملاحظه : لاحظت ان بعض الاعضاء والمشرفين يبدو ان الخبر ما أعجبهم والا ضاقت صدورهم وبالتالي شاهدنا ردودهم . والا انا غلطان ؟؟؟

ارجوا عدم اغلاق الموضوع كالعاده او حذف المشاركات , اذا كان فيه ملاحظات من المشرفين ماعليهم سوا مراسلتي بالملاحضات وانا ابحث معهم هالشي بالحواار .
شكرا

اصبر اصبر

قصدك بيوقفون الامبالا في امريكا ويجيبون الكابرس بداله الخروف الاسترالي!!

وقسم مايستاهلون هالسياره العريقه:mad:

وعليكم السلام ورحمة الله وبركاته

السلام عليكم

اخ سلفستر.....الوضوح افضل من الالغاز حتى نستطيع ان نجيب على تساولاتك عن الاغلاق

او حذف بعض المشاركات ونحن على اطلاع تام بما يدور في القسم الامريكي ولكن دائما نتيح

مبدا الفرصه لإصلاح بعض الاخطاء الوارده من قبل العضو نفسه قبل ان يتم ذلك رسميا

واتمنى من صاحب الموضوع ان يكتب بنفسه ويخاطبنا اذا كان هناك مايدعو للتسأول عن

حذف او اغلاق وسنجيبه على كل استفسارته ..


واتمنى كذلك ان تكتب مايخصك فقط اذا كان لديك اي مشكله تخص احد مواضيعك

او مشاركاتك حتى نكون على بينه وعدم اللجوء الى كتابة مثل هذه الامور في احد المواضيع

العامه والتي تخص العضو الاخر وتستطيع ان تراسل المشرف المسؤل عن القسم عن طريق

الرسائل الخاصه لكي تتم الاجابه على جميع تسأولاتك


والله الموفق وشهر مبارك علينا وعليكم

أخوي تراك فهمت غلط

يعيني

الخبر مقصده

إنه يتم إيقاف الإمبالا

وطرح الخروف الإسترالي

صراحة الخروووف أحلى من الأمريكي -(دجاجه منتوفه )

عشان كذا راح يطرح و أنا أحس إنه لو طرح بإمريكا راح ياكل الجوو صح

والسلام عليكم ورحمة الله وبركاته

وووووووووالله ششششششششششششيييييييييييييييي حلووووووووووووووو

أخيراً بنشوف الامريكيه الاصليه في شوارعنا والله ولا احلى ونفتك من الخروف الاسترالي

ياخي هذي الاخبار ول بلاش

يعطيك الف الف عافيه يالغالي وشكراً لك على خبرك الحلوو

تقبل تحيتي

.
.
.
شكرا اخي الكريم على الخبر المفرح لعشاق السيارة

و يا الله نعيش لـ 2010 ونشوف الامبالا في شوارعنا الخليجية