من مصدر موثوق من الفطيم وكيل التويوتا في الإمارات:
الأسعار راح تكون بزياده 30,000 درهم عن الحالي
يعني مثلا: GXR فل الحين بـ 165,000 تقريبا - الجديد بيكون بحدود الـ 195,000 درهم وهكذا
بلد الصنع: اليابان (مع إني ما أحط في ذمة تويوتا حتى لو ختموا الشاصي بـ Made In Japan)
ناس ذمتهم واسعه بعد ما كانوا أهل الكفائه الحين صارو أهل الربح والضحيه بكل فخر (أنا وأنت)
المكاين:
4.5 المكينه الحاليه حتى تخلص الستوكات من عندهم بعدين راح تحل مكانها مكينة الـ 4.0 بقوة 236 حصان
4.7 حتى نفاذ الستوكات ولن يتم إستبدالها وبتكون 271 حصان
5.7 بينزل أكيد بقوة 381 حصان
يعني الخلاصه، بيصير مثل اللكزس GS300 و IS300 في إمريكا ينزلون 350 ولكن تويوتا إتصدر مكاين 300 عليهم للشرق الأوسط ليتم إستنفاذ الستوكات (سوقنا مكب تصريف لهم) وإنتو الكرامه
رأيي الشخصي وبدون زعل:
مادام وصلت المواصيل إن الواحد يسحب له كروزر بهذي الأسعار فالأفضل يسحبله باجيروا (حق هاوين البر واللي عندهم عزب بالصحراء)
ويسحب له بورش كايين أو بي أم إكس 5 حق الكشخه
يا إخوان تويوتا لو كبرت وصارت ما يصير الكروزر ينطح الـ 250,000 درهم !
هذا موتر كرف وتطعيس ولعن إندود يندفع فيه 250,000 درهم حق التكسير !
شو بلاه الباجيرو ؟ ولا البرادو ؟ والله يستر البرادو عقب سنه ولا إثنين ما يرفعوا سعره بنفس هالشكل
ونصيحه من أخ، اللي يدور موتر كرف وطعوس وينتظر الكروزر الجديد، فأقلوه سير إسحب لك 2007 أبرك لك
على فكره، اللكزس 570 بيكون فوق الـ 310,000
ملاحظه: لاحد الحين يهاجمني ويقول متعصب، ترى عندي كروزر وما ببيعه وناوي على الباجيرو، يعني أنا من محبين السومو ومحاربين الساموراي بكلا فريقيها التويوتا والمتسوبيشي
:D
موعد نزول الكروزر الجديد: غير مصرح به (فتح أبواب العزاء لموت آخر محاربين الساموراي واللي هو الكروزر 2007)
ودمتم
