باجيرو مغرز في هافمون

ما شاء الله خوش مقاطع

اجل شلون ال 3800 إذا تجاربك كلها على 3000 يالبنشري
اكيد ال 3800 داهيه


يعطيك العافيه

والله وسواها البنشري

موضوع سحب فيه كل اعضاء المنتدى

لنا الشرف بيكم جميعا والله وياليتك كنت موجود يالخل الوفي

عشان تغرز

واسحبك

بونشك

خخخخخخخخخخخخخ

والله امزح

مشاء الله تبارك الرحمن الله يبارك لك في الموترك

شفت جميع الروابط والله يأخي البايجيرو فرد عظلات بشكل قوي جداً

ماشاء الله بس روووووووووووعة

:D الله يهديك يأخوي أبرهيم أجل لاتقولي تويوتا ولاكلام فاضي :D

وينك يالخل الوافي تسمع >>>>>>>>>> والله الشيطان يبغى يولعها

لا يجماعة حبينا نمزح معاكم بس

الله يبارك لكلً في موتره

أخوكم أبو أنس

.
.
.
ماشاء الله تبارك الله
شفت مقطع الطلوع من التغريزة
وشفت مقطع التسييف
والثالث لم يعمل الرابط

ماشاء الله تبارك الله ,,,

والله يعطيك خيره ويكفيك شره

الأخ البنشري

بارك الله فيك.... و أشكرك على الموضوع

السلام عليكم

لايكون التغريز الي كنت بتبي تغرز فيه الباث:)

يا البنشري، لو قابلتك بأحطك في تغريزة في الهافمون أتحداك تطلع منها بدون الونش حقي :D

قلت لك اخوي البنشري لا تغرس بس هع

بس تغريزتك عاديه

اي نسيت انك مغرس عمدا

بس اكيد انك استانست ذاك اليوم في الهافموووووون

والله ودي اروح هناك !! شوقتني الصراحه

برتب لي روحه هناك

وان شاء الله احصلك هناك ههههه

ومشكور على الصور الجميله

تحيتي لك

تصدقون يالربع، كنت في الشرقية! لكن هذي المرة فقط ما رحت لأن كان عندنا ضيوف! والله نفسي كانت تحدثني أجي، لكن الله ما كتب أشوف الوجيه الطيبة.

والله اللاند الربع جيب لا يعلى عليه! أنا من كم أسبوع مريت في عز القايلة على الهافمون، ولقيت جمس سوبر بان 2500 دفرنسين مغرز. جيت أبغى أسحبه وإذا بالمنطقة رملها مفلوت جداً وصعب علي إني أقرب منه (طبعاً ما كان عندي وقت أنسم الكفرات). جاء راعي ربع، وفي الظهرية والحرارة يمكن 55 درجة تحت الشمس، وشبك مع الجمس وطلعه. نعم، بصعوبة شوي، لكن برغم وزن الجمس الهائل وصغر الربع وجفاف الرمل الشديد، والله طلعه! والتغريزة كانت شييينة. راعي الربع ما خلالي فرصة أساعد راعي الجمس، لكن أنا ما صدقت واحد يسويها عني، خصوصاً مع الحرارة الرهيبة.

اتفق معك اخي محب الشاص في اغلب كلامك

وان شاء الله الجايات اكثر يارب

الله يسلمك اخوي البنشري ويجزيك الف خير على الدعوه الطيبه

imoafa والله ياخوي اسمحلي بس ترى انا احيان افهّي و يمر من جنبي اخوي ولا ادري عنّه خلك عاد عن موترك اللي ما شوف الى صوره في المنتدى وانا الصراحة كنت مركز ادور باجيرو والصراحة انها قليله جدا في الهافمون وتعبت وانا ادور و سحبت لي هايلكس عل الماشي وما كان همي التطعيس ذاك اليوم ولكن طعسنا لازم عاد ما يصير تروح هافمون ما تطعس. بالنسبة للشروكي فهو سيارة قوة وتحمل واداء رياضي سواء في البر او على الإسفلت وانا حقيقة لا اشغل الدبل ليس فلسفه واستهزاء بل فعلا لعدم الحاجه له نهائيا و الحاجه الأخرى ان الموتر عندي يصخن إذا شغلت الدبل . مشكلة الشيروكي هي فقط عند السحب لسببين
1- خفة وزنه وهذا يجعل منه ونش مثبت في السياره المراد سحبها و يغرز على طول وهذا يحدث عند سحب سيارة ثقيلة مثل السوبر و اللاند و الارمادا وبعض السيارات اللي قد تعتبر خفيفة نوعا ما ولكن ناشبه للشاصي
2- مكينته هي فقط 190 حصان ولو حصل ان فيه واحد مركب هدرز وفلتر رياضي وووو تحصل السيارة قوتها 200 حصان وعزم الدوران تقريبا 25 كجم فقط فهي سيارة اداء رياضي بحت وليست ونش متنقل!!
بالنسبه للتويوتا فاعتقد انها تمتلك افضل سيارة للبر حاليا وهي لاندكروزر الربع (والله انه مجنون) والشاص وبالنسبه للنيسان فاعتقد ان عندهم افضل سياره بر حجم كبير وهي الباترول وهي الأفضل بلا منازعة
رأيي الشخصي ان شركة جيب لن تصنع ولم تصنع سيارة افضل واقوى وشبابية و رياضية و شكل جميل افضل من الشيروكي موديل 95-2001 كما انه ليس هنا شركة في العالم حققت هذه المعايير قد يكون في المرتبة الثانيه الباثفايندر من نيسان فقط من موديل 2003-2005

اخوي محب الشاص

اذا ماني غلطان الله اعلم اني شفتك وانت شفتي انا كنت على الجيب حقي اللي تحت

الناس مو راضيه تصدق ان سيارات شركة جيب ما تحتاج الدبل الا في الشديد القوي واظن الاخ البنشري شاهد

عالعموم ليتك شرفتنا في التغريزه (المقصوده وانا شاهد) حقت الاخ البنشري اللي اثبت فيها ان فيه نديد لسيارات شركة جيب الا وهي سيارات ميتسوبيشي

وعلى فكره ترا كل السيارات المغرزه كانو مشغلين الدبل ومنسمين الكفرات لكن وش تقول في تويوتا وباترول :):):) امزح والله

لاحظ ان اللي طلع اللاند كروزر كان شيروكي ودودج رام اللي بالاصل ترجع لشركة جيب خخخخخخخ

أخوي البنشري ياخي عندي ملاحظه ولازم اقولها . ياخي كيف غرزت هنا ؟!!!! وكيف اللاند غرّز؟!!! اكيد ان كفراتكم كانت حجر ولا مشغلين الدبل . لأني انا الصراحه من اطب الهافمون إلين اروح ما اشغل الدبل ابد بس أخلي الكفر على 15 واتمشى على نمرة 2 (اللي عنده شيروكي يعرف ان عزمه هو في نمره واحد فقط) ولا اشغل الدبل إلا إذا بغيت ارقى القص الكبير فقط . وهذه المنطقه لو ادعس على موتري فيها للصاجة وبدون دبل ابغى اغرزه ما يغرز يمكن إذا مرّه يغرز الخلفي وإذا عشق ريوس يطلع احيان بدون دبل واحيان لازم دبل خفيف. الدعوة مو مدح للشروكي ولكن استغراب كيف انت قدرت غرزت الموتر وغيرك غرزوا أكيد ان الكفرات كانت مليانه صح اخوي؟!! وإذا كانت مليانه هل لمن طلعت الموتر نسمت الكفر و إلا لا؟