السلام عليكم جميعا
أنا سبق وكنت كتبت موضوع استشاره ومقارنه بين الجراند شيروكى وسيارات اخرى وعملت استخاره وتوكلت على الله واشتريتها
المحرك 4.7 8 سلندر فل لميتد السعر 120 ألف درهم الحين هى عامله 9500 كيلو فى 5 شهور وخلال تلك الفتره أحب اقول ان السياره فعلا رائعه
طلعت البر 3 مرات ، أول مره بغشامه - أول مره فى حياتى - كنت داخل والتايرات منفوخه على 48 وهوب مشيت 100 متر وغرزت السياره وقلت فى بالى أخدت مقلب وسياره ضعيفه لحين شافنى أخ كريم معه كروزر قالى لازم تفرغ الهواء لأنى كده ممكن أحرق الكلتشاات وساعدنى وبعدها هوب السياره طلعت فى ثوانى وحسيت كأنى ماشى على الاسفلت تمام ومن يومها والسياره رائعه فى الرمل ولم تغرز معى ولامره ولم أستخدم اللو جير حتى الأن - وبصراحه خايف أجرب أغرز السياره وأستخدمه لأنى على قد حالى فى المواضيع دى-
أما على الطريق فبسم الله ماشاء الله اتزان رائع وسرعه وانطلاقه جباره وكأنى راكب سياره اسبور وأخوكم محنون شويه بالسرعه وقمت بيها بأكثر من مناوره بين السيارات على سرعه عاليه من 90 الى 100 والسياره ماشاء الله قمه فى الاتزان وأعيد وأقول فعلا على الطرقات كأنى راكب سياره صالون.
المكيف ممتاز 2 تحكم مستقل ، الراديو 6 سي دى صوت رائع .
عيوبها من وجهة نظرى ان الجير مايلقط بسرعه فى الأوفر درايف لو كنت ماشي على سرعه متوسطه أو بطيئه لفتره من الزمن ( وقد يكون احساس خاطىء أو نسبي لأنى كماقلتلكم من هواه السرعه) لكن اذا مالقط الله عليه
عيبها التانى تانك البترول صغير 20 جالون ما جربت يكفينى كم كيلو
الوكاله بالامارات ممتازين فى كل شىء قبل البيع وبعده
يمكن علشان السياره جديده لم تظهر عيوب أخرى لكن حتى الأن السياره ممتازه
حبيت أشارك الكل تجربتى بكل أمانه وصراحه ولو فيه جديد حأذكره أول بأول ولو فى حد عنده استفسار عن شى أنا ماذكرته أنا حاضر
