صـور انـظـف كـاديـلاك بـروقـهـام مـر عـلـي بحـياتـي !!

يا ساتر عليهاهل هي معروضة للبيع وكم المطلوب فيها

بصرااااااااااااحه ... انفك مخي


احنا حتى لو نحطها في بايكه ما تجي مثل هذه النظافه

.. بس ما عليكم انا اعرف واحد عنده كابرس موديلها 1976

إن شاء الله إذا شفته اصوره واجيبه لكم وهوو جابله 50.000 ريال سعودي

بس ما وافق انه يبيعه

[COLOR=royalblue]نابولي89 / إي والله إنـك صـادق .. مسألة المحافظة على السيـارة مسألة ثقافية بالدرجة الأولـى ، حتى بأمريكـا تجد استخدام المواطن الأمريكي للسيـارة بالغالب إستخدام نظيف حتى لو عنده نيه يبيع السيـارة ، لإنـه يستخدم إستخدام نظيف له أو لغيره .. وهذا الشيء نـادر عندنـا بكل صراحـة .. تقبل تحياتي على مرورك :) [/COLOR]

[COLOR=royalblue]T O R N A D O / بالفعل نظافتهـا شي خيالي .. ومبلغ السيـارة يستاهل وأكثر ، لكن محد رفع السعر اكثر من كذا .. ولا يعرف لهالكدلاك إلا واحد ركبهـا وجربهـا .. تحياتي لك .[/COLOR]

[COLOR=royalblue]air craft / حياك الله اخوي .. والله انـا مثلك .. انا مسوي عـزاء وحداد رسمي على الكدلك حقي من يوم بعته .. وشف القهر .. والله أكثر من مره اشوفه بالشارع مـع صاحبهـا .. وتخنقني العبرة .. وشوي واطمر الرصيف من القهر ..[/COLOR]

الكاديلاك كان سبـاق دائمـاً للتطور والفخامة بالثمانينيـات وبداية التسعيـنـات .. خصوصـاً تسخين المرايـا الخارجية ، وتعتيم المرايـا الداخليـة .. والـ CD اللي من عام 90 وفوق موجود بالبروقهـام الفل كامل .. وإضـاءة فتحة مفتاح الباب والمساكـة .. وموديلات الثمانينـات فيهـا خـاصية إذا دخلت شارع مظلم النور تومـاتيك يصير عالي .. واشيـاء اخرى لا تحصر .. الله يسلمك على مرورك الرائـع أخوي AIR CRAFT .. وابشر .. اي صور للبروقهـام النظيف سأدرجهـا هـنـا .. تقبل تحياتي وتقديري :)

[COLOR=royalblue]yo$$sss / والله بالعكس أرى إنـه أفضل من موديلات 2007 .. انا لو خيروني بين اللكزس 430LS موديل 2007 وطلبية خـاصة .. وبين الكدلك البروقهـام الأبيض اللي موديله 91 اللي صورته فوق .. والله آخذ البروقهـام بدون تردد .. تحياتي لك[/COLOR] :)

ماااااااااا شااء الله تباركـ الرحمن


والله كـــأنه 2007 ماشاء الله


ومشكووووووووووووووووووووووووووووووووووووووور على الصور


تقبل خالص التحيه|3|

مشكووور اخوي بــــرقـــهـــام
والله اتحفتنا بهصور الراااائعه

صرااحه صوور غنيه عن التعريف وسياره غنيه عن التعريف

وتراك يا اخوي بروقهام قلبتلي مواجع ولفيت مزاجي على القديم الكلاسيكي

شوقتني على الكاديلاك القديم موتر رزه وكشخه


انا اشهد لمن امتلك وحافض على سياره كلاسيكيه مثل هذي هو كسبان 100%

ويازينه واقف بالكراج جنب موتر الدوام والسفر

ملك ياكاديلاك
يكفيكم الكاديلاك في بدايت الثمانينات نزل مراتب متحركه وكهرب
ومنتصف الثمانينات شنطه شفط
وعلى اخر الثمانينات العداد الكتروني

ملك ياكاديلاك

وامير اخوي بــــرقــهـــام
اتحفتنا بهصور الراائعه
صراحه من جمال هصور ارسلت منها نسخ للسعوديه للاخوان
تستاهل والله

يعطيك العافيه اخوي برقهام وسلمت يمينك

ما شاء الله تبارك الله ..

والله السياره أنظف من سيارات 2007 مستعمله !!
يعني لمعة الصدام ولمعة الطبلون ونظافة المكينه ..

بس السياره أشوف أنها تستاهل المبلغ اللي وصل له ..

