بشرى لأصحاب الذوق الممل (تويوتا أريون TRD )

:rolleyes:


ما نحتاجها، روح الوكالة وقولهم ابي اوريون وشوف انهم بنطرونك شهرين او ثلاث! يا اخوي أكثر سيارتين ماشي سوقهم بالكويت (موديل 2007) هو الاوريون/الكامري و التاهو/اليوكون...










على أي أساس كل الناس تقول هالشيء مع العلم أن هالسيارة عمرها ما نزلت بالخليج ولا أحد جربها من قبل؟؟ تخيل أن الكابريس الحالية (المواصفات الخليجية) نزلت باسم ثاني، تتوقت في احد راح يشتريها؟؟












يا نااااااااااااااااااااس، الكامري = اوريون ، الاوريون = كامري!! لا اثقل ولا شيء!! وبعدين، سالفة السوق الامريكية ما لها اي اساس من الصحة (اقرأ التعليق اللي كتبته في الصفحة السابقه).







اذا تدور الفخامة، اخذ مرسيدس او لكزس! لاكن، الافالون سيارة لفئة العمر الكبيرة شوي (نفس سالفة الكراون فكتوريا). وبعدين شكلها ليس شبابي مثل الاوريون من وجهة نظري الشخصية... وبصراحة، سعر الافالون هو المرتفع شوي.. سعرها تقريبا 9000 دينار ولا فيها شاشة؟ :rolleyes:








سعرها يغلى؟؟ 7000 بكل هذه الموصفات اللي ذكرتها في الصفحة السابقة (زينون، سنسر.. الخ) وتقوللي غالية؟؟ الكابريس او الدودج اللي بـ 7000 دينار، شنو مواصفاتهم؟؟ ممكن تذكرلنا مواصفات السيارات الثانية اللي بهذا السعر اللي يخيلم رخاص؟؟

أو خلنا نذكر الكامل المواصفات لكل السيارات.. الرويال بـ 13000، والدودج بـ 8000 (بدون زينون ، بدون شاشة لمس، بدون بصمة، بدون سنسر،بدون خشب، بدون مكيف منفصل للراكب الامامي... الخ)... اخذ الشفر اللي سعرها دبل الاوريون وإلا اخذ الدودج اللي ما فيها مواصفات؟؟ انت شرايك؟ اي سيارة فيهم اللي رخيصة؟؟










الظاهر انك ما سالت عن قطع غيار الشفر الجديد او الدودج...











































هذا هو السبب في ضيق السيارة وكبر حجمها الخارجي.. فورد وفرت الكثير من المال باستخدامهم الشاصي القديم اللي مافيه اي تعديل.. في السابق، كانت السيارة الآمن في الحوادث هي السيارة اللي ما تتشوه كثيرة بعد الحادث.. لكن الدراسات اثبتت العكس، لاحظ أن كل السيارات الحديثة اللي تهتم بالسلامة تتعمد أن السيارة (تتهشم) اثناء الحادث حتي لا يصاب الركاب في الداخل ويكون الحديد هو اللذي امتص الصدمة (وليس الركاب).. يعني، السيارة قوية في الحوادث لاكن سلامة الركاب قليلة. هذا الامر ادى الى توجة شرطة بعض الولايات باستخدام سيارات غير الكراون فيكتوريا.. وبالنسبة الى الصوت، فانا اقولك اركب الاوريون وشوف عزل الصوت.. وبالنسبة الى معاونات الفود هي فعلا مريحه، لكن هذا الشيء مقصور فقط على السيارات الامريكية (السيارات اليابانية والالمانية يابسة)..








ما فهمت، قصدك ان الناس تشتري الكابريس لان سعرها عالي؟؟ ممكن توضح؟







وزن الكابريس 1887 كيلو وهي 360 حصان...
وزن الاوريون 1570 كيلو وهي 268 حصان...

