رابطة ملاك السيارات الكورية ~ Hyundai & Kia ~

السلام عليكم :cool:
اخوي LAMBADA انا من وجهت نظري ماله داعي تدخلها الوكاله اذا انت عندك ملاحظات على السياره .لان الوكلاء بكل صراحه مثل ماقلت يغيرون القطع ولم تنتهي صلاحيتها . لان عندهم جدول صيانه وهذا الجدول النقطه الاساسيه فيه الربح المادي في الاول وان تبقى السياره جديده دائما .
انصحك لاتغير الفحمات الا عند الحاجه . ولا البواجي الا عند بداية التقطيع . ولا زيت القير الا عند 150 الف على الاقل . اهتم فقط بتغيير زيت المحرك كل 5000 كلم وفلتر الزيت كل 15الف واهم شيئ يكون اصلي وللتاكد من الاصلي ارجع للنصائح اللي ذكرتها في هذا الموضوع المشاركه رقم 26
اخوي صحراء الجليد لا تغير شيئ اهم شيئ وهو سير التيمن . والحمد لله فكونا منه في الانترا 2007 صار حديد . ارجع للمشاركه رقم 26 في هذا الموضوع وراح تجد ماهو مهم لسيارتك الهيونداي .

وعليكم السلام


مشكور اخوي الهيو

الله يعطيك الف عافية


انا من المنطقة الغربية


وبالنسبة للقطع ما اخذها من غير الوكالة طبعا اضمن


وسيور المكيف والدينمو غيرتها قريب

تقريبا عند 80 الف


لاني اكتشفت فيها تأكل


طيب اخوي

هل في اشياء اخرى تنصحني بتغييرها ؟

عندي سؤال يا شباب ...

سيارتي سوناتا اوتو 2006 .. وماشية حوالي الـ 57 الف كيلو ..

وودي ادخلها صيانة الـ 60 ألف .. بس ودي اعرف وش القطع الضروري تغييرها

ووش القطع اللي يبيغيرونها الوكالة لمجرد النصب ولهف الفلوس :)

على اساس ما ادفع مبلغ وقدره على قطع ما انتهت صلاحيتها :)

السلام عليكم :cool:
كيف حال شباب الرابطه .
اسف اخوي AZERA واخوي Octavia 2002 على التاخير عن الرد والله انا وشركة الاتصالات معارك بخصوص الدي اس ال :mad: تقطيع مستمر
بالنسبه للبواجي المناسبه للازيرا اخوي AZERA هي IFR5G11 NGK من شركة NGK بدون رصاص . او بواجي AC DELCO رقم 800-41 من اي سي دلكو ممكن تحصلها عند العيسى او الجميح او بواجي DENSO رقم K20PR-U11 او بواجي Champion رقم RC10PYP4 وتحصلها عند وكيل او موزعين قطع غيار دوج وكرسلر .
اخوي Octavia 2002 خذ العلم مني انا دائم الزياره للوكاله ما جت الا سوناتا واحده بالخطاء وهي 6 سلندر باصطبات خلفيه LED . وهي غير متوفره الان
اخوي فاصل الريويس السوناتا اللي ذكرت مواصفاتها زجاج اوتو اساسي وقير تبترونك سعرها 53 الف ريال واذا بتزيد 4000ريال تحصل على مثبت سرعه في المقود وريموت كنترول وتحكم في الراديو من المقود . ومقود جلد . وتخشيب كامل حتى لعصى القير . وجنوط بسعر 57 الف فقط وممكن تختلف الاسعار حسب الوكيل في منطقتك وهو الناغي . وكيل هيونداي في الغربيه .
اخوي صحراء الجليد الله يبارك لك في سيارتك وبالنسبه لسير التيمن اذا كنت صاحب سرعه عاليه وتمسك خطوط انصحك لا يتعدى 100 الف احتياطا وعند التغيير انصحك تغير في طريقك سير المكيف وسير الدينمو لانك راح تفكها اكيد .ولن يحسب عليك تركيب الجديده .وللعلم سعر سير التيمن يتراوح من 140 ريال الي 180 ريال حسب الموزع انصحك بالذهاب لاكثر من محل للحصول على ارخص سعر وانتبه لا تاخذ تجاري ابدا مهما كان حتى انك راح تلقى ياباني لا تاخذه لانه الين واضعف من الاصلي . ولا يمنع انك تروح لوكالة كيا وتسال عن سير السوراتو 2000 سيسي موديل 2006 هو نفسه ممكن يكون ارخص . وهذا كله طبعا بعد ماتسال عن القطعه عند احد فروع وكيل هيونداي في منطقتك .ومعليش على السوال هل انت في الرياض ممكن افيدك اكثر .

