ياشباب مطلوب معلومات عن تقسيط السيارات و التأجيـر..

وبؤك سالم اخوي POISE ..

شكرا على ثنائك وإطراءك ..

وأهم شيء يتضح للاخوان هالأمر اللي فيه لبس كثير ..

والسلام ..

رجل الجبل يسلم بؤك على توضيحك الجميل وافادتك .. والله يعلم ان كلامه صحيح وانا مجرب التمويل الشخصي .. وكان قيمة معادن .. شريتها وفوضت البنك يبيعها وباعها ومن بكره المبلغ في حسابي ..

اخوي Red Horse لا تعصب الله يعافيك .. وسع صدرك ..

الموضوع للنقاش ولتوضيح اللبس عند بعض الاخوان ..

بعدين إذا كنت تقصدني لما تكلمت عن القرض فأنا عارف وواضح عندي كل الكلام اللي قلته ..
بس حبيت أوضح للاخوان لأن بعضهم فاهم ان التمويل هو القرض وهذا اللي أنا قلت انه حلال ( طبعا أقصد التمويل ) .. وفعلا أنا ما وضحت هالنقطة في كلامي .. فلك الشكر على التنبيه .. وبس ‍‍‌‌!!

ويمكن دايم تسمع من الناس أنا آخذ قرض أو علي قرض وهكذا .. طبعا يقصدون التمويل .. اللي هو مباااااااح بالشروط اللي وضحناها سالفاً ..

والآن .. ليفهم الجميع أنه لا خلاف على أن القرض حرااااااااااااااام .. لا خلاف عليه أبدا .. اللي هو مبلغ بمبلغ مع اشتراط زيادة وفائدة على المبلغ الأساس عند السداد بالأقساط ..

يمكن أحد يسأل طيب لو أخذت مبلغ معين على أقساط وأعدته لصاحبه ولكن دون فائدة أو أي زيادة .. نقول هذا حلااااال ..

والله أعلم .. واتمنى يكون اللبس وضح الآن ..

والسلام ..

ياخي القرض حرام
هذا مو قرض هذا تمويل
القرض انك تاخذ فلوس وتردها بزياده
التمويل تشتري شي بسعر مؤجل او مقسط وتبيعه على طرف ثالث غير البنك لكن عن طريق البنك
يعني البنك يبيع لك بالتقسيط وتوكل البنك انه يبيع لك هذه البضاعه على طرف ثالث

يعني لاتقول قرررررررض لانه حراااااااااام اسمه تمويل ياناس افهموا

هذا أيضاً للفائدة ..

الخميس, 01 مارس 2007 السؤال :
ما حكم البيع بالتقسيط ، وما هو الحلّ الشرعي لمواجهة تخلّف بعض المشترين عن سداد بعض الأقساط ؟

الجواب :
الحمد لله
أولاً : تجوز الزيادة في الثمن المؤجل عن الثمن الحال ، كما يجوز ذكر ثمن المبيع نقداً ، وثمنه بالأقساط لمدد معلومة ، ولا يصح البيع إلا إذا جزم العاقدان بالنقد أو التأجيل ، فإن وقع البيع مع التردد بين النقد والتأجيل بأن لم يحصل الاتفاق الجازم على ثمن واحد محدد ، فهو غير جائز شرعاً .

ثانياً : لا يجوز شرعاً ، في بيع الأجل ، التنصيص في العقد على فوائد التقسيط ، مفصولة عن الثمن الحال ، بحيث ترتبط بالأجل ، سواء اتفق العاقدان على نسبة الفائدة أم ربطها بالفائدة السائدة .
ثالثاً : إذا تأخر المشتري المدين في دفع الأقساط عن الموعد المحدد فلا يجوز إلزامه أي زيادة على الدين بشرط سابق أو بدون شرط ، لأن ذلك ربا محرم .
رابعاً : يحرم على المدين المليء أن يماطل في أداء ما حل من الأقساط ، ومع ذلك لا يجوز شرعاً اشتراط التعويض في حالة التأخر عن الأداء .

