سلام عليكم ورحمة الله وبركاته
الورطة باختصار وعدم كثرة شرح فالمنتدى ليس منتدى قصص
عندي BMW مقاس 320 موديل 2005 وكنت ماشي قبل كم يوم بسرعة 170 كم على طريق الرياض وفجأة ضرب علي الكفر الخلفي والحمد لله ما كأنه صار شي السيارة راسية ( ماشاء الله ) وكان الوقت على المغرب ويوم بديت أفك الكفر فجأة قفلت أبواب السيارة تماتيك كلها والمفتاح على السويتش والجوال داخل السيارة :confused: :confused: وش ذا الورطة :mad: :mad: والمنطقة اللي تعطلت فيها مقطعة ما فيها لا محطات ولا شي أقرب شي على بعد 70 كم .
واللي زاد الطين بلة انه الكفر الي ظرب علي يوم جيت افكه حلف يمين ما يطلع من محله مع هز الكفر وتشويته ولكن ما فيه فايده ويوم وصلت الساعة 10 ليلاً :eek: رزقني ربي بسطحة وشلت السيارة فيها بعد ما كسرت المثلث اللي ورا وفتحت السيارة .
السؤال اللي محيرني : كيف تقفل الأبواب تماتيك والمفتاح على السويتش . وليش تقفل أساساً .
أرجو الإفادة مشكورين