نسبة الاحصنة لكل كيلو في الكابريس: 360 ÷ 1887 = 0.19 حصان لكل 1 كيلو
نسبة الاحصنة لكل كيلو في الاوريون: 268 ÷ 1570 = 0.17 حصان لكل 1 كيلو

وهذا يفسر سبب تقارب الأداء بين السيارتين

انا سبق و ذكرت اني جربت مع اللومينا اس اس (جير عادي) و طافني بسيارة و نصف تقريبا (المفروض اكثر).. وبس علشان تكون عادل اكثر، المفروض الاوريون سبورت مع الـ اس اس ;)







انا ما قلت اني ما شفت بنات يسوقون الشارجر، انا قلت نظرة المجتمع لهذه البنت اللي تسوق الشارجر او الزد! مثل ما قلت من قبل، انا شخصيا ما أخلي أختي او زوجتي تسوق الشارجر مهما صار! المشكلة الثانية في شكل الشارجر ان اكثر اللي يسوقونها ما يحترمون قوانين المرور (خصوصا اللي معاهم 8 سلندر) و يلف عليك و يدوس معاك لما تشوفه..... ليش؟؟







انا شخصيا ما يهمني اذا ربحو او خسروا. لكن، ليش خسرت اكبر شركة فالعالم (جنرال موتور) واخذ مكانها شركة تويوتا؟؟ اسئل نفسك هذا السؤال....





وفي النهاية، يبقى القرار الأول والأخير للمستهلك في اختيار السيارة اللتي يعتقد انها مناسبة لاحتياجاتة الشخصية. والناس أذواق ولكل سيارة عشاقها مهما كانت مميزاتها و عيوبها. في بعض الحالات، يكون تفضيل سيارة على اخري في بالغ السهولة، وفي بعض الحالات يكون التفضيل صعب جدا..

و شكرا

والله بالنسبه لي الأريون سياره حلوه وماعليها كلام :)

محرك قوي وشكل رووعه وسعرها مناسب جدا وكل مواصفات السلامه فيها ويكفيك انها تويوتا يعني اكرفها كرف وماتقول شيء ابد .....

وعلى طاري انه الكامري هي أريون والأريون هي كامري الكلام هذا صحيح 100% وتقدر تتأكد من كود الشاصي وراح تلقاهم نفس الكود , لكن هل انت ترى انه هذا عيب؟؟

وعلى فكره ,,,, ترى تويوتا تملك دايهاتسو بالكامل ( وتمتلك ياماها في نفس الوقت اللي صممت مكينة التويوتا سوبرا سنة 1994 واللي معروف عالميا انه من أقوى المحركات عالميا , فهل هذا عيب بالنسبه لك؟؟)

سيارات تويوتا كلها مريحه وفيها هدوء ومافيها ازعاج كثير مثل ما انت وضحت لنا؟؟
انا سقت الكامري الجديده وسقت كراون فيكتوريا 2006 الصراحه فيه فرق كبير بين السيارتين

صحيح انه الكامري أصغر وسعرها أغلى من الكراون فيكتوريا لكن لو تسوق الكامري تحس انها سياره ملمومه على بعضها كأنها قطعه وحده ويكفيك انها سياره لما تشوفها من الخارج ماتلقى فيها فراغات كبيره بين الابواب أو بين الدعاميات الاماميه والخلفيه وجسم السياره بعكس الفورد وغيره!

الفورد لما تركبه تحس انك ضايع في الداخل من كبره!! ولما تسوقه تحس كأنها ماخذه الشارع كله من حجمها وثقيله جدا جدا في المنعطفات .....

انا ما اقول انه الكراون فكتوريا سيء لانه فيه اشياء عجبتني , مثل حساسية الدركسون بحيث انه يعطيك شعور حلو وانطباع كامل عن نوع الشارع اللي تمشي فيه وثانيا العزم فيه حلو وروعه ( V8 )

في الاخير فيه فرق كبير بين سياره مصممه حق اللي أعمارهم مابين 20 إلى 40 سنه وبين سياره مصممه حق اللي اعمارهم فووووق الـ 40 سنه

إسمحلي أخ non_ahmed أرد على ردك الطيب:)

1- بالنسبه لموضوع السعر يبدا من 6000 دينار و اذا بغيت مواصفات شوي زياده يوصل سعرها 7000 أو 8000 دينار بعد ... ما تحس انه سعر مبالغ فيه على سيارة تيوتا؟ انا معاك انه الفورد كراون فكتوريا المساحه الداخليه ضيقه بس المحرك جيد و سياره مريحه جدا جدا عكس التيوتا الي تحس بصوت القار و كل حفره تطب فيها، و تصحيحا لمعلومتك ترى شاصي الكراون فكتوريا من 1977 و أخذ كل هل مده لأنه انتاجه غير مكلف و يستحمل الحوادث مما يطول من عمر السياره.

