السلام عليكم ورحمة الله وبركاته
من زمان وأنا ودي أطرح تقرير عن الافالون حقنا بس كان الوقت مايسمح وكثرة الانشغالات
بس اليوم قررت أني أطرح هذا التقرير + صور والانطباع الكلي عن السياره بعدأستخدام ثلاث
سنوات للسياره ولقد أثبتت جدارتها وقوت تحملها وبكل فخر أقول شركة تيوتا قدرت تسوي
سيارات
مواصفات السياره :
سنة الصنع 2004
فل أبشن
جلد بيج من الداخل
مثبت سرعه
4 وسائد هوائيه +ABS
نظام صوتي JBL مكون من 4 سماعات + 2تويترات + سيدي وكاسيت
تكييف الكتروني مع تكييف للركاب في الخلف
كراسي الكترونيه + كرسي السائق يوجد به ذاكره
شاشة معلومات يطلع لك فيها التاريخ والساعه وكم يمشيك البنزين وكم كيلو ماشيه السياره
ويوجد بها أيضا شاشه صغيره يظهر فيها علامات تحذيريه مثل حزام الامان والسرعه عند تعدي 120 كيلو
الهاند بريك عند نقص السياره الزيت او المياه
ويوجد بها ايضا حساسات في الخلف والامام + حساسات للضوء يعني لمن يجي الليل انوار السياره تشتغل
بروحها من دون انتا ماتشغلها
ستاره خلفيه متحركه
مواصفات المحرك
6 سلندر نظام VVTI متطور 3000 الاف سي سي 216 حصان
تسارع ممتاز عزم وقوه فوق المتوقع
تقدم على المكسيما القير الاوتو واللومينا6سلندر والابيروس
قطعت السياره مسافة 75 الف كيلو لم تعاني من اي مشاكل أبداً ولله الحمد
عزل هوائي ممتاز عند السرعات العاليه
تمشي 160 كنك تمشي 120 ماتحس للسرعه
ثبات رائع عند المنعطفات
أتساع المساحه الخلفيه للركاب الواحد يقدر ياخذ راحته
الراحه التامه عند القياده في الطرق السريعه وذالك بسبب
نظام التعليق في السياره وعدم قساوته
الوالد مره ساق السياره راح فيها للعمل يقول ماشاء الله أحسن من سيارتي
مع العلم الوالد يملك كابرس LTZ 2001 ثمانيه سلندر يقول راحه غير طبيعيه
السلبيات اللي توجد في السياره
لايوجد بها تنزيل اوترفيع صوت المسجل عبر المقود الابواب الخلفيه تحس انها
خفيفه بزياده عن اللزوم ارتفاعها الزائد من الخلف تقول انها راح تطير يمكن
غير كذا لايوجد سلبيات
مع مرور ثلاث سنوات على السياره الا انها مميزه ماتمل منها ولامن سواقتها
عكس السيارات الثانيه تمل منها كثر ماتشوفها بشارع وغير الخرابات الاكل
يوم والثاني بالورشه
سيارات تويوتا شيك في يدك واقولها وبكل صراحه ومن دون تحيز
بالعكس فيه شركات ثانيه جالسه تثبت جدارتها في السوق
المنافسين الى الافالون
ازيرا من هونداي
أوبيروس من كيا
لو تكلمت لن اوفي بحق هذه السياره
نجي للصور والاضافات الا على السياره
مقدمة السياره
من الخلف
تم تبديل علامة TRD الى علامة TOM’S أشهر معدل لسيارات تيوتا
يتبع الرجاء عدم الرد حتى الانتهاء
