فورتشنر يتسلق جبل وعر في المدينة المنورة (صور)

ما شاء الله على الموتر الله لا يضره ..

كنت ناوي بصراحه أطق لي واحد مثله بس تفاجئة أنه مايجي فتحه سقف للفل أوبشن !!

والمكيف الخلفي في جهة وحده ,, يعني الله يعين اللي بيكون جالس جنبه أكيد بينصمخ

واذا هم بزارين صغار راح أسمع المهاوش والرفس مين اللي يقعد جنب المكيف !!

والا الموتر ماعليه كلام ..

الموقع التالي فيه إطراء جميل لإمكانات الفورتشنر في جنوب إفريقيا. باللغة الانجليزية.

http://www.4xforum.co.za/?showitems&global%5Bmymenu_id%5D=263
http://www.motoring.co.za/index.php?fArticleId=3137962

الفورتشنر خلوصه الأرضي رسمياً 220 ملم.
وبالنسبة لقفل الدفرنس، يوجد مواضيع مسهبة في هذا الأمر، والرابطين التاليين أفضلها:
http://www.assayyarat.com/forums/showthread.php?t=101292&highlight=%DE%DD%E1+%C7%E1%CF%DD%D1%E4%D3
http://www.assayyarat.com/forums/showthread.php?t=80945&page=2&highlight=%DE%DD%E1+%C7%E1%CF%DD%D1%E4%D3

والرابط التالي موضوع قديم جداً عنه وطويل، لكنه رائع إذا كان عندك وقت:
http://www.assayyarat.com/forums/showthread.php?t=5752&highlight=%DE%DD%E1+%C7%E1%CF%DD%D1%E4%D3

الخل الوفي

ابسأل عن ارتفاع الفورتشنر عن الارض

ولو سمحت ممكن تعطينا نبذة بسيكة عن قفل الدفرنس الامامي او الخلفي ولو يكون بالصور يكون الموضوع له طعم آخر



جزاك الله خيراً

على فكرة أخوي أبو زياد، شكلك ما تشيك على الرسائل الخاصة.

هذا الشغل، يالله بالتوفيق

ابو زياد

لا طبعاً مو مشبوك على طول! لو أبغى مشبوك علطول كان وفرت على نفسي ولحمت الدفرنس وخلاص. شغل محترم إن شاء الله، كمبرسر هواء وزر تحكم من داخل كبينة القيادة وكل شيء. نوعيته ARB نفس إللي عندك لكن مصمم لتويوتا.

الخل الوفي



ابو زياد




ومنكم نستفيد ..

بالتوفيق اخي الخل بس ودي اسأل هل بيكون مشبوك على طول ام انت تتحكم فية إما هواء او كهرباء و إذا مشبوك على طول ترى بيتعبك و حتى لو الدبل ما هو شغال و بتسمع طقة على ما اعتقد لإني قبل كنت مركب نوع امريكي للرانجلر اسمة بورتراكس كان شغال على طول تعبني خصوصاً باللفات اسمع صوت طقة مو معقولة إلين فكيتة.

ابو زياد

أشكرك أخوي أبو زياد على الرد الشافي، والحقيقة شجعتني.

أنا خلاص شريت القطعة للدفرنس الأمامي واستلمتها، توو ليت :) لكني معزم إني أركبها إن شاء الله، لأن سيارتي ما فيها أي نوع من أنواع التراكشن كنترول. المقدمة IFS للأسف، مثل إللي في البرادو تماماً، بل حتى قطعة الدف لوك هي نفس القطعة للبرادو والإف جي كروزر، مما يعني إن الدفرنس الراكب في الفورتشنر هو نفس الدفرنس في هذه السيارات.

معروف أن قفل الدفرنس الأمامي لا يستخدم إلا في أصعب الحالات وأن غالباً ما تحتاج غير الخلفي، لكني أبغى أصير جاهز حتى لأصعب الحالات.

اخي الخل الوفي //
مشكور على ردك و على فكرة انا اعرف وكيل ال ARB في جدة وهم الرماية و الشركة مقرها عندكم بالرياض عموماً صدام ال ARB مثل الذي عندك يطلقون علية اسم صحارى تاتي الكشفات لوحدها و سعرها مستقل عن قيمة الصدام عموماً ما شاء الله على اللي عندك حلو و معطي السيارة منظر جميل و يعطيك خيرة و يكفيك شرة - بالنسبة لقفل الدفرنس نعم انا مركب امامي و خلفي من ARB و هو ممتاز جداً جداً و انصح كل من يهوى تسلق الجبال بالذات ان يكون عندة - انا مركبة تقريباً من 5 سنوات و هو جيد بس احيانناً يصير تهريب بالهواء من الداخل بسبب جلدة او ما شابة ذلك - بس ودي اسألك هل الفورشنر يجي في المقدمة دفرنس و الا نظام IFS عموماً انا ما انصحك تركب امامي لإن الاصل في الخلف و مدام موجود و شد بلدة ترى ما تحتاج امامي إلا إذا انت حابب تركب بس على فكرة إذا شبكت القفل الامامي بيصير عندك الدركسون ثقيل و يتعبك عند اللفات و انا ما استعمل إلا الخلفي اغلب الاوقات - عموماً الاسترالين تفوقو على الامريكان بالنسبة لإقفال الدفرنس و شغلات ال 4X4 و على فكرة قبل فترة ذهبنا إلى جبل في منطقة الشفاء قرب وادي اسمة الإقيلح فية جبل صعب جداً جداً و إذا جيت يوم إلى المنطقة لابد إنك تزورة .

اخو ابو زياد

أخوي أنت مجرب السيارة، ولا عن قيل وقال؟ أنا أجزم إنك ما جربتها، لأنك لو جربتها كان قلت شيء ثاني.