2- انا معاك انه شركة دودج عندها سيارات 2006 بالوكاله و عليها عروض لكن الشفر كابرس فعلا عليه عروض بس كمية الطلب عليه طبيعيه جدا لأنه سعر عالي مو مثل سيارات تيوتا عموما.

3- موضوع إنه الكابرس الجديد يطوف الاوريون نصف سياره هذا طبيعي لأن وزن الكابرس اكبر من وزن الاوريون و اذا بغيبت تكون عادل ليش ما اتجرب مع لومينا أس أس و شوف الفرق .

4- صحيح انه شكل الشارجر شبابي و هذا ا يعيبها و بعدين مسألة انه البنات ما يسوقونها أقول انك ما شفت مو معناتها ما فيه، تقدر تروح اي كلية بنات و تشوف المواقف بنفسك و عندنا البنات بالكويت يسوقون نيسان زد الجديد فالشارجر ما راح يفرق معاهم كثير

5- شركة جي أم ما أعلنت إفلاسها اهي فقط تعاني من خسائر و الحين صدر تقرير عن الشركه انها حققت أرباح في الربع الأول من العام الجاري و تقدر تقرا هالرابط و تشوف بنفسك
http://www.msnbc.msn.com/id/17607051/

الاوريون جميله

لماذا متهمها بالممله؟

عالعموم هي بدون تيربو قويه

ومع التيربو بتصير وحش

لكن عيبها الدفع الامامي الي هو فعلا ممل جدا جدا

الاوريون = كامري!! نفس السيارة يا شباب!! بس الشكل الأمامي والخلفي مختلف..

صناعة اندونيسية أو ماليزية.. شيئ مو جديد على مصانع السيارات لتقليل تكاليف الإنتاج... حتى المرسيدس الـ E-Class والـفئة الخامسة تصنع في مصر!! لكن تباع فقط في سوق مصر...

بالنسبة للاصوات، قد تكون جودة التويوتا الماليزي اقل، لكن، ليس من الصحيح إنك تركب تاكسي او سيارة شرطة وتقول انواع الاصوات.. اركب اي تاكسي معاه تويوتا القديم (صناعة يابانية) واسمع البلاوي!! ;)









أولا، الكامري اللي في امريكا (الشكل الحالي) نزل مع الخليج سنة 2007 (2006 كان الشكل القديم في امريكا)! ونزلت الكامري الجديدة في امريكا قبل الخليج بكم شهر فقط (وليس سنة كاملة!). والخلل المصنعي الجير فقط (وليس في المكينة) وهذا الخلل حصل لبعض الناس (وليس الكل)..

ثانيا، الوكلاء في الخليج (و حتى في امريكا) لا يستطيعون طلب السيارات على مزاجهم. يعني، لو وكيل تويوتا في امريكا يطلب الاوريون ما يحلم يجيبها.. ونفس الشيء بالخليج، ابو جميل (او اي وكيل خليجي اخر) ما يقدر يطلب السيارة السيارة على كيفه (مثلا، كامري 6 سلندر). اللي يحدد المواصفات للسوق الخليجية هو فرع شركة تويوتا في الشرق الأوسط (ابو جميل او اي وكيل اخر ما عنده تحكم في سالفة الاوريون ولا الكامري). هذا الفرع وظيفتة دراسة متطلبات السوق الخليجية ومن ثم ارسالها الى شركة تويوتا في اليابان. القرار الأول والأخير طبعا لشركة تويوتا في اليابان. الوكيل يقدر يختار من الاشياء اللي يحددها مكتب تويوتا في الشرق الأوسط (كالالوان، جلد او مخمل، فتحة او بدون...الخ).. طبعا لما اقول جلد، لازم يكون عند الوكيل الخيار متاح للجلد وإلا ما راح يقدر يطلبها جلد!


ثالثا، السوق الامريكية يختلف اختلاف كلي عن سوق الخليج! في سيارات كثيرة تنزل في امريكا مش موجودة عندنا بالخليج و في سيارات كثيرة في الخليج لا تتوفر في امريكا... مثال، اكثر الناس اللي يتابعون اخبار الكامري الامريكي يسبون في ابو جميل ويقولون انه ما يجيب مواصفات.. مثل ما قلت قبل شوي، ابو جميل ما يقدر يطلب المواصفات الامريكية لو يموت! واكثر الناس يظنون ان الكامري الامريكي فيه افضل المواصفات، لكن هذا الكلام غير صحيح. الامريكان يتمنون انهم يحصلون على الكامري بالمواصفات الماليزية (كراسي تبريد وتدفئة، كاميرا خلفية، زينون متحرك، حساسات للمطر..الخ) لكن ما يقدرون لأن مكتب تويوتا في امريكا ما طلب هذه المواصفات للسوق الامريكية..