خامساً : يجوز شرعاً أن يشترط البائع بالأجل حلول الأقساط قبل مواعيدها ، عند تأخر المدين عن أداء بعضها ، ما دام المدين قد رضي بهذا الشرط عند التعاقد .

سادساً : لا حق للبائع في الاحتفاظ بملكية المبيع بعد البيع ، ولكن يجوز للبائع أن يشترط على المشتري رهن المبيع عنده لضمان حقه في استيفاء الأقساط المؤجلة . مجمع الفقه الإسلامي ص 109

سابعاً : الحطيطة من الدين المؤجل ، لأجل تعجيله ، سواء أكانت بطلب الدائن أو المدين ( وضع تعجيل ) جائزة شرعاً ، لا تدخل في الربا المحرم إذا لم تكن بناء على اتفاق مسبق ، وما دامت العلاقة بين الدائن والمدين ثنائية ، فإذا دخل بينهما طرف ثالث لم تجز ، لأنها تأخذ عندئذ حكم حسم الأوراق التجارية .

ثامناً : يجوز اتفاق المتداينين على حلول سائر الأقساط عند امتناع المدين عن وفاء أي قسط من الأقساط المستحقة عليه ما لم يكن معسراً .

تاسعاً : إذا اعتبر الدين حالاًّ لموت المدين أو إفلاسه أو مماطلته فيجوز في جميع هذه الحالات الحط منه للتعجيل بالتراضي .

عاشراً : ضابط الإعسار الذي يوجب الإنظار : ألا يكون للمدين مال زائد عن حوائجه الأصلية يفي بدينه أو عيناً . والله أعلم .

يا اخوان معليش .. وش اللي ربا وحرام ؟!! ..

القروض مجازة شرعاً وهذا مو كلامي .. هذا على ذمة المشايخ جزاهم الله خير .. وهم أبخص مع احترامي الشديد لكم ..

يعني وش الحرام .. في انه يعطيك بضاعة قيمتها مثلاً 50000 كاش .. ويطلب منك سدادها مثلاً 57000 على أقساط ..

وين الحرام في هالشي .. ياخي الناس بعد تبغا تستفيد .. ولا وش فايدة الأقساط ..

هذا شيء !! وأتوقع قصدكم ان الشبهة هي في نوعية السلعة .. ففي الراجحي أغلب قروضهم على الأسهم المباحة والشرعية وأنت بعد احرص على النقية مائة بالمائة وهي ولله الحمد متوفرة وكمان على ذمة أكثر من عالم دين ..

بعد كذا انت ما يصير عليك أي شي .. بإذن الله .. ياخي لا تشددون على أنفسكم وتحرمونها ما يسره لكم ربكم ..

تبي شي أكثر من هالوضوح .. ياناس تبينوا جزاكم الله خير ..

في الختام .. فيه أحد يقول والله أنا ما أبغى حتى الشبهة في معاملاتي سواء القروض أو غيرها فهذا شي ثاني .. وهؤلاء أذكرهم بحديث نبينا عليه أفضل الصلاة والسلام : (إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ... ) الحديث .

والله من وراء القصد .. والسلام عليكم

سلام عليكم
اخوي القرض حرام والمصيبه الناس صارت تسمي التمويل قرض
الان البنوك الاسلامية ومنها الراجحي والاهلي والبلاد واعتقد سامبا عندهم تمويل
او مايسمى (بالتورق)
يعني تشتري بضاعه بسعر مقسط من البنك مثلا 1000 طن رز قيمتها كاش ب 100 الف مثلا
البنك يبيعها لك ب 120 الف بالتقسيط
ثم انت توكل البنك يبع لك الرز او المعادن اللي اشتريتها لكن على طرف ثالث حتى لايكون ربا بسعر كاش ب 100 الف
وتاني يوم الفلوس نازله في حسابك
طبعا كم نسبة الزيادة بين سعر الكاش والتقسيط هذه حسب البنك الاهلي اخذ علي 4.5% على 5 سنوات
بس طبعا حسابك يكون محول على الاهلي