وشكرا أخوي على الصور

مــــــــــــــــــــــــــــــــــــاشاء الله تبارك الله

هنا الفرق بيننا وبينهم (( ان يصنعون السيارات ويتعبون ثم يحافظون عليها اي من يتعب بالشئ يحافظ عليه وهذا الوظع الطبيبعي))

هنا نحن مستــــــــــــــــهلكيين ليس الا والغالبية لاتهتم لانها تهتم بالتغيير كل فترة وقليل من يحافظ ويهتم

تحياتي

FORD C.V / انا اشهد .. يـاحلو القديم .. تحياتي

ZAID ZAID / العفو .. وحياك

مشكووووووووووور

ما شاء الله تبارك الله
الصراحه موتر محترم (قديمك نديمك ولو جديدك اغناك ) مشكور على الصور اخوي

هذا عيبه بالفعل .. اخوي هشوم .. جلد الكدلك سبحان الله له رائحـة مميزة تظل تعبق على مر السنين .. الله يرحم ايامهـا من سيـارة رائعـة أسطورة ويرحم ايام اهلهـا الطيبين .. تقبل تحياتي

والله الموتر قوي وعجيييب بس فيه غلط واحد بس السيتات مو لذر مع الاسف ........

لا هـذا الموتر مهب لديرتنـا .. لو جى عندنـا شهرين بس .. كان علوم !!

بالنسبة لموتر مؤسسة النصر .. معقولة مـاشي صفر ؟!

يعني على الأقل 20 كيلو مسافة تحركاته بالموانئ والمعرض ..

عـاد بـ 120 ألف ؟!

سعره جديد على ذاك الوقت مـا يتعدى الـ 80 ألف .. يعني بـ 120 مبالغ بسعره شوي .. أذكر شفت كدلك موديل 84 بالريـاض مـاشي 18 ألف ميل فقط ، مشتريه صاحبه بـ 27 الف .. وكان ناويه هدية لأبوه اللي ساكن بمكة واشتره من معارض الشفـا بالريـاض ومسك فيه خط جدة .. والكدلك مـافيه إمبير حرارة .. وضرب عليه راس المكينـة .. وشفته مشيول على سطحه بالصناعية القديمة بالريـاض ولحقته وسألته للبيع قال الموتر مكينتة مضروبه تبيه .. قلت اعذرني .. ولكن الموتر جديد جديد والله حرام اللي جاه .. ولا ابو 120 حق مؤسسة النصر هـذي .. عوضـاً على إن المصنع المحترم مصنـع كاديلاك وقف قبل سنتين كل قطع غيار الكاديلاك موديلات الثمانينـات وحتى 96 خصوصـاً قطـع البودي .. يعني المفروض ينزل سعره شوي .. بكرى يجيك ليموزين مهستر ويصدمه .. ويالله دور له قطع بودي !!

تحياتي وشـاكر لك مرورك الرائـع أخوي الكلاسيكي .. إحترامـي

الله يعطيك العافيه بس لا تنسى ان حرارة الجو شوي وتلين الحديد فما بالك بالبلاستيك الي في السياره والله لو انها عندنا كان تلقى الطبلون منشلخ نصين والصدا من اولها الى اخرها لان الصدا مع الحر ياسلام وبعدين نسيت اهم شي وهو شوارعنا الي خليها على ربك

يعني المكان والمناخ والشوارع اهي الي ساعدته في المحافضه على سيارته

شكرا الف شكر

عموما للمعلوميه فيه وحده في مؤسسة النصر بجده تقاطع التحليه مع المدينه موديل 1989
ماشيه صفر يعني ماتحركت ابدا طالبين فيها 120,000ريال

هــذا المنظر اللي انا مـا اتحمله وبيصير لي إنهيـار عصبي .. منظر كبوت الكاديلاك بروقهـام ... آآآآآآآه يـا بعد كل المواتر يـالبروقهـام :



استأذنكم .. قلبي يعورني .. والظاهر إنهـا بدايات الجلطة .. أستودعكم الله

حياكم الله من جديد ..

هـذا كـاديلاك بروقهـام موديل 1990 .. مـاشي 30065 ميل ( 48104 كيلو فقط ) ، مكينة 5.7 ليتر ، يقول صاحبهـا إنها دائمـاً متوقفة بالكرج ، ولمعة بويتهـا كما كانت جديدة ، مـاهي مرشوشة بويـة ، وكل الشعـارات اللي فيهـا مثل الجديدة ( يعني الشمس مـا صكتهـا ) ، السيـارة خالية من الصدأ ، تم تغيير كفراتهـا الأصلية عام 2003 ليس لإنهـا باليه بل لإنهـا قديمة فقط ، المكيف شغال 100 % ، السيـارة ليست بحاجة إلا لسائق فقط .. ( هذه السيـارة بالذات تعرض حاليـاً للبيع بالمزاد للمرة الرابعة .. حيث وصلت قبل حوالي شهرين لمبلغ 12 الف دولار ( 45000 ريال ) ورفض صاحبهـا بيعهـا ( فيه طبع من شيباننـا اللي لا يبيعون سيـاراتهم ولا يزوجون بناتهم ) .. وظل يطرحهـا للمزاد بإستمرار حتى وصلت حاليـاً لمبلغ 7201 دولار وباقي على المزاد 3 أيام و 21 ساعة من الآن .

أترككم مـع الصـور اللي تقطع القلب :