أفكر أشتري باجيرو ... بس خايف من الوكيل !!

أعتقد والله أعلم أن الوكيل اخذ سمعة سيئة في السابق ..

ولم تتغير نظرة الناس ...

حيث أنني أرى كثيراً ممن جربوه الفترة الأخيرة لاحظوا تحسن ..

خصوصاً بعد إفتتاح الصالة الكبيرة على طريق خريص ..

نأمل من الوكيل التحسن فعلياً والبحث عن أسباب جذب الناس له ..

السلام عليكم ورحمة الله

اخى الكريم بخصوص الوكيل من حيث تجارب من اكثر من وكاله ما في احد احسن من احد لأنهم يبالهم من يتابع وراهم ويحرق اعصابهم علشنان يخلصو شغله ويفتكو من شره يمكن بس عندك الى هو عبد اللطيف جميل هو افضلهم بس ما يمنع ان يكون عليه ملاحظات او مشاكل بعد لأنى دايم اتعامل معاهم ومرات مش ولا بد خدمتهم لأنها قلت جودة خدمتهم في الآونه الآخيره حسب ملاحظتى عليهم ,,,,, اول صراحه كانو مسكتين يعنى شغل ولا اروع بس الآن لا تعليق شكل ادارتهم اختلفت فا اختلفت خدمتهم ,,,, اما من ناحية الباجيرو فهى سياره جميله وموصفاتها حلوه وسعرها مناسب الآن خاصة الدفع الجديده من 2007 اذا ناوي تشتري الآن الوقت المناسب للشراء لأن الين اليابانى طايح شوي لأن بعد كذا راح يطير سعرها فوق فوق اما من ناحيه الوكيل فا اعتقد بدا الآن يتحسن واتمنى ان يصل الى مستوي عبد اللطيف جميل على اقل تقدير70 % راح يكون حاله افضل .

مع كل الشكر والتقدير للجميع ..

اخي مرور الكرام

انا كانت مع باجيرو زكنت اصونها في الوكاله والله ياخي تعاملهم ممتاز واي شكوى مني كانوا ياخذوها بعين الاعتبار وشغلهم كان ممتاز وكانوا يخلصو السياره في وقت قصير
يمكن ايام كانت معهم وكالة كيرزلر كانت السيارات تطول عندهم في الشغلات الكبيره مثل توضيب القير والمكينه وما شابه
لكن صراحه تعاملهم كان معي مريح يمكن المشكله ليست في الوكاله وخدماتها ولاحتى القطع الغيار الاستهلاكيه عموما الشئ الي يمكن تواجه منه مشكله هي قطع غيار البودي - شمعات - اصطب -
هذا ما عندي اما السياره فلا غبار عليها ومايتحتاج صراحه
وربنا يكتب لك الخير

مراحب اخوي مرور الكرم

بالنسبة للباجيرو سبق ان قلت رأيي فيه في موضوع سابق بس باختصر الكلام

الباجيرو جيب قوي وعملي ويبيض الوجه في البر ويعد من احد افضل الجيوب العالمية بدليل استخدامة بكثرة في سباقات الرالي

لكن من جانب اخر قطع غياره نار خويي مثلا غير السير حقه بقيمة تجاوزت 500 ريال من عند موزع والا الوكيل عنده 800 قبل الخصم وقس على باقي القطع وش راح تصير بس الافضل خذ ورقة وسجل فيها اسماء قطع في السيارة غير الفحمات لانها مهيب مقياس شوف القطع اللي داخل المكينة من اديتر او طربة موية او سلف او دينمو ومساعدات امامية و خلفية وصدامات وانوار امامية او سطبات لتعرف الاسعار في حال حدوث حادث لاقدر الله ففي المدن المزدحمة كل شي جايز ورح للوكيل او اي موزع وشوف اسعار القطع بنفسك


والوكيل مايمدحونه وتعامله سيء والسيارة ماتمسك سعرها كثير مثل التايوتا والنيسان وللمزيد من التفصيل ادخل هذا الرابط وشوف ردي

http://www.assayyarat.com/forums/showthread.php?t=100402


وفي النهاية الباجيرو سيارة ممتازة بس وكيلها وقطع غيرها ماخدمها كثير لكن روح شوف انتشارها في الكويت بسبب وكيلها الجيد والنشط


تحياتي لك

أخي العزيز مرور الكرام...