موضوع رائع جدا

انا معاي إلنترا 2005 مكينة 2.0 قير عادي


اللون فضي

استخدام خشن مطبات ودعس واي شي

ماشية للحين 90 ألف والحمد لله مافيها شي :)


بصراحة كبرت في عيني هيونداي


صار علي حادث قبل فترة وخرجت السيارة عن الخط ودخلت في التراب مسافة 100 متر تقريبا

بصراحة غلي يشوف المنطقة إلي خشيت فيها يقول السيارة خلاص راحت


كلها حفر وحجار

المهم الاضارا انحصرت في الكمر اكل خبطه قوية من صخرة كانت موجودة دقت السيارة من تحت سمكرته ورجع زي ما كان


والعكس اليمين خرج برضه بسبب الصخرة

المهم اشتريت له جلدة ورجعته مكانة


ووزنت الاذرعة بس


والحمد لله السيارة ما فيها شي حاليا


بس سؤال متى اغير سير التايمن ؟؟

اغيره على 95 الف ولا 100 الف ولا اغيره الحين ؟

أخوي فاصل الريويس
... حياك معانا ..

بالنسبة للسوناتا فـ أحب اخبرك .. إنها ما تجي بنوافذ يدوية .. حتى السياحي منها ..

اظن بالمواصفات اللي تبيها .. راح تكلفك 53 ألف ,, و ياليت الشباب يخبرونك اكثر .. لأني من الشرقية و تفرق من وكيل لـ وكيل


تحياااااااااتي

ماشاء الله السيارة حسب اللى قريتوا ممتازة
بس ممكن تقولولي سعر السيارة بهذة المواصفات اقصد السوناتا
1- قير اوتو
2- قزاز كهربائي
هدا اهم شي عندي في اي سيارة كم ممكن احصلها
علما اني من سكان المدينة المنورة ومني عارف مين وكيلها هنا ولا بكم هيا عندو

تسلم يا الغالي ..


اخي الكريم هل مشكله تتكرر في الكوبيه خاصتاً


و العاده تكون من كرسي الجير او من كرسي المكينه العلوي .


انت افحص العلوي يكون علي يدك اليسري شوفه متواكل وله فيه شي ؟؟


و فيه تحت واحد ماسك علي الشاصي الامامي و واحد في الخلف علي يمين المحرك شوفهم سليمين


لازم تشوفهم من تحت ..


ودها الوكاله يفحصون الكراسي و يتبدلون علي احساب الوكاله .. |3|

و اي اسفتسار حااظر .

الله يحفظ لك الوالد

طبعاً لا غنى عن أهل الخبرات امثالك اخي الكريم المهندس

عندي هونداي سوناتا 2006 قير عادي
في حالة الوقوف وعند الرجوع للخلف اسمع في بداية رفع رجلي ( أجلك الله ) عن دواسة الكلتش صوت ( تكه ) أو طقه في نظام التعليق الامامي ( كأنه صوت برغي مرتخي او شيء من هذا )
ايضا الصوت اسمعه
الصوت اسمعه عند الانطلاقة الاولى ويختفي في بقية الغيارات

أتمنى اذا عندك تفسير تفيدني او توجهني بهذا الخصوص

وجعلها الله في موازين اعمالك ورزقك بر والديك :)

الوالد عنده سوناتا 2005 الشكل الجديد طبعاً

ماشاء الله عليها قوه معقوله و شكل جميل و مواصفات عاليه مثل الثبات و غيرها ..



و انا عملت في شركه هونداي كتدريب ميداني للكليه ف عندي خبره جميل في سيارات هونداي اذا محتاجين اي استفسار مكانييكي لها :)

اخواني انا معي سوناتا الفين وخمسه الشكل القديم وانا راعي سفرات والسياره مريحه وماشالله راسيه على الخط اكثر بكثير من الشكل الجديد هذا اللي خلاني ابعد عن الشكل الجديد مع انه متطور لكن يفتقد الرساوه ولكن واجهتني مشكله بالحراره.......
هي ان الحراره توصل للاتش فحصت كمبيوتر وفحصت كل شي وللاسف ماطلع شي شلت بلف الحراره سيخت الرديتر وغيرته وغير المراوح وحساس الحراره يعني مافيه شي ماسويته الا شي واحد اللي هو الطبلوون او الامبير حق الطبلون لاني خايف من فكه اللي مرت عليه المشكله هذا بالله عليكم انه يفيدني