الحمد لله، ما عندي عقدة، وسيارتي والله ما هي رخيصة، وما شريتها إلا إني مقتنع تماماً إنها تستاهل السعر، ولست نادماً أبداً، ولو همني الفخامة كان شريت أطلق تريل بليزر أو فورد إكسبلورر بنفس السعر، لكن الياباني له قيمته، حتى لو صنع خارج اليابان. 100،000 قيمة زهيدة؟!

والدف لوك موضة قديمة؟ وأساسي في كل الجيوب؟!! هذا يدل على إنك فعلاً فاهم. وهو ليس للرفاهية أبداً، بل هو للكفاءة غيرالعادية في البر. وهذا الموضوع يثبت كلامي.

أخوي أبو زياد

أشكر لك سؤالك، وبأجاوبك بشرط إنك تجاوب سؤالي :)

نعم الصدام من ARB وحصلت عليه من دبي، من شركة دبي 4×4، لكن بعد ما شريته بـ 3400 درهم، لقيت إنه سعره رخيص جداً بالنسبة لصدام من ARB لأني اكتشفت بعدها أن شركة ARB أبو ظبي تبيعها بـ 4000 درهم بدون الكشافات (حقتي جت معها الكشافات مع البيعة) والكشافات لحالها قيمتها تقريباً 1000 درهم! فلما شافوها حقون ARB في أبو ظبي قالو هذا أكيد تقليد. الله أعلم. لكن جودتها عالية جداً وفيها الجزء الخاص بممصات الاصطدام الذي يشغل أكياس الهواء، وفيها قاعدة ونش مصمم لونشات وارن WARN وركبت عليها ونش وآخر حلاوة.

الذي لاحظته أن الصدام الأصلي من ARB فيه خاصية إضافية على صدامي، وهي أنها فيها نقاط للرفع العالي High-lift jacking points، التي هي غير موجودة في صدامي. لذلك قد يكون كلامهم صحيح.

الآن، سؤالي. أنت ركبت AirLocker على الرانجلر إللي عندك في الخلف والأمام. أبغى أعرف كيف ماشي معك، وهل تنصح به أم لا. لأني شريت القطعة للدفرنس الأمامي إللي عندي، وأبغى أركبها إن شاء الله.

الأخ/ dc55s

أشكرك على الرد الوافي.

الأخ/ بو راكان، أشكرك على المرور والمشاركة.

كلامك صحيح 100% ........إذا ترى انها سيئة فغيرك يرى انها ممتازة وإرضاء الناس غاية لا تدرك....! لذلك فهذة المشاركة تعبر عن رأي صاحبها وتجربته فيها...فإذا انها ممتازة أو انها سيئة فهذا يعود على رأي العضو نفسة والمشاركة التي موجودة ماهي إلا تجربة قد يقتنع بها الاعضاء الآخرون وقد لا يقتنعون بها والحمد اللة فالشركات كثيرة والسيارات أكثر والخيارات متنوعة وغير محصورة لذلك بإمكان أي عضو الكتابة والتعبير في سيارات أخرى وليس الاستمرار والتركيز على هذة المشاركة لإن السيارة او هذة المشاركة لم تعجب العضو ( هذا الكلام ليس موجة لك وانما لمن لا تعجبهم هذة المشاركة بالتحديد).............. ( لاتوجد سيارة كاملة مكملة فالكمال للة وحدة سبحانة وتعالى!)

اخي الخل الوفي /
ودي اسألك هل هذا الصدام الامامي من ARB و مين وين حصلت علية وكم سعرة /// مشكور مقدماً

أخ dc55s

مافيها شيء لما الواحد يكتب رأييه و تجربته في سيارة يعتقد أنها سيئة
ولكن الخطأ الكبير هو التعرض للأشخاص و ليس للسيارة

يا اخوان اذا وصلنا الى هذا الحد في الردود فيفضل عدم الكتابه اساسا لإن الموضوع الذي لا يعجبك اساسا لا ترد عليه من الاصل ..هذا الموضوع خاص بالاخ (الخل الوفي-وليس دفاعا عنه)فمن أعجبه الموضوع فلدلو بدلوة ومن رأى انة لا يعجبة الموضوع فأما يرد برد لائق ويشارك بمشاركة يستفاد منها أو يفضّل عدم الرد حتى لا ندخل مشادات كلامية وبدون فائدة ...
لإن العضو الذي يكتب تجربتة فهو يعرض تجربتة للجميع حتى يستفيد الآخرون وليس لعمل دعاية أو ان له نصيب أو اسهم في هذة الشركة...!!!!!! بعض السيارات تعجبني فأشارك في المشاركات التي تكتب عنها وبعض السيارات لا تعجبني فأطلع فقط على ماكتب عنها وبدون ما أكتب مشاركات سب او مشاركات لايستفاد منها لإن العضو اعتقد انه يجب ان يكون فعّال في كتاباته ولا يكون سلبي او منحاز لإن مثل هذة المنتديات يجب من العضو الاستفادة منها ودعمها بالمشاركات الممتازة بدلا من السب والتذمر في سيارة شخص معين أو شركة معينة لإن أي شركة مهما كانت واينما صنعت سياراتها فلها زبائنها ولها سوقها سواء رضي او لم يرضى وهذا هو الواقع .....آسف على الإطالة ولكن يجب ان نكون محقين في تصرفاتناوفيما نقول....

الفورتشنر هذا مقلب :D

يعطيك العافية اخوي انا رأيي مثل رايك الفورتشنر يكفي انه من تويوتا وشكله حلو شبابي و سبورت بصراحة انا انظر لها كسيارة مثالية و دمتمsuga suga