ماذا ترشح بيكب الـ ISUZU أو الـ HILUX

عندي لك فكرة هي متعبة بعض الشئ لكن الفرق في السعر رح يريحك وينسيك التعب!
اطرح موضوع في المنتدى واسأل عن ارخص سعر للD-MAX 3.0 في الخليج ؟
واعتقد ان ارخص دولة هي الامارات لأن عندنا كل الشركات المهمة واللي عندهم
اعمال صعبة يشترونة اضن السبب هو:- 1) رخص السعر. 2) الجودة والتحمل.
المهم اسأل ورح واشتريها ورح يطلع فرق على الاقل 10,000درهم وانت الكسبان
وبالنسبة للضمان فهو ساري في جميع الخليج يعني كأنك مشتريها بالبحرين.
والله الموفق...

شكرا لك محب الشاص أخي على مرورك الكريم

مشكور أخوي saeid 1988 على النصيحة القيمة، المشكلة عندنا في البحرين الوكيل واحد ويتحكم في أسعار الـISUZU يعني 3.0 بـ 86000 ريال وانا متأكد عندكم أرخص بالسعودية، والمستخدم ما أحصل ولا أفكر آخذ الا جديد،، على العموم مشكورين شباب على النصايح وفعلا 3.0 صوتها جدا منخفض عن باقي محركات الديزل ولا يدخنون.. يعطيكم العافية..

ما دام وصل ابو اسد اخصائي الديماكس

لا استطيع ان اعارض:D

مشكور على تصليح المعلومة ويعطيك العافية

بالعكس يا صالح هو يجي تيربوبس مو تيربو شارج مثل 3 لترهذا الفرق سواء في الديماكس أو الهايلكس

بالنسبه لل إيسوزو ديماكس 3.0 تربو الديزل موديل 2006 هي سيارة جميلة لأحد معارفي . منظر جميل ومركب رائع ولكن هو مو مرتاح منها ويقول
1- قطع غيارها ناااااااااااااااااررررررررررررررر حتى القطع الإستهلاكية نار
2- السيارة لو تقطعها ما تمشي فوق 160 ويالله يالله 165
3-صحيح انها ديزل لكنها تصرف (يعني يقارنها بالفلوس) مع سياره كامري يقول الكامري اغلى ب5ريال لنفس عدد الكيلومترات المقطوعه
ولكن الميزه المهمه فيها هي قوتها العاااارمه في البر و الطعوس (والله اني شايفها بهافمون تطلع القص وهو يبدأمن اسفل القص مباشره يعني مو يجي ماشي مليون زي ما تسوي الهايلكسات !!!)
لكن تويوتا تويوتا بكل حسناتها من جوده وسمعه ورخص في قطع الغيار وانا ارشحها لك

حلوة جداً أشكرك على الضحكة :D

إذا قارنا بين إيسوزو 2.5 وهايلكس 2.5، فالهايلكس يتفوق في عدة أشياء، منها قوة المحرك وارتفاع السيارة وخلوصها الأرضي أفضل.

أما إيسوزو 3.0 لتر، فلا يقارن بالتويوتا. إذا تقدر خذ هذه بدون تردد.

السلام عليكم
اخي الكريم نصيحه اذا انت راعي سفر وخطوط انتبه تاخذ 2.5 ولله تكره نفسك
وتصير مثل البحاره القداما تشوف اتجاه الرياح قبل تسافر

بعدين الاسعار مره غاليه عندكم
3.0 عندنا ب73000ريال وكاله وتحصل في السوق 2006 جديد عند بعض المعارض ب 64000ريال
على العموم اذا ما تقدر توصل سعر 3.0 اشتر هايلكس وانت مغمض
وشكرا

حياك الله اخووي
انا عندي اثنين وانيت ديماكس واحد غمارتين 2.5 وواحد غمارة 3.0 كلهم 2006
الصراحة مافي اي مقارنية من ناحية العززم بين المكينتين فررق واجد بالقووة,
السيارة 3.0 طلعت مع ماكسيما , وتعديت الكامري 2002
انا لو منك ما افكرر ب2.5 لان المكينة مررة ضعيفة حدها توصل لل150 كم.
اذا الميزانية عندك مقصرر شووي رح المعارض وتوقع لك بوحدة جديدة نفس الوكالة وارخص او وحدة مستعملة على خفيف ولكن حط في بالك لازم الشي اللي تشترريه تكوون مقتنع فيه تماما,
وبالاخيرر توكل على الله وبالتوفيق اخوي,

محرك ال 2.5 ضعيف لانه يجي عادي وليس تيربو وغير كذا صوت السيارة عالي مقارنة بال3لتر

شوف المتسوبيشي محاركات الديزل ايضاً ممتازة

أخوي Black Arrow حركة الطبلون حلوة مره وأنا جربت أشغل السيارة بس داخل المعرض وصوت السيارة كان جميل جدا وهاديء نوعا ما عن الهيلوكس والمتسوبيشي، وعجبني في الايسوزو فخامة المقصورة الداخلية، وكذلك الزوايد الاختيارية راح تعطي نظرة رياضية للسيارة، وللي يشتغل في المعرض نصحني بالايسوزو (مع انه نفس الشركة حق التيوتا) لسبب السلامة والامان وكذلك نظام المقود يشبه نظام اللكسز، وانا معزم على الـ 2.5 لاني ما اقدر ادفع أكثر حق الـ 3.0 ويش رايكم شباب. يعطيكم العافية..

خذ إيسوزو وتوكل على الله تراها مرغوبة أكثر من الهايلكس

مشكور أخوي salehhd على النصيحة وشكرا على النقل ويعطيك العافية.

ايسوزو دي ماكس احسن لك بوااااااااااااااااااااجد

واحد من الشباب شاريها تخيل جا الرياض وتمشية الدوام ورجع الأحساء كلها بـ 20 ريال :)

تيربو ديزل اقتصادي اكثر من الديزل العادي وأهدأ صوت

والسيارة من داخل مريحة مرة وعداد الطبلون فيه نفس حركة السوبارو اول ما تشغله يروح من 0 الى 220 :)

وبالتوفيق في اللي بتشتريه