السيارات في اليابان طبعا كانها مرسيدس و بي ام.. لأن الناس في اليابان مستعدة تدعم الصناعة الوطنية (تويوتا)، لكن في الخليج، اذا صار سعر التويوتا غالي، الناس راح يشترون الماني ويقولون (خلنا نكشخ بهذا السعر احسن!)..

وشكرا |3|

مشاء الله كل واحد يعكس تربية بيته !!!


مشاء الله انت شكلك ماتنازل عن المايباخ والفراري


مره ثانيه اكتب الموضوع بااحترام

السلام عليكم


أهلين يا أخوان

حاب أضيف شئ بسيط على جميع ما ذُكر

أن الأوريون لو نزلت ليدنا بإسم كامري وبنفس السعر

محد راح يشتريها ( قليل )

أما بتغيير الإسم ودراسه تحليليه للشعب الخليجي من قبل عبداللطيف جميل والبقيه من السياري وغيره

أنه الأفضل تنزل بإسم آخر لان الشعب الخليجي شعب مظاهر

ولو كانت السياره قمه في الروعه وبسعر 100 ألف ريال سعودي وأسمها كامري

صعبه مره أحد يشريها

ولو تدققون وتلاحظون كامر يقراندي من سنه 2003 إلى 2006 يمكن ما تلقى

إلى أقل من 100 سياره في الرياض ( وأتوقع 100 رقم كبير )

علماً بأن عدد السكان في الرياض أكثر 5 مليون نسمه ...



مثال آخر

لو نزلت كابريس بإسم هولدن صدقني لكان مصيرها مصير الأبيكا الحين


تحياتي


تحياتي

ياشباب

الكامري من يومها تنزل 6 سلندر

سواء تنباع ولا لأ

المشكلة ومافيها


يوم نزل الكامري -الشكل الحالي - بإمريكا كموديل سنة 2006

نزل 6 سلندر لكن المشكلة أن السيارة فيها((( خلل مصنعي في القير والمكينه ))))

والمعروف إن سيارات السوق الأمريكي هي سيارات السوق الخليجي

يعني كانت ممكن تنزل عندنا كامري 6سلندر (( بمشاكلها )) ولا نعرف شئ أسمه أوريون




والمشكلة إن موعد طرح الكامري بالخليج قرب وكان من الصعب إنهم يحل المشكلة الموجودة بالكامري 6سلندر

لكن أبو جميل صراحة جابها صح إنه طلب الأوريون الأستراليه 6سلندر بدل الكامري 6 سلندر

لتفادي المشاكل وكل يوم يطب عليها واحد عشان الصيانه

وللعلم :: والأجواء الأسترالية مشابهه للأجواء الخليجية .


وللعلم أيضا ::

إن كل منطقة لها سياره محدد وشكل مستقل


فالأوريون في أستراليا هي الكامري


والكامري المعروفه عندنا هي للسوق الخيجي والأمريكي


وأفضل السيارات هي الموجوده في السوق الياباني

تحس إنها بي إم مو تويوتا

وأرجوا إنكم فهمتوني

كلامك صحيح من هالناحية شركة جي ام متوهقة بمصروفاتها الإضافية (تأمين صحي للمتقاعدين) اللي رفعت من تكاليف سياراتها تقريبا 20 الف ريال في بعض السيارات لتغطية تأمين الامريكان الصحي .. يعني كل واحد يشتري سيارة من جي دفع من جيبة مبلغ اضافي لعلاج الامريكان .. تصور الفشل الامريكي وين وصل ؟؟؟؟؟

ولذلك نزلت الجودة في صناعتهم بشكل خطير وتوجهت الشركة لحلول اخرى مثل دايو وهولدن السيئتين لتغطيه مصاريف علاج موضفيها ..!!!

اتمنى تنقرض جي لأنها سيارات انتهت من اواسط التسعينات ولم تعد تنتج سوى الخرده وتبيعها لنا بسعر عالي ...


تحياتي لك ..