الراجحي نفس الطريقه تورق لكن يتعامل بالاسهم
يصير يشتريلك اسهم في سابك او الراجحي او اي سهم حلال (مع انه سابك فيه نسبة ربا لكن البنك يتعامل معاه)
المهم نفس الحكاية يعطيك الاسهم بسعر آجل او مقسط وتاني يوم انت تقدر تبيعه في السوق عادي كانها اسهمك
مشكلة النظام هذا انه ممكن على حظك تاني يوم يطيح السوق وينزل نسبة وانت مالك في الطينه ولا في الطحينه



نفس الكلام طبقوه على بطاقات الائتمان ماستر كارد وفيزا
وايضا على الودائع الربويه ا
اول كنت تعطي البنك 100 الف وفوق وتقله ماابغاها الا بعد 6 شهور ياخذها البنك ويرجعها لك بعد 6 شهور 105 الاف يعني ربا واضح
الان صار تشتري ب100 الف حقتك بضاعه متوفره في البنك رز او معادن وتبيعها عليهم ثاني يوم بسعر آجل بعد 6 شهور
يعني ممكن واحد يقلك ابغى ابيع سيارتي ب 50 الف تقله انا اشتريها ب 55 الف بس اعطيك الفلوس بعد شهر
وعاد هوا ياخذها وتصير ملكه وياجرها يكسرها يبيعها انت مالك الا انك تاخد 55 الف بعد شهر
نفس الحكاية في البنك

اعتذر عن الاطاله لكن عمر بن الخطاب رضي الله عنه كان يخرج من السوق من لايفقه في التعامل والتجاره من ربا وحلال وحرام
والشخص ايضا يتاكد من الشيوخ
وبالتوفيق

مرحبا اخوي .. الاخوان ما قصرو

بس نصيحة نصيحة نصيحة لا تاخذ آجار منتهي بالتمليك ترا والله تتندم ..

خذ أقساط عادية زي ما قالو الاخوان .. وإذا تقدر عالكاش طبعاً بيكون أفضل .. أنا عارف ما عندك كاش !! خذ قرض من البنوك اللي ذكرها الاخ أو حتى الراجحي وريح بالك ..

بعدين لو تلقفنا عليك .. ليش ما تحول حسابك على أحد البنوك وترتاح .. إلا إذا كنت موظف غير حكومي .. شي ثاني

حبينا نخدم .. والسلام

أخوي نصيحة من أخوك أبو محمد لا لا لا تطلع السيارة بالتمليك تراهم نصابين ما دام معك الكاش أحسن وأفضل ......لية ,

لأنهم يأخذون كل سنة حوالي 3700 ريال غير قيمة الفائدة يعني لو تقسط أربع سنوات أضرب 3700 × 4 يساوي
14800 ريال هذا من غير الفائدة ......ويقولن ضد الحريق وضد الحوادث ...وهذا في علم اللة عز وجل ,

بأختصار أشتر كاش ؟؟؟؟؟

أما من ناحية السيارة أنصحك بأربعة سلندر والسباب هي :

1- جودة عالية وأن مجربها
2- قطع غيار أرخص فيما بعد ,,, والستة سلندر كأنك معك لازيرا قطع نار
3- في حالة البيع مستقبلأ تجيب قيمة ممتازة والزبون ما يبي ألا هي ,,, أما الستة سلندر زبونها قليل ( وسعرها يطيح أكثر من أربعة سلندر


وهذا رأيي ووجههة نظر ...............................؟؟؟؟


أبو محمد

نصيحتي لك ان تذهب للبنوك التاليه ادناه وتأخذ منهم طلب قرض ( تمويل ) بملبغ 50000 ريال بنسبة فائده 4% ولمدة 3 سنوات وقسط شهري قدره 1600 ريال وبدون لادفعة اولى ولا دفعه اخيره,
البنوك:
الهولندي
الاستثمار
سامبا الامريكي

واي خدمة انا حاضر ولدي خبره بسيطه ومتواضعه فقدت حصلت على قرض سياره وقد عملت ببنك من البنوك غير مذكوره اعلاه

تحياتي