أغلب القصص اللي تسمعها والسمعة السيئة هي مجرد " كلام "
والناس ما تكذب خبر...يسمعوا من فلان وفلان قال وعلان مدري ايش يقول...

حتى عبداللطيف جميل اللي الناس تعتبره أفضل وكيل في كذا عضو اشتكوا من صيانته

الوكيل اللي يسويلك مشاكل تشتكيه ويمشي عدل...

هذه وجهة نظري لأنه اللي لاحظته ان جميع الوكلاء..." جميعهم " بدون استثناء
في اللي يشتكي منهم واللي يقول ممتازين...

لكن الناس عموما يحبوا القيل والقال...

أخي الكريم، أنا كانت سياربي لانسر، أدخلتها فحص (و الله ماني فاكر كم كان العداد)، المهم جلست عندهم أسبوع كامل (سبعة أيام) وهم كل يوم يقولون لي اليوم و بكرة ألين ما تهاوشت معاهم، ثاني يوم سلموني السيارة و تفاجئت أن كثير من الأشياء الكهربائيه في السياره توقفت عن العمل (مثل المسجل، النور الداخلي، عداد غيار الزيت يصفر لوحده عندما تطفئ السيارة، الأنوار التي تضئ في التبلوه عندما تضئ النور الأمامي، الخ...) و حتى الآن مازال ضوء تحذير إنخفاض مستوى البنزين و أحد الأنوار الداخلية لا يعمل، بل أنهم رفضو (موظف الإستقبال) إستبدال قطة خربوها ب190 ريال.
لكن بصراحة شغل البودي عندهم رائع. و الميكانيك ما هو ذاك الشي. و أيضا في أحد المراد خرب علي المكيف، أخذتها لهم، و رفضت إصلاحها عندهم لأنها تكلف فوق الـ 5000 ريال. و لكن أعطوني تقرير مفصل عن المشكلة و صلحتها بره.
و الله أنا مثلك كانت عاجبتني الباجيرو، لكن فضلت البرادو (البازعي) ألا بسبب الوكيل و أولا بسبب السياره نفسها. صراحة من تجربتي القصيرة نوعا ما مع البرادو، السيارة فوق الرائعة.

و الله يكتبلك كل خير.

و مبروك سلفا... و الأهم... عليك بالإستخاره...

جزاك الله خير أخوي على الرابط وأفيدك إني قريت الموضوع كامل مع الردود

ولكن لم أجد جواب لسؤالي :

[SIZE=4]أتمنى من له تجربه مع الوكيل يصفها لنا بالتفصيل لنعلم مدى صحة كلام الناس عن هذا الوكيل ؟؟

هل يستحق كل هذا الخوف أم أن الناس تبالغ ويتناقلون الكلام فقط ...




انا أبي موضوع معين حصل مع الوكيل نفسه .. [/SIZE]

يعني بمعنى آخر لا أريد كلام مبهم مثل :

الوكيل سيء - الوكيل تعبان - أنحش عن الوكيل -

أقصد هل أحد مر بتجربه معينه مثل طلب قطعه وتأخرت عليه

أو قطع غير متوفره

أو دخل سيارته الصيانة وطلعت مصدومه وأنكر الوكيل هالشي

هل هناك أشياء تحت الضمات تخلى عنها الوكيل وقال ليست مسؤوليتي

===================

إذا كان الموضوع عام فجميع الوكلاء بالسعودية سيئين ..

من الجميح إلى العيسى إلى الحمراني إلى المتحدة إلى ساماكو إلى الناغي .. وغيرهم الكثير ...

كل واحد فيه حقه ..

وتقريباً جميع الوكلاء سمعنا عنهم مشاكل

حتى عبداللطيف الذي يعتبر أقل الضرر لم يخلو من الإنتقادات ..

آمل أن تكون الصورة وضحت . ...

أبي واحد مجرب خدمة الوكيل بنفسه ويذكر العيوب بالتفصيل ..