لا عادي، إن شاء الله ما فيه زعل. كل واحد عنده وجهة نظر خاصة فيه :)





لا أخوي، غلطان بالسعر.. أخوي شاري اوريون فل اوبشون (عدا الشاشة والجلد) بـ 7100 دينار.. وفي نوعين أقل منها.. سعر الاوريون يبدأ بحدود 6100 دينار وفيها مواصفات اكثر من السيارات اللي ذكرتهم!





كراون فكتوريا سيارة جميلة. لكنها ضعيفة نسبيا وضيقة جدا (الركاب في الخلف) على كبر حجمها الخارجي. وبعدين، اشترى سيارة الشاصي مالها ما تغير من سنة 1991؟ :rolleyes:





الكابريس سيارة جميلة أيضا، لكن، روح الوكالة وشوف الاستقبال والسب من الزبائن! وعلى فكرة، أكثر الناس اللي جربوا الكابريس الجديد يذمونها. بس فيها عيب ثاني، على قوتها الـ 360 حصان، إلا أنها لا تستطيع تجاور الاوريون (268 حصان)!! أنا ديس مع الكثير من الكوابريس الجديدة وكان الفرق أقل من نصف سيارة (من صفر الى 200كم) وكان الفرق لا يذكر حتى أن صاحب السيارة استغرب! صحيح الكابريس أسرع من الاوريون، لكن، معقولة 100 حصان زيادة على والفرق بسيط جدا؟ السيارة الوحيدة اللي طافتني بمقدار سيارة إلى سيارة ونصف كانت لومينا اس اس جير عادي موديل 2001!





شكل الشارجر شبابي بحت وليس رسمي مثل الكابريس أو الفورد. وكل واحد يشوف هذه السيارة يقول حق شباب ولا تصلح حتى لعائلة (تخيل بنت تسوق شارجر، شنوا نظرتك لها؟ طبعا هذه البنت هي اختك او زوجتك اللي سيارتها خربانة وماخذة سيارك للدوام). وبعدين، أنا كان عندي دودج، و بعتها بسبب الوكيل ومشاكلة. وبعتها بخسارة كبيرة بعد لأن محد راح يشتري هالسيارة منك!





من كلامك، أتوقع ان شكل السيارة هو أهم شيء بالنسبة لك. لكن، هذا رايك الشخصي. وعلى فكرة، الاوريون الي بـ 7100 فيها زينون، ستارة بالخلف (كهرباء)، سنسر جدام و وراء. بصمة، MP3 مع 6 اسطوانات، 8 ايرباق، نظام الثبات VSA، لمبات خلفية LED، فتحة، كراسي كهرباء (للسائق مع الراكب الامامي)،تبريد منفصل للراكب الامامي، جير تبترونك من 6 سرعات (عندك فكرة عن جير الكابريس الجديدة كم سرعة؟)، ولمبات على مرايات الزينة (حتى الكابرس الرويال ما فيها!). كل هذه المواصفات بـ 7100! وسعر الاوريون الكامل المواصفات (زيادة شاشة ملاحة لمس مع مشغل افلام DVD، جلد وجناح) هو فقط 8200.. اعتقد ان منافسوها (شفر، دودج والفورد) غالين نسبيا مقارنة مع الاوريون.






ما سألت نفسك ليش؟؟ معقولة كل الناس بالعالم ما يفهمون ويشترون تويوتا؟




يعتمد على شنو اللي تبيه من السيارة. هل تبي قوة، شكل، خرابات، مكيف... الخ




أولا، الكامري اللي تباع في أمريكا و كندا تكون صناعة أمريكية (وليست أسترالية مثل اللي عندنا بالخليج). يعني، ما في أي علاقة مثل ما قلت. ثانيا، الفرق الوحيد بين الكامري والاوريون بس من جدام ومن وراء، يعني، اذا كانت تويوتا تقدر تصنع الاوريون فما في أي مشكلة انها تضع لمبات الكامري على الستة سلندر. لكن، حبت تويوتا أنها تفرق ما بين السياريتن (فقط لأسواق الخليج) وهي خطوة ذكية.





شكل الاوريون أجمل. اغلبية الناس تتفق على هذا.





الكابريس تصنع أولا لأسواق استراليا باسم هولدن (شوف هذا الرابط)، بس الشفر قالوا خلنا نحط إسم و شعار الكابريس ونبيعها فقط بالخليج!




