هذا الموضوع عثرت عليه أثناء التصفح على النت ..و بصراحة عجبني جهاز التنظيف المذكور ...و أبغى أسئلكم يا شباب هل أحد يعرف محل في جدة عنده مثل هذا الجهاز مع الشكر للجميع
موضوع كامل بالصور لمن يريد ان تقلع سيارته والمحافظه عليها
[SIZE=3]اغلب الناس تحب ان تحافظ على جمال سيارتها الخارجي وكثير منا يحب ذلك ..ولكن وهنا المشكله الكبيره نسيان المحرك وعدم المحافظه عليه بالصوره المطلوبه..سبب اتجاه الناس نحو الكلام الكثير والكلام الفاضي وكلام الكراجات والنصابين ... يعنى مثلا صارلي موقف من فتره كنت رايح كراج معروف وقتله لو سمحت ابي اسوي تصفيه كامله للموتر وقالي اوكي ..وقالي روح الوكالة اشتر فلتر بانزين وبلاكات حق الموتر.رحت الوكالة وشريت الي قالي عنه..وصلت عنده وغيرلي البلاكات وفلتر البانزين..وشغلت الموتر وجربته نفس الموتر بالظبط ماتغير شي بالعزم (جيتي ماجيتي رحتي نفس ماجيتي) وقتله ياخوي ترى نفس العزم ماتغير شي ليييش؟؟؟ قالي بس هذي تصفيه كامله ..وقتله مو المفروض تصفيه كامله تشمل البخاخات قالي:لا لا البخاخات ماتتنظف ولي يقولك انها تتنظف يجذب علييك ...انا صدقته ومشيت لانه كراج معروف والواحد مايحط اباله هذا الشخص ينصب عليه او يتفلسف ومشيت عنه وخليته..............................[/SIZE]
[SIZE=2]وصارلي يمكن سنه على هذي الحاله ويزداد الحال الى الاسوء وبعدين بدأ موسم الرحلات والكشتات وكنت اروح وجي والحاله تزداد الى الاسوء والموتر صار تعبان نفس ممشى (الاند كروزر)
... المهم اليوم طرا على بالي اني اروح اسوي تصفيه مره ثانيه وبجرب كراج ثاني..المهم رحت اليوم وشفت واحد باكستاني كبير بالسن وشكله خبره على الاخر وقتله بسوى تصفيه قالي على طول وبكل ثقه اركن السياره ..المهم قتله شنو تشمل التصفيه الشامله قالي تبديل بلاكات وفلتر بانزين وتنظيف بخاخات ..قتله: انا توني شريت من الوكاله بلاكات وفلتر بانزين وانت بس عليك التركيب وتنظيف البخاخات المهم اتفقنه...وراح جاب مكينة تنظيف بخاخات وهذي المكينه :
وبعدين يفصل الهوزات الي توصل البانزين حق المكينه وشيلهم ..وحط هوزات الظخ والدفع حقت مكينة تنظيف البخاخات:
وعلى فكره ترى مكينة تنظيف البخاخات فيها تانكي بنزين وهو يقوم بتشغيل السياره وعمل دوره كامله على الضخ ويضاف الى التانكي دواء للقضاء على الاتربه والترسبات وهو دواء للبخاخات والتانكي والدواء باين عندكم بالصوره :
وبعد عمل التنظيف والانتهاء من البخاخات شوووفوا الترسبات الي اطلعت من البخاخات وهى تخرج من راس المكينه ونرى بالصوره الترسبات التى خرجت وبعدها يقوم الميكانيكي بتنظيفها ومسحها بمنديل او منشفه :
وهذي صوره للبلاكات القديمه كلها وشوفوا الاحتراق لي وين واصل ونرى ان بلاكات تتكلم وتقول يرحم والديك بدلني
:
وحمدلله خلص الرجال وجربت السياره ماشالله ياجماعه سياره ثانيه مو باترول ابد..بدون مبالغة وحتى يوم ادقها سلف غييير صارت ناعمه وصوت السياره تغير صار ازعاج اقل والسياره ترجع وكاله .. وماعليكم من الكراجات الي تقول البخاخات ماتتنظف وماعرف ايش...الا تتنظف ونص وروحوا ياجماعة حافظوا على نظافت المكينة والبخاخات ولا تهملون هذي الشغله تراها مهمه جدا ..وكثير من الناس تغفل هذا الموضوع ويكتفون بتبديل البلاكات والفلتر والزيت والسلام عليكم ومش حالك ...لا لا ياشباب غلط اكبر غلط وقولك اسأل مجرب ولا تسأل طبيب ..وهذا انا اليوم جايكم مجرب.. وهذه هي التصفيه الكامله ولا بلاش..
[/SIZE]