هذي اسماء البواجي الي طلبتها يالهيو ووين ردك أنتظرك

ارجو ان تسمحو لي بالانظمام لرابطتكم

انا معاي
هونداي سوناتا 2006
فل كامل 4 سلندر
ماشاء الله تبارك الله الله يحفضها من العين
ماشيه حول 50.000 كيلو وعمرها سنه وكم يوم
وماشاء الله تبارك الله ما دخلتها الوكاله ابدا لا التشييك ولاالخربطه الفاضيه بس اغيرالزيت والسيفون ومره غيرت فلتر الهواء
بس وماشاء الله تبارك الله زي الحلاوه

واي استفسار انا حاظر

اخذت السياره عن طريق البنك الاهلي التجاري
بنظام الاجار المنتهي بالتمليك


صاحب السوناتا

مــوضــــوع جــمــيــل جــدآ،،،



لــدي سيارة " هــيــونــداي ســـونـــاتــا 2006 لــؤلـــؤي "

السياره فل اربعه سلندر بدون جلد

مــاشــاءلـلـه تــبــاركــ الــلــــــه






مــمــيــزاتــــ الــســيــارهــــــــــــ،،،،،،،،،،،،،


1-ممتازه من جميع النواحي ((خاصة انها فل))لأني جربت السياحي ايجاار

2-في الخط ماشاءلله ثقيله وراسيه والمكيف لايعلى عليه والعزل ايضآآ

3-مواصفات ممتازه اذكر بعض منها :
((تكييف الكترني_فتحه_CD MP3_ريموت_مثبت سرعه_ازرار بالطاره_ABS ..............الخ))

4-استخدامي لها سيئ الى حد ما والحمدلله ما اشتكت من شي واضح

5-قطع اسعارها ممتازه ((بعضها اقل من اسعار التويوتا))

6-الصراحه الموتر احس انه مهضووم حقه ويعطيك اكثر مما تعطيه((مايعرفه الا اللي جربه))

7-قيادته ممتعه وهادئه والمكينه من افضل مكاين الأربعه سلندر>>توقعي الخاص<<

8-سعتها الداخليه ممتاااازه وسعة الشنطه مافي مثلها ((حتى اهلي اعجبتهم))<<عفشهم واااجد



والصراحه ما اعطيت الموتر حقه وانا لا اريد ان اعطيه اكثر مما يستاهل

ومايعرف كلامي الا اللي يجرب السوناتا وخاصه الفل منها((حتى في ادق الأشياء تعجبك))

ولكن الصراحه اعجبتني الهيونداي بشكل عااام ((بغظ النظر عن السيارات الصغيره))

والسوناتا جربها اكثر من شخص ومدحوها ممن لديهم سيارات مشابهه امثال::

الهوندا اكورد والتويوتا كاامري والشفروليه لومينا وغيرها






ســـلــــــبـــــيــــــــاتــــ الـــــســـيــــارهـــــــــــــ ،،،،،،،،،،،،،


1-السياره خشنه شوي على المطبات وعيون القطط ((بس اعطاها رساوه ماشاءلله ممتازه))

2-مع الأستخدام السيئ تجد بعض الاصوات من اسفل السياره

3-ارتفاعها قليلآ قلل من روعتها ((فادتني كثيير بالمطبات وما اثرت على الرساوه الحمدلله))

4-صوت المكينه وقت القياده الرياضيه عالي شوي

5-اتمنى اني مانسيت شي ويعطيكم العافيه على قراءة ردي






>>>>ارجو من الله اني مازعلت احد وان يجمع بيننا بخيير واسف عالأطاله<<<<







اخــوكــمــــ أبـــوبـــدران







والــــــســــــلامــــ عـــــلـــــيــــــكـــــمــ والــــــرحـــــــمـــــــهــــــ،،،،،،

.. أخوي رئودي ..

و الله اظن حتى الوكالة ما يوفرونها .. !!

لأن على ما اظن ان السوناتا 6 سلندر عادية مافيها دي الزوايد ,, غير برهـ السعودية


بس ممكن يطلبونها لك


تحياااااتي

مشكورين على التفاعل ..

أخوي الهيو ..

أهل الرياض يقولون نزلت أكثر من سيارة بهل الإصطابات ,, و نزلت حتى بالـ 4 سلندر فل ؟؟

يالليت لو تروح الوكالة اذا ما عليك أمر تتأكد لنا ,, و اكون لك من الشاكرين ,,

ياليت مع صورة

تحيااااااتي

مشكوور ويعطيك العافيه اخوي ابو عبدالرحمن على الرابط


تحياتي ..

السلام عليكم

عندي سوناتا 2007 4 سلندر ....واريد احط لها الزوايد النيكل حقت ال6 سلندر ...هل ممكن احصلها في محل او لازم اشتريها من الوكاله ؟؟؟

نحياتي لكم