وبعدين، علشان تشتري اوريون بالكويت، لازم تحجر السيارة وتنطر شهر أو شهرين علشان يوصل دورك (معقولة كل هالناس أذواقم مملة؟) والساير(وكيل تويوتا في الكويت) ما سوى ولا عرض على الاوريون وهم الطلب عيها كثير جدا. لكن الكابريس و الدودج عندهم عروض مغرية جدا ومع ذلك عندهم الكثير من موديلات 2006 (جديدة)! وفوق هذا كله، وكالة التويوتا عسسسل وما في أحد يشتكي أبدا وقطع غيارها رخيصة ومتوفرة في كل مكان...


شركة جنرال موتوزر(اللي تصنع شفر و كاديلاك و جمس،.. الخ) أعلنت افلاسها. يعني، لا تستغرب اذا سمعت أن ما في شركة شفر ولا حتى وكالة بالمستقبل. اشتري كابريس، وبعد فترة ما ألقالها قطع غيار؟؟


الاوريون ليست الاجمل، ولا الاقوى ولا الاوسع، لكنها معتدلة من جميع النواحي. وهي افضل سيارة بالنسبة الى سعرها (أفضل استثمار بالنسبة إلى سعرها.. مثل الـ Z06 والسيارات الفائقة السرعة)



في النهاية، اتمنى إنك ما تفهمني غلط مثل ما اتفقنا في البداية. |3|

ههههههه <<< الاخ من جده كاره الموتر للنخاع
بس هي تحبك

:s ياخي عمري ماحبيت الكامري ..

تبقى مسألة ذووق
بما اني ما اميل لسيارات تويوتا كثير لكن
انا متأكد من انها اقرب لي من الامريكي كله بجميع انواعه!!
حتى اني افضل الكورلا على الكابريس!!

وحاليا الاوريون كشكل من افضل السيارات واول مره احس ان شركة تويوتا تعبت على التصميم!!


وشكرا|3|

ممكن يكون كلامك صحيح



لأنه يتكلم بكل منطقيه وعقلانيه




والله أني أكرهه الكامري والأوريون ولا أميل أبدا لشركه تويوتا



لكن هذا ما يعني أني أقعد أعيب السياره دون وجه حق وهي من أفضل السيارات الموجوده




تحياااااااااااااااااااااااااااااااااااااتي

كامري هي اوريون
طيب وين المشكله

قرأت مقال في مجلة سيارات ا لخليج

من احد المسؤلين في شركة تويوتا بالستراليا

ان الكامري قراندي 2004-2005-2006

لم تبع اكثرها
وعند التحقق من موزعينا


تبينا لنا انا في الخليج اكثر شركات التأجير تستخدم الكامري

وعندما ياتي الزبون لشراء كامر قراندي يرى التكاسي المنتشره في كل مكان

فيترك السياره لهذا السبب

فأتت فكرة اصدار نسختين 4سرندل(كامري)
6سرندل قراندي(اوريون)

وبس

وأنتم والحكم شفو ماشاء الله كيف الكوامري التكاسي

زي الدود

وهذي قصة اصدار اوريون قراندي

تحياتي

مشكورين يا شباب على الردود الطيبه و اسمحولي على الاسلوب اللي التكلمت فيه و أتمنى انكم ما تفهموني غلط......عموما أنا ما تكلمت من فراغ كل اللي ابغيكم تعرفونه إنه تويوتا تقدم سيارات غاليه في السعر و مبالغ فيها على سبيل المثال سعر الاوريون عندنا بالكويت يبدا من 7000 دينار يعني تقريبا 93000 ريال سعودي و هذا سعر سيارات أكبر و أفخم منها على سبيل المثال فورد كراون فكتوريا و جراند ماركيز وشفروليه كابرس 8 سلندر و 6 سلندر و بعد دودج شارجر 6 سلندر كلها سيارات شكلها أحلى و راقيه على الطريق، انا معاكم في انه تيوتا تتفوق على هذي السيارات بالجوده العاليه و السعر عند البيع لكن هذا شي موكافي بالنسبه لي بالاضافه الى انه تيوتا أوريون ما قدمتها لأسواق الخليج إلا علشان تسد النقص في سيارة كامري ال 6 سلندر لأن أولوية الإنتاج و الطلبيات حق سوق أمريكا الشماليه و توجه الزبائن الي يرغبون في كامري 6 سلندر الى أوريون بينما نشوف شفروليه تصنع كابرس خصيصا لأسواق الشرق الأوسط و هذا يدل على إهتمام هذي الشركه(شفروليه) على زبائنها بالشرق الأوسط و الخليج بالذات.

و لكم جزيل الشكر....